1 Yokana 3:20 - Baibuli I Leb Kumam 2013

²⁰ akadi di ngec me cuny wa waco be orecunu; pien Rubanga dwong kalamo ngec me cuny wa, doko engeo gi dedede.

1 Yokana 3:20 Iomraidhean Croise

Yobu 27:6

Ango amoko kitek i kom poore na, doko likame abino weke akadi acel; cunya likame pida i ceng moro acel me kuo na.

Yobu 33:12

“Do i kom kop kame in iwaco, Yobu, in ipoto. Ango ayaro dwoko dogi, Rubanga dwong kalamo jo dedede.

Sabuli 90:8

In itieko keto dub wa i nyimi, dub wa kame otimo i mung in itieko delelo i nyimi.

Yeremia 17:10

Ango Rwot angingico tam me dano, doko atamo cuny dano; ako mino ngat acelacel gikame poore ne di lubere kede ekite me kuo mere, kede di lubere kede gikame etimo.”

Yeremia 23:24

Ngai kame twero pwono nango i kabedo kalikame ango atwero nene kiye? Mam ango atie i kabedo dedede me i malo kede i wi lobo?

Yokana 21:17

Yesu bobo oko penye tien me adek be, “Simoni wot ka Yokana, in imara?” Petero likame oko bedo kede yomcuny, pien Yesu openye tien me adek be, “In imara?” En eko dwoko ne Yesu be, “Rwot, in ingeo gi dedede; in ingeo be ango amari.” Yesu oko waco ne be, “Pit romini na.

Yokana 8:9

Do kakame kiwinyo kede kop mere, kiko cako ot tenge acelacel, cako kibut joadongo. Yesu oko dong kene di dako nono cungo i nyime.

Tice 5:33

Kakame jo kame bin tie i kansulo owinyo kede kope go, cuny gi oko doko kec di kiko mito neko gi.

Joroma 8:34

Ngai kame bino ngolo kop i wi gi? Kirisito Yesu en kame bino timo, en bin eto, ebo, oko yaruno en kikom jo oto, nan etie i bad tetu cam ka Rubanga, ateteni en kame nan ebako doge pirwa.

1 Jokorinti 4:4

Cunya likame ngeo gimoro arac kame atimo, cite likame do be ango ali kede kop moro. Rwot en kame ngolo nango kop.

Tito 3:11

In ingeo be dano kame cal kamano udo etieko abilor, doko udo en ngadubo; kop loe kene.

Iburanian 4:13

Doko likame tie giacwea moro kame okanere ki nyim Rubanga, do en eneno gi dedede di tie ilererei i nyime. En nono en kame miero wan dedede onyut tice wa i nyime.

Iburanian 6:13

Kakame bin Rubanga omio kede cikere mere but Aburaam, kite kame oudo eli kede ngat kame dwong kalamo en kame koto oudo ekwongere i nyinge, omio en eko kwongere kene

1 Yokana 3:19

Manoni bino mino wan ongeunu be wan obedunu jo me ateni, di okounu bino jingo cuny wa i nyim Rubanga

1 Yokana 3:21

Jo na kame amaro, ka ngec me cuny wa likame waco be orecunu, emio wan obedunu kede nwangcuny i nyim Rubanga.

1 Yokana 4:4

Idwe na, wun ibedunu me ka Rubanga, doko itiekunu bwono inabin me angalo, pien ngat kame tie i kuo wu tie kede twer adwong kalamo ngat kame tie i piny.

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.