1 Yokana 3:2 - Baibuli I Leb Kumam 2013

² Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

1 Yokana 3:2 Iomraidhean Croise

Yobu 19:26

Akadi bed bala tuwo otieko dudubo del me koma, do ango abino neno Rubanga di pwodi koma noni tie.

Sabuli 16:11

In inyuto nango yongayo kame tero jo i kuo. I nyimi tie iye ilel adwong twatwal; i ngeti tetu cam tie iye yomcuny ikar kede ikar.

Sabuli 17:15

Do ango gira abino neni pien apoore; ka acei ki wang nino, tie ni keda bino yomo cunya.

Sabuli 31:19

Okwe, bero kame in ikano ne jo kame wori tin dwong benyo, kame iko mino oko cobere i nyim jo dedede but jo kame ringini gwokere buti.

Isaya 56:5

ango abino mino koyutuno nyingu i tempulo na kede i diere me jo na pi kare kalac kalamo ka koto oudo inywalunu idwe awobe kede anyira. Abino mino wu nying kame bedo nakanaka, nying kalikame bino rwenyo.”

Malaki 3:2

Do ngai kame bino twero kanyakino ceng me bino mere? Ngai kame bino dong cungo ka en eko neeno? En ebino bedo cal bala mac kame calaro nyonyo ka kotie jililo en, arabo bala sabuni kame bolocaro igoen.

Matayo 5:8

Kitie kede winyo jo kame cuny gi cil, pien kibino neno Rubanga.

Luka 17:30

Ebino bedo kamanono da i ceng kame Wot ka dano da bino nyutere kede.

Luka 20:36

Pien udo gin likame bobo kitwero to, pien gin kical bala imalaikan, doko kibedo idwe ka Rubanga, bala kame gin do udo kitieko yaruno kede.

Yokana 1:12

Do jo dedede kame bin ogame, di oko yei nyinge, en bin emio gi twer me doko idwe ka Rubanga,

Yokana 11:52

do likame pi gin kenekene, do pi coko idwe ka Rubanga kame osarakin obukui pi doko jo acel.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Joroma 8:16

udo Tipo nono kikome en kame tie mino ijura karacel kede tipo wa be wan obedunu idwe ka Rubanga.

Joroma 8:18

Ango angeo be can kame nataman wan otienu neno i kare ni likame romo porere kede deyo kame kobino nyuto ne wa.

Joroma 8:19

Pien cwec lung tie daro kede mit adwong pi Rubanga nyuto idwe mege.

Joroma 8:29

Pien Rubanga oudo ogeo moko sek pi loko doko cal kede Wode jo kame en oudo egeo ngeno, tetekeny Wode bed kao kikom imiegu atot.

1 Jokorinti 13:12

Pien nataman wan onenunu cal kame warawara i ilabura, do obinunu neeno wang kede wang. Gikame nan ango angeo tie dul kenekene; do abino ngeno odocon, bala kame Rubanga ngea kede odocon.

1 Jokorinti 15:49

Bala kame wan ongapo kede cal me dano kame otimo kede apua, obinunu da ngapo cal me dano kowok ki malo.

1 Jokorinti 2:9

Do bala kame kowandiko be, “Gikame wang moro likame pwodi oneno, akadi yit moro da likame pwodi owinyo, akadi ngatamoro da pwodi likame otamo pire, gi nono en kame Rubanga otieko iiko ne jo kame mare.”

2 Jokorinti 3:18

Doko wanunu dedede kame kotieko kwanyo gikame galao nyim wa, wan jo kame onyutunu deyo ka Rwot, kotie loko wa i cal mere yai ki deyo tuno i deyo kame meede ameda, man Rwot kame obedo Tipo en kame timo.

2 Jokorinti 4:17

Pien can kame nataman wan otie neno tunutunu noni, tie iiko ne wa deyo adwong kalikame wacere, kame bedo nakanaka.

Jogalatia 3:26

Pien i Kirisito Yesu, wun dedede itienu idwe ka Rubanga pi yei.

Jogalatia 4:6

Doko pi wun ibedunu idwe mege, Rubanga otieko cwano Tipo ka Wode i cuny wa, Tipo kame kok but Rubanga be, “Aba! Papa!”

Jopilipi 3:21

En ebino loko kom wa agoro gi di ko doko cal bala mere me deyo, di etio kede twer kame mie ekaruno keto jame dedede i loc mere.

Jokolosai 3:4

Ka Kirisito ngat kame obedo kuo wu bino neeno, wuda ibinunu neeno karacel kede en i deyo.

Iburanian 9:28

kamanono da, ingei yalo Kirisito kicel pi kwanyo dub me jo atot, en ebino bobo neeno tien me are, likame pi kop kame mako dub, do pi lako jo kame tie kure kede imue.

2 Petero 1:4

Pi deyo kede bero mere, en emio wa cikere me wel amalo kame pirgi tek, me wek ikarununu bwot ki dubere kame tie i piny pi mit arac me kom, di ikounu doko jo kame nywako kite me kuo ka Rubanga.

1 Yokana 2:28

Aso nataman, idwe na, bedunu i en, tetekeny kame en eneeno, wan obedunu kede nwangcuny di likame lewic ko bino mako wa i nyime i Ceng me dwogo mere.

1 Yokana 2:7

Jo na kame amaro, ango likame atie wandiko ne wu cik kanyen, do cik acon kame oudo wun itienu kede cako ki agege. Cik acon nono en kop kame wun itiekunu winyo.

1 Yokana 3:1

Nenunu ber epone kame Papa maro wa kede, manoni en komio kolwongo wa be idwe ka Rubanga; doko da ateteni wan idwe mege. Piny likame ngeo wa pien ekwie.

1 Yokana 3:10

Idwe ka Rubanga kede idwe ka Sitani nyutere iepone kacal kaman: jo dedede kalikame timo gikame opoore, amoto kalikame maro imiegu kede amiegu gi, likame obedo idwe ka Rubanga.

1 Yokana 3:21

Jo na kame amaro, ka ngec me cuny wa likame waco be orecunu, emio wan obedunu kede nwangcuny i nyim Rubanga.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

Gianyuta 2:28

Doko ango abino mine acer me odiko.

Gianyuta 22:4

Gin kibino neno wange, doko kobino wandiko nyinge i tur nyim gi.