1 Yokana 3:19 - Baibuli I Leb Kumam 2013

¹⁹ Manoni bino mino wan ongeunu be wan obedunu jo me ateni, di okounu bino jingo cuny wa i nyim Rubanga

1 Yokana 3:19 Iomraidhean Croise

Sabuli 119:56

Ango atieko udo winyo noni, pien ango oudo abedo gwoko cik nin.

Isaya 32:17

Tim kopoore bino kelo anapakin kede bedo abongo alola moro i kare dedede.

Yokana 13:35

Iepone nono, jo dedede bino ngeno be wun ateteni ibedunu josiao nango, ka imarerenu kenu kenu.”

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Joroma 4:21

En oudo engeo kiber be Rubanga oudo twero timo gikame ecikere iye.

Joroma 8:38

Pien ango angeo kiber be, akadi to amoto kuo, imalaikan amoto jopug me malo, jame me kare kanataman amoto me waru, twer,

2 Temeseo 1:12

doko kop noni en komio ango atie neno can kaman. Do ango lewic likame maka, pien ango angeo ngat kame atieko keto gen na i kome, doko ango angeo kiber be en ekaruno gwoko gikame etieko gena kede paka tuno i Ceng nono.

Iburanian 10:22

wek do onyikunu but Rubanga kede cuny me ateni kede yei kame genere, di otienu kede cuny kotieko lonyere ki ngec me timo gikarac kede di kotieko lwoko kom wa kede pii acil.

Iburanian 11:13

Jo nogi dedede bin oto di oudo kitie kede yei, di likame kiudo gikame bin Rubanga ocikere pi mino, do oudo kinene anena ki kakabor di kiko pwore pire, ingei gin yei be gin kibedo jokumbor kede wele i piny kan.

1 Yokana 1:8

Ka wan owacunu be oliunu kede dub, udo wan ongalerenu kenwa, doko udo oliunu kede ateni.

1 Yokana 2:21

Ango awandiko man butu, likame pien wun ikwianu ateni, do pien wun ingeunu ateni, doko ingeunu be likame tie angalo moro kame wok ki ateni.

1 Yokana 3:14

Wan ongeunu be wan otiekunu yai ki to di okounu dokaro i kuo, pien wan omarerenu wan kenwa kenwa. Ngat kalikame tie kede amara udo etie i twer me to.

1 Yokana 3:20

akadi di ngec me cuny wa waco be orecunu; pien Rubanga dwong kalamo ngec me cuny wa, doko engeo gi dedede.

1 Yokana 3:21

Jo na kame amaro, ka ngec me cuny wa likame waco be orecunu, emio wan obedunu kede nwangcuny i nyim Rubanga.