1 Yokana 3:16 - Baibuli I Leb Kumam 2013

¹⁶ Epone kame wan ongeo kede amara en ine: Kirisito ojalo kuo mere pirwa. Pi mano, poore wada ojalunu kuo wa pirwa kenwa kenwa.

1 Yokana 3:16 Iomraidhean Croise

Matayo 20:28

bala kite kame Wot ka dano da likame obino kede pi jo timo ne tic, do en ebino pi timo tic ne jo icegun, kede pi jalo kuo mere pi lako jo atot.”

Yokana 10:11

“Ango ngakwat aber, ngakwat aber yei rwenyo kuo mere pi romini mege.

Yokana 10:15

bala kite kame Papa ngea kede, doko ada angeo Papa. Ango ayei rwenyo kuo na pi romini.

Yokana 13:34

Ango nan amio wu cik anyen be, marerenu kenu kenu; bala kite kame ango amaro wu kede, wuda poore imarerenu kenu kenu.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Joroma 16:4

jo kame oudo oyei to pi kuo na. Likame ango kena en kame apwoyo gi, do kiton ekodet me jokirisito kalikame obedo Iyudayan.

Joroma 5:8

Do Rubanga onyuto amara mere pirwa, pien di oudo wan pwodi jodubo, Kirisito oko to pirwa.

2 Jokorinti 4:12

Aso, to tie tic i kom wan, do kuo tie tic i kom wun.

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.

Joepeso 5:25

Wun cuo, marunu mon wu bala kame Kirisito da omaro kede ekodet me jokirisito di eko jalo kuo mere pire.

Jopilipi 2:17

Akadi bed bala ony remo na bala pwola i kom giamia kame koyalo pi yei wu, cunya yom, doko alelo kede wu dedede.

Jopilipi 2:30

piento en ebuco to pi tic ka Kirisito, di ecao kuo mere pi tieko timo na tic kame wun do oudo likame itwerunu timo na.

1 Jotesalonika 2:8

Aso, kite kame wan oparo kede piru, omio oudo oikere pi nywako kede wu, likame ejiri ka Rubanga kenekene, do kiton kuo wa da, pien oudo idokunu lit ne wa adikinicel.

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

1 Petero 1:18

Wun ingeunu be kotimo cul me lako wu ki ikiteso kame kony gi li, kame igamunu kibut joakwari wu. Man kotimo likame kede gikame top bala siliba amoto saabu,

1 Petero 2:24

En eyeo dub wa i kome i wi musalaba, tetekeny wan ojikunu dubo di okounu bedo kede kuo kopoore. Itiekunu cango pi aporeso mege.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 2:6

ngat kame waco be, “Ango atie i en,” poore ebed iepone kame en oudo ebedo kede.

1 Yokana 2:9

Ngat kame waco be en etie i lero do di edagi omin mere amoto amin mere udo pwodi etie i colo.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 5:9

Gin kiko wero wer anyen di kiwaco be, “In en ngat kame opoore pi gamo itabu adola kede tako gikame kododoko mwone kede. Pien in oudo koneki, doko ilako ne Rubanga jo kede remo ni, jo me abilere dedede, leb dedede, jo me erangi dedede kede atekerin dedede.