1 Yokana 3:13 - Baibuli I Leb Kumam 2013

¹³ Imiegu kede amiegu na, kur ibedunu kede ur be pien piny dagi wu.

1 Yokana 3:13 Iomraidhean Croise

Agole 29:27

Jo kopoore cuny gi dagi jo areco, doko jo areco da cuny gi dagi jo kopoore.

Ngarab kop 5:8

Kur ibed kede ur ka ineno apugan tero jocan kirac di likame kongolo negi kop kakare, doko di otuturo twero gi me dano. Ngapug acelacel tie kede ngapug kame loe, ngat kame umo tice mege areco, bobo da jopug kame lo gi nogo da tie kede jopug kame lo gin dedede.

Matayo 10:22

Jo dedede bino dagi wu pira, do ngat kame bino kanyakino tuno i ajikini bino udo alako.

Matayo 24:9

“Gin kiko bino mino wu i cing jo kame bino tidilo wu, kiko bino neko wu da. Piny lung bino dagi wu pira.

Marako 13:13

Jo dedede bino dagi wu pira. Do ngat kame bino kanyakino tuno i ajikini bino udo alako.

Luka 21:17

Jo dedede bino dagi wu pira.

Luka 6:22

“Itienu kede winyo ka jo dagi wu, di kipoko wu tenge kikom gi, di kiyeyeto wu, di kidubo nying wu pi Wot ka dano.

Yokana 16:2

Kibino riamo wu tenge ki sinagogan. Ateteni esawa bino tuno kame ngat kame neko wu bino paro kede be etie timo ne Rubanga tic.

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 17:14

Ango atieko mino gi kope ni; do piny oko dagi gin, pien likame gin kibedo jo me piny, bala kite kame ango da likame abedo kede dano me piny.

Yokana 3:7

Kur ibed kede ur be pien ango awaco ni be, kopoore nywali tien me are.

Yokana 7:7

Jo me piny likame sobolo dagi wun, do kidagi ango pien ango abedo waco ne gi be tice gi reco.

Tice 3:12

Kakame Petero oneno kede kamano, en eko waco ne jo be, “Jo me Isirael, pinyo komio itienu uro gini, arabo pinyo komio itienu ngino wa ineno bala wan omio icuo ni ooto pi twer wa, arabo be pien wan oworo Rubanga adikinicel?

Joroma 8:7

Pien tam kame koketo i kom gikame kom mito tie kwor kede Rubanga, pien likame elubo iswil ka Rubanga, ateteni likame ekaruno lubo.

2 Temeseo 3:12

Ateteni, kobino tidilo jo dedede kame mito bedo kede kuo me woro Rubanga i Kirisito Yesu.

Yakobo 4:4

Wun jo kalikame genere! Benyo, likame ingeunu be bedo awotin kede piny en bedo ading kede Rubanga? Pi mano, ngat kame mito bedo awotin kede piny udo edoko ngading ka Rubanga.

Gianyuta 17:7

Do malaika oko penya be, “Pinyo komio iuro? Ango ayaro yamo ni dwong me gi komungere kame mako dako no, kede kame mako le kame biele, le kame tie kede wie kanyaare kede tunge tomon.