1 Yokana 3:12 - Baibuli I Leb Kumam 2013

¹² Miero wan kur obedunu bala Kain ngat kame bin obedo atin me Ngarac, di en eko neko omin mere. Pinyo komio bin en eneko omin mere? Pien tice mege oudo reco do tice ka omin mere oudo opoore.

1 Yokana 3:12 Iomraidhean Croise

Ageini 4:25

Adamu oko bobo yac ne dako mere; dako mere oko nywalo atin awobi di eko cako nyinge Set, piento dako nono oudo owaco be, “Rubanga omia bobo atin ace kawang Abel, pien Kain oneke.”

2 Samuel 13:22

Do Abisolom oudo likame oko waco kop moro i kom Aminon, arac amoto aber, pien cunye oudo oko dage pi kop kame emako kede amin mere Tamar tetek di eko buto kede.

Sabuli 37:12

Jo areco iiko tam i kom jo kopoore, di kikao lak gi pi nyuto gero i kom gi;

Sabuli 38:20

Jo kame timo na raco pi bero kame ango atimo negi obedo jokwor na pien ango alubo gikame ber.

Agole 27:4

Dano kolilo ger doko etwero timo can, do nganyeko rac kalamo en.

Agole 29:10

Jonek cuny gi dagi jo kame li kede raco moro, doko gin kimoo kuo me ngat kame ikiteso mege beco.

Agole 29:27

Jo kopoore cuny gi dagi jo areco, doko jo areco da cuny gi dagi jo kopoore.

Matayo 13:19

Ka ngatamoro owinyo kop me Ajakanut ka Rubanga di likame en eko keto i kuo mere, Ngarac bino di eko waraso kop kame kocuo i cunye. Ngat nono cal bala kodi kopopoto i yongayo.

Matayo 13:38

poto en piny, kodi abeco en jo kame tie i Ajakanut ka Rubanga, doi en jo ka Ngarac.

Matayo 23:35

Pi mano, remo me jo kopoore, remo kame bin koonyo bino dwogo i wi wu; cako ki remo ka Abel, ngat kame bin li kede kop moro, tuno kede i remo ka Sakaria wot ka Barakia, kame bin inekunu i dierediere me gedo me kabedo kacil kede alutari.

Matayo 27:23

Do Pilato oko penyo gi be, “Pinyo, oudo etimo nyo arac?” Do gin kiko medo lelemo kitek be, “Wek gure i kom musalaba.”

Matayo 5:37

Wek kop kame in iwaco bed be, ‘Ee’ arabo be, ‘Li’; pien kop akalamo magi udo owok kibut Ngarac.

Luka 11:51

cako ki remo ka Abel, tuno kede i remo ka Sakaria, kame bin koneko i dierediere me alutari kede kabedo kacil me tempulo. Ebo, ateteni awaco ne wu be, kobino culo kwor nono i kom jo me i kare noni.

Yokana 10:32

Yesu oko waco ne gi be, “Ango atieko nyuto ne wu tice atot adongodongo kame owok kibut Papa; mene kikom gi en kame imitunu didipo ango pire?”

Yokana 8:40

Do wun nan itienu mono neka, ango dano kame awaco ne wu kop me ateni kame awinyo kibut Rubanga; likame man en gikame bin Aburaam otimo.

Yokana 8:41

Wun itienu timo gikame papa wu bin otimo.” Gin kiko waco ne be, “Wan likame nywal me epae; wan otie kede Papa wa acel, en Rubanga.”

Tice 7:52

Enabi mene kame bin joakwari wu likame otidilo? Gin kineko jo kame bin ogeo tuco sek bino me Ngat Kopoore, kame wun irupaunu di ikounu neko.

1 Jotesalonika 2:14

Imiegu kede amiegu na, wun idokunu jo kame lubo epone me kuo me ekodet me jo ka Rubanga, jo koyei Kirisito Yesu i Yudea, pien wuda inenunu can kibut jo me pinyu pi gi acel nono, bala kame gida kineno kede can kibut Iyudayan,

Iburanian 11:4

Yei en kame bin omio Abel omio Rubanga giayala kame ber kalamo me ka Kain. Manono oko mino kopwoye be epoore, pien Rubanga kikome opwoyo giamia mere. Bed bala en eto, do nan pwodi en eyamo pi yei.

Iburanian 12:24

Wun ibinunu but Yesu ngat kame rucakino jo kede Rubanga i isikan kanyen, kede ibinunu i remo kame kokikiro, kame yamo kop aber kalamo remo ka Abel.

1 Petero 4:4

Gin kitie kede ur pi neno be likame nan bobo wun iriberenu kede gi i tim otany me ekite me kuo arac, omio gin kiyeyeto wu.

1 Yokana 3:8

Jo dedede kame dubo obedo idwe ka Sitani; pien Sitani obedo timo dub cako ki agege. Kop komio Wot ka dano oneeno en pi dudubo tice ka Sitani.

Yuda 1:11

Kitie i can tin benyo! Pien kilubo ekite me kuo ka Kain, doko gin kidonyo i tim me angalo bala Balaam pi mito bedo kede ud, di kiko to bala bin Kora pi tim me jemo.

Gianyuta 17:6

Di ako neno dako nono di emer kede remo me jokacil kede remo me ijurak ka Yesu. Kakame anene kede, ako uro twatwal.