1 Yokana 3:10 - Baibuli I Leb Kumam 2013

¹⁰ Idwe ka Rubanga kede idwe ka Sitani nyutere iepone kacal kaman: jo dedede kalikame timo gikame opoore, amoto kalikame maro imiegu kede amiegu gi, likame obedo idwe ka Rubanga.

1 Yokana 3:10 Iomraidhean Croise

2 Samuel 13:22

Do Abisolom oudo likame oko waco kop moro i kom Aminon, arac amoto aber, pien cunye oudo oko dage pi kop kame emako kede amin mere Tamar tetek di eko buto kede.

Matayo 13:38

poto en piny, kodi abeco en jo kame tie i Ajakanut ka Rubanga, doi en jo ka Ngarac.

Luka 6:35

Do marunu jokwor wu, di itimunu ne gi bero, di imiunu da abongo geno be culu. Di do ikounu bino udo giamia me pwoc adwong adikinicel, di ikounu doko idwe ka Ngamalo Twal; piento en etimo bero ne jo kame li kede pwoc kede ne jo areco da.

Yokana 1:12

Do jo dedede kame bin ogame, di oko yei nyinge, en bin emio gi twer me doko idwe ka Rubanga,

Yokana 11:52

do likame pi gin kenekene, do pi coko idwe ka Rubanga kame osarakin obukui pi doko jo acel.

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Yokana 8:47

Ngat kowok kibut Rubanga winyo kope ka Rubanga; wun likame iwinyunu kope kame ango awaco ne wu, pien wun likame iwokunu kibut Rubanga.”

Tice 13:10

di eko waco ne be, “In nywal me Sitani, in ngakwor me gi kopoore dedede, ipong kede angalo kede tim areco, mam in likame ibino weko gogomo yongayo koriere ka Rwot?

Joroma 13:8

Kur ibedunu kede banya ka ngatamoro, do kenekene marerenu kenu kenu, pien ngat kame maro dano ocelu udo ecobo iswil kakare.

Joepeso 5:1

Pi mano, bala kame wun itienu kede idwe ka Rubanga kame emaro, lubunu ekite mere.

Jokolosai 3:14

Do akalamo magi dedede, bedunu kede amara. Amara en kame tweo gi dedede karacel di kiko bedo kiber.

1 Temeseo 1:5

Gikame omio wan ociko gi kamano en amara kame wok ki cuny acil, kede ngec aber me cuny, kede yei me ateni.

1 Yokana 2:29

Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 3:1

Nenunu ber epone kame Papa maro wa kede, manoni en komio kolwongo wa be idwe ka Rubanga; doko da ateteni wan idwe mege. Piny likame ngeo wa pien ekwie.

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

1 Yokana 4:21

Cik kame Kirisito omio wa en ine be: jo kame maro Rubanga miero mar imiegu kede amiegu gi da.

1 Yokana 4:6

Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.

1 Yokana 4:8

Ngat kalikame nyuto amara likame obedo atin ka Rubanga, pien Rubanga en amara.

1 Yokana 5:19

Wan ongeunu be wan obedunu idwe ka Rubanga, kede be, piny lung tie i twer me Ngarac.

1 Yokana 5:2

Epone kame wan ongeunu kede be wan omarunu idwe ka Rubanga en ine be, wan omarunu Rubanga doko olubunu cik mege.

3 Yokana 1:11

Ngawota kame amaro, kur ilub timo gikarac do lub timo gikaber. Ngat kame timo gikaber obedo dano ka Rubanga, do ngat kame timo gikarac likame pwodi oneno Rubanga.