1 Yokana 3:1 - Baibuli I Leb Kumam 2013

¹ Nenunu ber epone kame Papa maro wa kede, manoni en komio kolwongo wa be idwe ka Rubanga; doko da ateteni wan idwe mege. Piny likame ngeo wa pien ekwie.

1 Yokana 3:1 Iomraidhean Croise

2 Samuel 7:19

Aso di i wangi manoni oudo obedo gi katitidi, Okwe Rwot. Medo i wi manono, in itieko da cikere i kom kop amako ekeko me ngatic ni i kare me anyim. Benyo, manoni en gikame in itimo ne jo, Okwe Rwot Rubanga?

Sabuli 31:19

Okwe, bero kame in ikano ne jo kame wori tin dwong benyo, kame iko mino oko cobere i nyim jo dedede but jo kame ringini gwokere buti.

Yeremia 3:19

Rwot waco be, “Isirael, kite kame oudo cunya mito kede mini ruom amalo kikom idwe na, di ako mini lobo kame yomo cunyi, en lobo aber kalamo lobere me atekerin dedede! Oudo ango amito be ilwonga be, ‘Papa na’, di likame iko lokere tenge kibuta.

Kosea 1:10

Kare bino tuno kalikame kobino twero maro kede wel me jo Isirael, pien kibino bedo tot bala asinge me dog nam. Nataman kolwongo gi be, “Likame Jo Na”, do i kare me anyim kobino lwongo gi be, “Idwe ka Rubanga Akuo.”

Luka 20:36

Pien udo gin likame bobo kitwero to, pien gin kical bala imalaikan, doko kibedo idwe ka Rubanga, bala kame gin do udo kitieko yaruno kede.

Yokana 1:12

Do jo dedede kame bin ogame, di oko yei nyinge, en bin emio gi twer me doko idwe ka Rubanga,

Yokana 11:52

do likame pi gin kenekene, do pi coko idwe ka Rubanga kame osarakin obukui pi doko jo acel.

Yokana 15:21

Do kibino timo ne wu gi nogi dedede pi ango, pien likame gin kingeo ngat kame oora.

Yokana 16:3

Kibino timo man pien likame kingeo Papa arabo ango.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 3:16

Pien Rubanga bin omaro piny, omio eko cwano iye Wode acel kenekene, tetekeny ngat kame yei en kur toi, do eud kuo kame bedo nakanaka.

Joroma 5:8

Do Rubanga onyuto amara mere pirwa, pien di oudo wan pwodi jodubo, Kirisito oko to pirwa.

Joroma 8:19

Pien cwec lung tie daro kede mit adwong pi Rubanga nyuto idwe mege.

Joroma 8:21

kobino gonyo cwec lung ki bedo mabus me gikame top, di eko donyo i deyo me bedo idwe kogonyere ka Rubanga.

Joroma 8:32

En ngat kalikame bin ecere kede Wode kikome, do ejale pirwa dedede, mam ebino da mino wa gi dedede karacel kede en?

2 Jokorinti 6:18

Ango abino bedo Papa wu, di wun ikounu bino bedo awobe kede anyira na, man Rwot won Twer en kowaco.”

Jogalatia 3:26

Pien i Kirisito Yesu, wun dedede itienu idwe ka Rubanga pi yei.

Jogalatia 3:29

Aso ka wun ibedunu me ka Kirisito, udo do itienu kodi kowok kibut Aburaam, jo kame bino udo gikame Rubanga ocikere pi mino.

Iswilia 14:1

Musa oko waco ne jo me Isirael be, “Wun ibedunu idwe ka Rwot Rubanga wu. Pi mano, kame ikokunu joe wu oto, kur ingongolunu komu arabo ikebunu nyimu bala kame jo apat timo.

Jokolosai 3:3

Pien wun itiekunu to, nan do kuo wu okanere karacel kede Kirisito i Rubanga.

1 Yokana 3:10

Idwe ka Rubanga kede idwe ka Sitani nyutere iepone kacal kaman: jo dedede kalikame timo gikame opoore, amoto kalikame maro imiegu kede amiegu gi, likame obedo idwe ka Rubanga.

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

1 Yokana 4:17

Kotieko mino amara obedo kakare i kuo wa tetekeny obedunu kede nwangcuny i Ceng me Ngolo kop, pien bala kame kuo mere tie kede, wada kuo wa cal kamanono i piny kan.

Gianyuta 21:7

Jo kame bino lono bino udo gi nogi, di ango ako bino bedo Rubanga gi kede gida kiko bino bedo idwe na.