1 Yokana 2:6 - Baibuli I Leb Kumam 2013

⁶ ngat kame waco be, “Ango atie i en,” poore ebed iepone kame en oudo ebedo kede.

1 Yokana 2:6 Iomraidhean Croise

Sabuli 85:13

Poore bino telo ne Rwot yongayo di eko iiko ne kabeo.

Matayo 11:29

Riongunu ayoko na ikounu pwonyere kibuta, pien ango awor doko amwol i cunya, di ikounu bino udo wei.

Yokana 13:15

Pien ango atieko mino wu anyut, tetekeny wuda itimunu ne jo apat bala kite kame ango atimo ne wu kede.

Yokana 15:10

Ka igwokunu cik na, ibinunu dong i amara na, bala kite kame ada agwoko kede cik ka Papa na di ako dong i amara mere.

1 Jokorinti 11:1

Lubunu ekite nango, bala kame ango da alubo kede ekite ka Kirisito.

Joepeso 5:2

Bedunu kede amara, bala kame Kirisito omaro wa kede di eko jalo kuo mere pirwa bala giamia kame ngwe kur, kede giayala but Rubanga.

1 Petero 2:21

Kolwongo wu pi kop noni, pien Kirisito da oneno can piru, di eko weko ne wu anyut me aluba, me wek ilubunu tiene.

1 Yokana 2:28

Aso nataman, idwe na, bedunu i en, tetekeny kame en eneeno, wan obedunu kede nwangcuny di likame lewic ko bino mako wa i nyime i Ceng me dwogo mere.

1 Yokana 2:4

Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

1 Yokana 3:6

Likame tie ngatamoro kame tie i en kame dubo; likame tie ngatamoro kame dubo kame otieko nene, amoto kame ngeo en.

1 Yokana 4:17

Kotieko mino amara obedo kakare i kuo wa tetekeny obedunu kede nwangcuny i Ceng me Ngolo kop, pien bala kame kuo mere tie kede, wada kuo wa cal kamanono i piny kan.