1 Yokana 2:5 - Baibuli I Leb Kumam 2013

⁵ Do ngat kame lubo kop mere, ateteni udo amara mere i kom Rubanga otieko tuno kakare. Epone kame wan ongeunu kede be wan oriberenu kede en ine:

1 Yokana 2:5 Iomraidhean Croise

Sabuli 105:45

me wek kigwok cik mege, di kiko lubo iswilia mege. Pakunu Rwot!

Sabuli 106:3

Kitie kede yomcuny jo kame tio i yore me ateni, jo kame timo gikame opoore i kare dedede.

Sabuli 119:146

Ango akok buti; laka, di ango ako bino lubo iswilia ni.

Sabuli 119:2

Kitie kede yomcuny jo kame gwoko cik mege, jo kame moe kede cuny gi lung,

Sabuli 119:4

In itieko mino wan cik nin be ogwok gi kiber.

Agole 28:7

Idwe kame lubo iswil obedo idwe ariek, do idwe kame mako aupa kede jo akony gi li mio jonywal gi lewic.

Agole 8:32

“Idwe na, nan winyunu gikame ango atie waco ne wu. Kitie kede yomcuny jo kame lubo gikame ango awaco.

Ngarab kop 8:5

Ngat kame lubo cik ka abaka likame udo peko moro, doko ngat ariek ngeo kare kede epone me timo gikame poore.

Esekeri 36:27

Ango abino keto tipo na i kuo wu di ako mino wu ilubunu iswilia na di ikounu gwoko cik na.

Luka 11:28

Do Yesu oko dwoko be, “Do kame kalamo mere, kitie kede winyo jo kame winyo kop ka Rubanga di kiko lubo!”

Yokana 14:21

“Ngat kame mako cik na di eko lubo, en ngat kame mara. Ngat kame mara, Papa na da bino mare, ango da kikoma abino mare di ako bino nyutere bute.”

Yokana 14:23

Yesu oko dwoko ne be, “Jo kame mara bino lubo kop na. Papa na bino maro gi, di ango kede Papa oko bino but gi, di oko bedo kede gi.

Yokana 15:5

“Ango en olok; wun en ajange mege. Ngat kame dong i ango di ada ako dong i en, ngat nono en kame bino nyako anyakini atot. Pien likame itwerunu timo gimoro abongo ango.

Yokana 6:56

Ngat kame camo ringokoma kede mato remo na bedo i ango doko ada abedo i en.

Joroma 8:1

Pi mano, nan do likame kobino ngolo kop i wi jo kame tie i Kirisito Yesu.

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

2 Jokorinti 5:17

Aso, ka ngatamoro tie i Kirisito, udo en etie giacwea anyen; gikacon okato, nan do gikame nyen otieko bino.

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Yakobo 2:22

Aso mam ineno be yei mere bin oupere karacel kede tice mege, doko tice mege en kame bin omio yei mere ocobere.

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

1 Yokana 4:17

Kotieko mino amara obedo kakare i kuo wa tetekeny obedunu kede nwangcuny i Ceng me Ngolo kop, pien bala kame kuo mere tie kede, wada kuo wa cal kamanono i piny kan.

1 Yokana 4:18

Lworo likame tie i amara, do amara kame tie kakare riamo lworo tenge, pien lworo tie gikame makere kede alola, doko ngat kame tie kede lworo udo amara mere likame otuno kakare.

1 Yokana 5:2

Epone kame wan ongeunu kede be wan omarunu idwe ka Rubanga en ine be, wan omarunu Rubanga doko olubunu cik mege.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

2 Yokana 1:6

Amara nono en ine be, wan poore olubunu cik ka Rubanga. Cik nono, bala kame ibedunu winyo kede cako i agege, en ine be, miero ibedunu kede amara.

Gianyuta 12:17

Di cuny twol kiyiliyili nono oko wang i kom dako nono di eko ot yi kede ikwae mege, gin jo kame lubo cik ka Rubanga kede kame mio ijura i kom Yesu.

Gianyuta 14:12

Man tie lwongo but jokacil pi kanyakino, jo kame gwoko cik ka Rubanga kede kame moko i yei gi i kom Yesu.