1 Yokana 2:4 - Baibuli I Leb Kumam 2013

⁴ Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 2:4 Iomraidhean Croise

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

Tito 1:10

Pien joepali tie tot, jo kame yamo atatai, kede joangalo, twatwal mere jo kame kokepo di kiko lokere kidoko jokirisito;

Tito 1:16

Gin kiwaco be kingeo Rubanga, do gikame kitimo nyuto be kikwie. Rubanga dagi epone me jo nogo, jo kalikame winyo kop, jo kalikame romo timo gimoro aber.

1 Yokana 1:10

Ka wan owacunu be likame odubunu, udo omiunu Rubanga odoko ngaangalo, doko udo likame otienu kede kop mere.

1 Yokana 1:6

Aso ka wan owacunu be wan onywakunu kede en, do di otienu i colo udo ongalunu, doko udo likame otienu timo gi me ateni.

1 Yokana 1:8

Ka wan owacunu be oliunu kede dub, udo wan ongalerenu kenwa, doko udo oliunu kede ateni.

1 Yokana 2:3

Ka wan olubunu cik ka Rubanga, udo wan oniangunu kiber be wan ongeunu en.

1 Yokana 2:9

Ngat kame waco be en etie i lero do di edagi omin mere amoto amin mere udo pwodi etie i colo.

1 Yokana 3:6

Likame tie ngatamoro kame tie i en kame dubo; likame tie ngatamoro kame dubo kame otieko nene, amoto kame ngeo en.

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.