1 Yokana 2:29 - Baibuli I Leb Kumam 2013

²⁹ Ka ingeunu be Kirisito opoore, udo ingeunu da be jo dedede kame timo gikame opoore obedo idwe ka Rubanga.

1 Yokana 2:29 Iomraidhean Croise

Yeremia 13:23

Benyo, dano twero loko cal me del me kome, arabo erisa twero kwanyo kakolingulingun me kome? Likame twerere. Kamanono wuda likame itwerunu lokere weko timo gikarac di ikounu donyo timo gikaber.

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Yokana 1:13

kalikame konywalo kede remo, doko likame pi mit me kom arabo mit ka dano, do pi mit ka Rubanga.

Yokana 7:18

Ngat kame yamo i akarunikin mere kene mo deyo mere kene; do ngat kame mo deyo pi ngat kame oore, en dano me ateni, bobo eli kede angalo moro i kuo mere.

Tice 10:35

Do i atekerin dedede, en egamo jo dedede kame wore kede kame timo gi kopoore.

Tice 22:14

Anania oko waco na be, ‘Rubanga ka joakwari wa otieko yeri pi ngeno gikame en emito, pi neno Dano Kopoore kede pi winyo kop kame wok ki doge.

Tice 3:14

Do wun ikounu dagi Ngat Kacil kede Kopoore, di ikounu penyo be gony ne wu nganek,

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Iburanian 7:2

Aburaam di oko poko ne acel me tomon me jame dedede kame oudo ekelo ki yi. Me agege mere nying Melkisedeki dwong mere be “abaka kame timo gikame opoore”; doko da pi kite kame en oudo etie kede abaka me Salem, dwong me nyinge da bobo en “abaka kame kelo mulem.”

Iburanian 7:26

Pien oudo etie gikame poore, pi wan bedo kede Ngatel Josaseredoti kacal kamanoni, en ebedo ngat kacil, kame li kede raco moro arabo dub moro, kame kopoko tenge kibut jodubo di oko tinge kotere malo.

Yakobo 1:18

Pi cobo iik mere, en eko mino kop mere me ateni okelo wa i kuo, me wek wan obed bala anyakini me agege me giacwea mege.

1 Petero 1:23

Pi kop ka Rubanga, kop kame kuo kede kame bedo nakanaka, wun kotieko nywalo wu idokunu jo kanyen, bala idwe kame nganywal gi likame to do weko kame nganywal gi to.

1 Petero 1:3

Opwounu Rubanga Papa me Rwot wa Yesu Kirisito. Pi kisa mere kadwong, en emio konywalo wa i kuo kanyen me gen kakuo, pi iyarun ka Yesu Kirisito kikom jo oto,

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

2 Petero 1:4

Pi deyo kede bero mere, en emio wa cikere me wel amalo kame pirgi tek, me wek ikarununu bwot ki dubere kame tie i piny pi mit arac me kom, di ikounu doko jo kame nywako kite me kuo ka Rubanga.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

1 Yokana 3:5

Wun ingeunu be bin en eneeno pi kwanyo dub, do en eli kede dub moro i kome.

1 Yokana 3:7

Idwe na, kur iyeunu ne ngatamoro ngalo wu. Jo dedede kame timo gikame opoore obedo da jo kopoore bala kame en epoore kede.

1 Yokana 4:7

Jo na kame amaro, omarerenu kenwa kenwa, pien amara wok kibut Rubanga. Ngat kame nyuto amara udo obedo atin ka Rubanga doko udo engeo Rubanga.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

1 Yokana 5:18

Wan ongeunu be jo kame obedo idwe ka Rubanga likame dubo, pien Wot ka Rubanga gwoko gi, di likame Ngarac ko karuno mulo gi.

1 Yokana 5:4

pien ngat kame obedo anywali ka Rubanga lo piny. Doko yei wa en kame mio wa olounu piny.

3 Yokana 1:11

Ngawota kame amaro, kur ilub timo gikarac do lub timo gikaber. Ngat kame timo gikaber obedo dano ka Rubanga, do ngat kame timo gikarac likame pwodi oneno Rubanga.