1 Yokana 2:28 - Baibuli I Leb Kumam 2013

²⁸ Aso nataman, idwe na, bedunu i en, tetekeny kame en eneeno, wan obedunu kede nwangcuny di likame lewic ko bino mako wa i nyime i Ceng me dwogo mere.

1 Yokana 2:28 Iomraidhean Croise

Isaya 25:9

I kare nono, jo dedede bino waco be, “En ebedo Rubanga wa! Wan oudo obedo kure kede gen pi lako wa. Manoni en Rwot kame wan oudo obedo geno, nan obedunu kede yomcuny kede kilel pien elako wa.”

Isaya 45:17

Do jo me Isirael Rwot en kame lako, doko alako kame en elako gi kede bedo nakanaka; gin lewic likame bino mako gi arabo bedo kede atotolun pi kare dedede.’ ”

Malaki 3:2

Do ngai kame bino twero kanyakino ceng me bino mere? Ngai kame bino dong cungo ka en eko neeno? En ebino bedo cal bala mac kame calaro nyonyo ka kotie jililo en, arabo bala sabuni kame bolocaro igoen.

Malaki 4:5

“Nenunu, ango abino cwano ne wu enabi Elia di pwodi ceng na likame otuno, en ceng adwong kede me twon peko.

Matayo 16:27

Pien Wot ka dano oyaro bino kede imalaikan mege di etie i deyo ka Papa mere, di en eko bino culo ngat acelacel pi gikame etimo.

Matayo 16:28

Ateteni awaco ne wu be, tie jo mogo kame nataman tie kan, kalikame bino bilo to tuno di kineno Wot ka dano di etie bino di etie i Ajakanut mere.”

Marako 8:38

Ngat kame nan lewic make i koma kede pi kop na i kare kanataman me kwina Rubanga kede me dub, Wot ka dano da lewic bino make i kome i kare kame ebino dwogo kede di etie i deyo ka Papa mere, karacel kede imalaikan kacil.”

Luka 17:30

Ebino bedo kamanono da i ceng kame Wot ka dano da bino nyutere kede.

Joroma 9:33

bala kame kowandiko be, “Neningo, ango atie keto engaro i Sion kame bino getaro jo, lela kame bino mino gi kipopoto. Do ngat kame yei en likame kobino mino lewic mako.”

1 Jokorinti 1:7

Manoni omio likame tie giamia moro kame Tipo Kacil mio, kame nan wun ikeunu di pwodi ikurunu kare kame Rubanga bino nyuto kede Rwot wa Yesu Kirisito.

1 Jokorinti 15:23

Do ngat acelacel kobino yaruno en i kare mere kopoore: me agege Kirisito ngat kame tie bala anyakini me agege, di do oko bino yaruno jo kame obedo mege i kare me dwogo mere.

Joepeso 3:12

I Kirisito, wan otwerunu ot i nyim Rubanga abongo lworo, doko di otienu kede gen atek pi yei wa i kom en Kirisito.

Jokolosai 3:4

Ka Kirisito ngat kame obedo kuo wu bino neeno, wuda ibinunu neeno karacel kede en i deyo.

1 Jotesalonika 2:19

Pien nyo kara kame obedo gen wa, amoto kilel wa, arabo ocoro wa me angosibib kame obino wakere iye i nyim Rwot Yesu i ceng me dwogo mere? Mam wun igonogo?

1 Jotesalonika 3:13

Doko akwao da be, emi wu tekcuny i kom kop kame mako bedo jokacil, di ikounu bedo abongo raco moro i nyim Rubanga Papa wa i kare me dwogo ka Rwot wa Yesu kede jokacil mege dedede.

1 Jotesalonika 5:23

Ango akwao Rubanga won mulem, en kikome elony wu atwal atwala; egwok tipo wu kede cunyu kede komu kiber, di ikounu bino bedo abongo kop moro kame kobunano wu iye i ceng me dwogo ka Rwot wa Yesu Kirisito.

1 Temeseo 6:14

lub cik kame komii di iko bino bedo di icil abongo gikame kobunano in iye, tuno i Ceng kame Rwot wa Yesu Kirisito bino neeno kede.

2 Temeseo 4:8

Cako nataman, kotieko iiko na giamia me loc pi bedo ngat kopoore, kame Rwot ngangolkop kopoore bino mina i Ceng nono, doko likame ebino mino ango kenekene, do ebino da mino jo dedede kame daro dwogo mere kede imue.

Tito 2:13

di okurunu kede gen winyo kame bino bino, i Ceng kame deyo ka Rubanga wa adwong Ngalak Yesu Kirisito bino neeno kede.

Iburanian 9:28

kamanono da, ingei yalo Kirisito kicel pi kwanyo dub me jo atot, en ebino bobo neeno tien me are, likame pi kop kame mako dub, do pi lako jo kame tie kure kede imue.

1 Petero 1:7

Magonogi tie timere pi nyuto ateni me yei wu. Akadi saabu da gikame karuno dubere kotame kede mac; pi mano, akadi yei wu da, gikame pire tek kalamo saabu, miero kotame kede mac, tetekeny ekaruno kanyakino. Di do ikounu bino udo pwoc, kede deyo, kede wor i Ceng kame kobino nyuto kede Yesu Kirisito.

1 Petero 5:4

mio kame Ngakwat Adwong obino, ibinunu udo ocoro kalikame dubere me deyo.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

1 Yokana 3:21

Jo na kame amaro, ka ngec me cuny wa likame waco be orecunu, emio wan obedunu kede nwangcuny i nyim Rubanga.

1 Yokana 4:17

Kotieko mino amara obedo kakare i kuo wa tetekeny obedunu kede nwangcuny i Ceng me Ngolo kop, pien bala kame kuo mere tie kede, wada kuo wa cal kamanono i piny kan.

1 Yokana 5:14

Nwangcuny kame wan otienu kede i nyime en ine be, ka wan okwaunu gimoro di lubere kede mit mere, en ewinyo kwac wa.

Gianyuta 1:7

Nenunu, en etie bino kede idoun! Wang jo dedede bino nene, kiton jo kame bin ocobe; jo dedede me wi lobo bino koko pire. Ebino bedo kamanoni! Amen.