1 Yokana 2:27 - Baibuli I Leb Kumam 2013

²⁷ Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.

1 Yokana 2:27 Iomraidhean Croise

Agole 28:5

Jo areco likame ngeo gimoro i kom tero jo i yore kapoore, do jo kame lubo kop ka Rwot niang iye odocon.

Jolebi 7:35

Manoni obedo iner kame kopoore mino Aaron kede awobe mege ki giayala awanga but Rwot, tek kame kotieko wiro gi kidoko josaseredoti kame tio ne Rwot.

Matayo 13:11

En eko dwoko be, “Pien kotieko mino wun ngeno mung me Ajakanut me malo, do Rubanga likame omio jo apat ngec nono.

Yokana 14:16

Ango abino kwano Papa, di en eko mino wu ngakony ace, kame bino bedo kede wu nakanaka.

Yokana 14:17

En ebedo Tipo me ateni, kame jo me piny ni likame twero udo, pien likame kitwero nene arabo ngene. Do wun ingeunu en, piento en etie i diere wu.

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 16:13

Kame Tipo kame nyuto ateni obino, en ebino telo wu i gi dedede me ateni, pien likame ebino yamo kede akarunikin mere kene, do en ebino tuco ne wu kop me anyim.

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 6:45

Kowandiko i itabu me inabin be, ‘Doko Rubanga bino pwonyo gin dedede.’ Ngat acelacel kame winyo kop ka Papa na di eko udo pwonyere kibute, en ebino udo alako.

1 Jokorinti 2:12

Wan likame ogamunu tipo me piny kan do wan ogamunu Tipo kame wok kibut Rubanga, me wek oniangunu i kom giamia kame Rubanga omio wa.

1 Jokorinti 2:13

Manoni en gikame wan opwonyo, likame kede kope kame kopwonyo kede rieko ka dano, do kede kope kame Tipo en kame opwonyo, di ogonyo kope me cuny but jo kame tie kede Tipo.

2 Jokorinti 1:21

Do Rubanga en kame mio wan karacel kede wun ocungunu itek i Kirisito, doko etieko kwero wa.

Joepeso 4:21

Pien ateteni iwinyunu kop i kome, doko kopwonyo wu ateni kame tie i Kirisito.

Jokolosai 2:6

Pi mano, bala kite kame igamunu kede Rwot Kirisito Yesu, aso bedunu i en.

1 Jotesalonika 2:13

Doko da wan opwoyo Rubanga nakanaka, pien bin di wan otuno kede kop ka Rubanga butu, wun iwinyenu di ikounu game, likame bala kop ka dano, do bala kop ka Rubanga, bala kame en etie kede ateteni. Doko da kop nono tie tic kibutun jo kame iyeunu Kirisito.

1 Jotesalonika 4:9

Aso, i kom kop kame mako maro imiegu kede amiegu wu, kony me wandiko ne wu kop iye likame tie, pien wun kikomu Rubanga otieko pwonyo wu pi marere kenu kenu.

1 Temeseo 2:7

Kop noni en komio oudo koyera pi bedo ngatuc ejiri kede ngaor, ngapwony me jo kalikame Iyudayan i yei kede i ateni (ango atie yamo kop me ateni, likame atie ngalo).

1 Petero 1:23

Pi kop ka Rubanga, kop kame kuo kede kame bedo nakanaka, wun kotieko nywalo wu idokunu jo kanyen, bala idwe kame nganywal gi likame to do weko kame nganywal gi to.

1 Yokana 2:28

Aso nataman, idwe na, bedunu i en, tetekeny kame en eneeno, wan obedunu kede nwangcuny di likame lewic ko bino mako wa i nyime i Ceng me dwogo mere.

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

2 Yokana 1:2

pien wan otie kede ateni i cuny wa, doko da ebino bedo kede wa nakanaka.