1 Yokana 2:24 - Baibuli I Leb Kumam 2013

²⁴ Wek gikame ibedunu winyo anakacene dong i cunyu. Ka gikame genere anakacene odong i cunyu, ibinunu bedo di itienu kede kuo i Wod kede i Papa.

1 Yokana 2:24 Iomraidhean Croise

Sabuli 119:11

Ango akano kop nin i cunya tetekeny kur atim dub buti.

Agole 23:23

Ti kede sente pi udo ateni, rieko, pwonyere kede niang atut, di likame iko uco gi.

Luka 1:2

di kilubo kop kame jo mogo bin otatamo ne wa, gin jo kame bin kineno kede wang gi cako ki agege, doko di gin nogo jotic me kop nono.

Luka 9:44

“Miunu kope nogi dony i yitu, pien kobino mino Wot ka dano i cing jo.”

Yokana 14:23

Yesu oko dwoko ne be, “Jo kame mara bino lubo kop na. Papa na bino maro gi, di ango kede Papa oko bino but gi, di oko bedo kede gi.

Yokana 15:7

Ka idongunu i ango, di kop na da oko dong i wun, ibinunu kwano gikame imitunu di ikounu udo.

Yokana 6:56

Ngat kame camo ringokoma kede mato remo na bedo i ango doko ada abedo i en.

Yokana 8:25

Gin kiko penye be, “In en ngai?” Yesu oko waco ne gi be, “Man en gikame atieko waco ne wu cako ki agege.

Jopilipi 4:15

Doko wun Jopilipi ingeunu kenu be, i kare kame ango ageo tuco kede ejiri, di ayai ki Makedonia, likame tie jo mogo koyei Kirisito kame onywako keda timo tic me gin mino kede ango gamo, do kwanyo wun kenekene.

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

Iburanian 2:1

Pi mano, wan miero oketunu tam wa kitek i kom gikame otiekunu winyo, tetekeny kur oparaunu tenge kiye.

Iburanian 3:14

Pien wan dedede onywakunu kede Kirisito ka omokunu kitek tuno i ajikini i kom gen atek kame bin otienu kede i agege.

1 Yokana 1:3

Gikame wan oneno kede kame owinyo wada otuco ne wu tetekeny ibedunu i nywak kede wa; doko i nywak noni, wan onywako karacel kede Papa kede Wode Yesu Kirisito.

1 Yokana 1:7

Do ka wan otienu i lero bala kame en kikome etie kede i lero, udo otienu kede nywak wan kenwa kenwa, doko remo ka Yesu Wode lonyo wa ki dub wa dedede.

1 Yokana 2:7

Jo na kame amaro, ango likame atie wandiko ne wu cik kanyen, do cik acon kame oudo wun itienu kede cako ki agege. Cik acon nono en kop kame wun itiekunu winyo.

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.

1 Yokana 4:13

Manoni en epone kame wan ongeunu kede be wan otienu i en doko eda etie i kuo wa, piento en etieko mino wa Tipo mere.

1 Yokana 4:15

Ngat kame tuco be Yesu en Wot ka Rubanga, Rubanga bedo i kuo mere doko eda ekuo i Rubanga.

1 Yokana 4:16

Aso wan otiekunu ngeno doko oyeunu amara kame Rubanga tie kede pirwa. Rubanga en amara, doko ngat kame tie kede amara kuo i Rubanga doko Rubanga da tie i kuo mere.

2 Yokana 1:2

pien wan otie kede ateni i cuny wa, doko da ebino bedo kede wa nakanaka.

2 Yokana 1:9

Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.

3 Yokana 1:3

Oudo abedo kede yomcuny adwong kakame imiegu mogo obino kede di kiko mino ijura i kom epone kame in igenere kede i kop me ateni, manono en epone kame in ilubo kede kop me ateni.

Gianyuta 3:11

Ango atie bino i kare kiyapiyapi; makunu kitek gikame itienu kede, tetekeny kur ngatamoro mai giamia me pwoc kame komio wu pien ilounu.

Gianyuta 3:3

Yutununu gikame oudo kopwonyo wu, kede kame iwinyunu; lubunu gi, kede ikounu swilaro. Aso ka likame iceunu, ango ayaro bino bala ngakuwo, likame ibinunu ngeno esawa kame ango ayaro bino kede butu.