1 Yokana 2:22 - Baibuli I Leb Kumam 2013

²² Ngai en kame ngaangalo? Mam en ngat kame dagi be Yesu en Kirisito? Manoni en Ngakwor ka Kirisito, ngat kame dagi Papa kede Wode.

1 Yokana 2:22 Iomraidhean Croise

Matayo 24:24

Pien jo kame cuko be gin Kirisito, kede inabin me angalo oyaro bino di kiko timo gianena kede gi me isuur, tetekeny ka twerere, kirweny kiton jo kame Rubanga oyero da.

Matayo 24:5

Pien jo atot oyaro bino i nyinga di kiwaco be, ‘Ango en Kirisito,’ di gin kiko bino rwenyo jo atot.

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

1 Yokana 1:6

Aso ka wan owacunu be wan onywakunu kede en, do di otienu i colo udo ongalunu, doko udo likame otienu timo gi me ateni.

1 Yokana 2:18

Idwe na, ajikini otieko do tuno. Bala kame itiekunu winyo kede be Ngakwor ka Kirisito tie bino, nan do jokwor ka Kirisito otieko bino. Manoni mio wa ongeunu be kare me ajikini do otieko tuno.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 2:4

Ngat kame waco be, “Ango atieko ngene,” do di likame elubo cik mege, udo en enga angalo, doko udo eli kede ateni.

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.

1 Yokana 4:3

do tipo dedede kalikame tuco nying Kirisito likame owok kibut Rubanga. Manono en tipo ka Ngakwor ka Kirisito, kame oudo wun iwinyunu be tie bino, doko nan etieko tuno i piny da.

1 Yokana 5:1

Ngat acelacel kame yei be Yesu en Kirisito udo ebedo atin ka Rubanga, doko ngat acelacel kame maro nganywal moro udo emaro atin me nganywal nono da.

2 Yokana 1:7

Joangalo atot otieko sarakin i piny, jo kalikame yei be Yesu Kirisito obino bala dano. Dano moro kame cal kamanono obedo ngaangalo, doko en Ngakwor ka Kirisito.

Yuda 1:4

Pien jo mogo otieko lwidar odonyo i diere wu, jo kame bin kotieko iiko sek pi ngolo ne gi kop noni bala jo kame dagi woro Rubanga, gin jo kame dwadwanyo kop me kisa ka Rubanga pi gin timo tim me caro. Gin kidagi Ngadwong wa acel kenekene kame obedo Rwot wa, en Yesu Kirisito.

Gianyuta 3:9

Nenunu, ango ayaro mino jo kame obedo jo me sinagoga ka Sitani, jo kame ngalo be gin Iyudayan do di li, ango abino mino gi kibino di kiko riondiko piny i tienu, di kiko bino ngeno be ango amaro wu.