1 Yokana 2:20 - Baibuli I Leb Kumam 2013

²⁰ Do Ngat Kacil otieko wiro wu kede Tipo Kacil, omio wun dedede itienu kede ngec.

1 Yokana 2:20 Iomraidhean Croise

Sabuli 16:10

Pien in likame ibino jala i kabedo me jo oto, arabo weko dano nin kame geni donyo i kabedo me jo oto.

Sabuli 23:5

In itemuno emesa me cam i nyima, di jokwor na da tie kanono; in iwiro wia kede mo, di iko pongo ikopo na lubulub.

Sabuli 45:7

in imaro gikame opoore, do idagi gikame rac. Manono en komio Rubanga, kame obedo Rubanga nin, owiri, eko mini yomcuny kalamo jowoti dedede.

Sabuli 71:22

Abino paki kede adungu pien in igenere, Okwe Rubanga na; abino wero were me paki di agoo adungu, Okwe in Ngat Kacil me Isirael.

Sabuli 92:10

Do in itieko minango adoko tek bala jobi; iwira kede mo.

Agole 28:5

Jo areco likame ngeo gimoro i kom tero jo i yore kapoore, do jo kame lubo kop ka Rwot niang iye odocon.

Isaya 43:3

Ango en Rwot Rubanga wu, Ngat Kacil me Isirael, ngat kame lako wu. Ango abino mino Misiri bala gi me cul pi lako wu, abino mino Abisinia kede Seba bala gi me cul piru.

Isaya 61:1

Tipo ka Rwot tie i koma. En etieko yera di eko oora pi kelo ne jocan kop aber, pi cango jo kame tie kede cwercuny, pi waco ne jo kame komako kede ne mabus kop kame mako gonyo gi.

Yeremia 31:34

Likame tie ngatamoro kame bobo bino pwonyo ngat ocelu, arabo kame bino waco ne ngat ocelu be, ‘Ida ngei Rwot,’ pien gin dedede kibino ngena, cako kibut jo me ruom apiny tuno but jo me ruom amalo. Ango abino sasiro gi ki gikareco gi di likame bobo ako yutuno dub gi. Ango Rwot en awaco.”

Jolebi 7:35

Manoni obedo iner kame kopoore mino Aaron kede awobe mege ki giayala awanga but Rwot, tek kame kotieko wiro gi kidoko josaseredoti kame tio ne Rwot.

Matayo 13:11

En eko dwoko be, “Pien kotieko mino wun ngeno mung me Ajakanut me malo, do Rubanga likame omio jo apat ngec nono.

Marako 1:24

“Yesu me Nasaret, nyo kame imito kibut wa? Mam ibino do pi tieko wa? Ango angei, in ibedo Dano Kacil ka Rubanga!”

Luka 4:18

“Tipo ka Rwot tie i koma, piento en etieko yera pi kelo ne jocan kop aber. En eora pi bino tuco ne jo kame kotweo kop kame mako gonyo gi, kede but imuduka kop kame mako yabere me wang. En eora pi gonyo jo kame kodio,

Luka 4:34

“Yesu me Nasaret, nyo kame in imito kibut wan? In do mam ibino pi tieko wan? Ango angei, in ibedo Dano Kacil ka Rubanga.”

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 16:13

Kame Tipo kame nyuto ateni obino, en ebino telo wu i gi dedede me ateni, pien likame ebino yamo kede akarunikin mere kene, do en ebino tuco ne wu kop me anyim.

Tice 10:38

epone kame Rubanga bin oyero kede Yesu me Nasaret, di eko mine Tipo Kacil kede twer, kede da epone kame en eko ririmo kede piny di etimo bero ne jo, doko da di ecango jo dedede kame bin Sitani otweo, pien Rubanga oudo tie kede en.

Tice 3:14

Do wun ikounu dagi Ngat Kacil kede Kopoore, di ikounu penyo be gony ne wu nganek,

1 Jokorinti 2:15

Dano kame tie kede Tipo ka Rubanga, en kame twero ngeno poko bero me gi dedede, do likame tie ngat kame twero ngeno poko bero arabo raco meren.

Iburanian 1:9

In imaro gikame opoore, do idagi gikarac. Manono en komio Rubanga, Rubanga ni, owiri kede mo me kilel kalamo jowoti.”

Iburanian 8:11

Di likame tie ngatamoro kame ko bobo bino pwonyo dano ngawote, arabo pwonyo omin mere di ewaco ne be, ‘Ida ngei Rwot.’ Pien gin dedede kibino ngena, cako kibut jo me ruom apiny tuno kede but jo me ruom amalo.

1 Yokana 2:27

Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.

1 Yokana 4:13

Manoni en epone kame wan ongeunu kede be wan otienu i en doko eda etie i kuo wa, piento en etieko mino wa Tipo mere.

Yuda 1:5

Nan amito medo niango wu, bed bala oudo kotieko niango wu iye kiber, be, Rwot ngat kame bin olako jo ki piny me Misiri tien acel atwal, bin i cen mere eko neko jo kalikame oyei.

Gianyuta 3:7

“Wandiko but malaika me ekodet me jokirisito kame tie Piladelpia be: “Magi kop me ngat kacil, ngat kame tie kede ateni, kame tie kede sumilito ka Daudi. Ka en eyabo ekeko, likame tie ngatamoro kame karuno cego; doko ka en ecego, likame tie ngatamoro kame karuno yabo.

Gianyuta 4:8

Giacwea ongwon kame kuo nogo, acelacel kikom gi oudo tie kede bwome kanyape, di wang gi opong rimaro kom gi lung, i ooko kede i yie. Iceng kede iwor gin likame kiweko wer be, “En cil, en cil, en cil Rwot Rubanga Won Twer, en kame oudo etie sek, nataman etie, doko ebino bino.”