1 Yokana 2:18 - Baibuli I Leb Kumam 2013

¹⁸ Idwe na, ajikini otieko do tuno. Bala kame itiekunu winyo kede be Ngakwor ka Kirisito tie bino, nan do jokwor ka Kirisito otieko bino. Manoni mio wa ongeunu be kare me ajikini do otieko tuno.

1 Yokana 2:18 Iomraidhean Croise

Matayo 24:11

Doko inabin me angalo bino neeno, di kiko rwenyo jo atot.

Matayo 24:24

Pien jo kame cuko be gin Kirisito, kede inabin me angalo oyaro bino di kiko timo gianena kede gi me isuur, tetekeny ka twerere, kirweny kiton jo kame Rubanga oyero da.

Matayo 24:5

Pien jo atot oyaro bino i nyinga di kiwaco be, ‘Ango en Kirisito,’ di gin kiko bino rwenyo jo atot.

Marako 13:6

Jo atot oyaro bino i nyinga di kiwaco be, ‘Ango en Kirisito!’ Di gin kiko bino rwenyo jo atot.

Yokana 21:5

Yesu oko penyo gi be, “Idwe, iudunu deknam moro?” Gin kiko dwoko ne be, “Li.”

Joroma 13:11

Medo i wi mano, wun ingeunu kare kame otienu iye, esawa oromo do me wun cei ki wang nino, pien alako otieko do doko iyapiyapi kede wa lono i kare kame bin ocako kede yei;

Joroma 13:12

iwor otieko kato sek, iceng otieko tuno. Wek do oucunu tenge tice me colo, di okounu ngapo jame me yi i lero.

Iburanian 1:2

Do i kare kanataman me ajikini, en eko yamo kede wa kibut Wode, ngat kame en eyero pi jame dedede doko mege, doko en nono da kame bin Rubanga ocweo gi dedede di beo kibute.

1 Petero 1:20

En oudo koyere sek di pwodi likame kocako cweno piny, do oko nyute piru i kare me ajikini noni.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Petero 4:7

Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.

2 Petero 2:1

Inabin me angalo da bin oneeno i dier jo, epone nono da en kame jopwony me angalo bino bedo tie kede i diere wu. Gin kibino kelo i mung pwony mogo apat kame rwenyo jo, di kidagi kiton ngadwong gi, ngat kame oculo cul me lako gi. Manoni bino mino gin kikelo i kuo gi awakawaka gikame dudubo gi.

2 Petero 3:3

Me agege mere, miero iniangunu be, i kare me ajikini jo acae oyaro bino di kicaare, di kilubo mit me kom gi,

1 Yokana 2:22

Ngai en kame ngaangalo? Mam en ngat kame dagi be Yesu en Kirisito? Manoni en Ngakwor ka Kirisito, ngat kame dagi Papa kede Wode.

1 Yokana 4:1

Jo na kame amaro, kur iyeunu jo dedede kame waco be kitie kede Tipo ka Rubanga, do tamunu gin dedede pi niang kame tipo kame kitie kede wok kibut Rubanga, pien inabin atot me angalo otieko sarakin i piny.

1 Yokana 4:3

do tipo dedede kalikame tuco nying Kirisito likame owok kibut Rubanga. Manono en tipo ka Ngakwor ka Kirisito, kame oudo wun iwinyunu be tie bino, doko nan etieko tuno i piny da.

2 Yokana 1:7

Joangalo atot otieko sarakin i piny, jo kalikame yei be Yesu Kirisito obino bala dano. Dano moro kame cal kamanono obedo ngaangalo, doko en Ngakwor ka Kirisito.

Yuda 1:18

Gin bin kiwaco ne wu be, “I kare me ajikini jo acae bino bino, di kilubo mit gi kalikame nyuto wor but Rubanga.”