1 Yokana 2:16 - Baibuli I Leb Kumam 2013

¹⁶ Pien gi dedede kame tie i piny: mit me kom, mit me wang, ewaka me abar, likame wok kibut Papa, do gin kiwok ki piny kan.

1 Yokana 2:16 Iomraidhean Croise

Ageini 3:6

Aso, kakame dako oneno kede be anyakini me yat nono oudo ber me acama, doko oudo ecil ki wange, kede da be yat nono oudo mio dano doko riek, en eko ngwedo anyakini mere eko camo, eko mino cware da mogo di eda eko camo.

Ageini 6:2

awobe ka Rubanga oko neno be kicil, di kiko yero kame cuny gi omito oko doko mon gi.

Yobu 31:1

“Ango atieko timo isikan kede wanga, pi weko neno nyako moro kede wang me mit.

Sabuli 73:6

Manoni omio gin kingapo ewaka bala eriko me ngut; tim me gero oumo gi pukupuk bala egoe.

Sabuli 78:18

Kitamo Rubanga i cuny gi, di kipenye cam kame cuny gi mito.

Sabuli 78:30

Do di pwodi likame kicobo mit gi me yengo, di oudo pwodi cam tie i dog gi,

Agole 27:20

Likame jo romo kabedo me jo oto, kamanono da likame tie gikame romo wang dano.

Agole 6:25

Kur iyei cilo gi wai cunyi, amoto keto tam ni i kom neeno gi me caro.

Danieri 4:30

en bin eko waco be, “Nen ca bomba adwong me Babilon! Ango agere kede twer na pi bedo bomba na me abaka, pi nyuto deyo kede dwongo na.”

Wel 11:34

Omio oko donyo lwongo kanono be Kibirot Kataba (kame dwong mere be “Atesin me Jokiru”), pien bin koyiko jo kame oudo tie kede kiru me ringo kanono.

Wel 11:4

Jokumbor mogo da oudo tie upere kede jo me Isirael; gin oudo kitie kede twon kiru me ringo, doko da kiton jo me Isirael oko cako ngunguro pi ringo di kiwaco be, “Okwe koto di otie kede ringo me acama!

Matayo 4:8

Sitani bobo oko tero Yesu i wi moru abor twatwal di eko nyuto ne ajakanuto dedede me piny kede deyo gi,

Matayo 5:28

Do ango awaco ne wu be ngat kame neno dako di cunye ko paro buto kede, udo etieko timo adote kede dako nono i cunye.

Luka 4:5

Di Sitani oko tere malo oko nyuto ne ajakanuto dedede me piny iesawa atitidi, di eko waco ne Yesu be,

Joroma 13:14

Do ngapunu Rwot Yesu Kirisito bala egoe, di likame ikounu tamo pi kuo me kom kede pi cobo mit mege.

1 Jokorinti 10:6

Aso, gi nogi otimere pi kwenyaro wa weko paro timo gikareco bala bin gin.

Jogalatia 5:17

Pien mit me kom likame riamo kede gikame Tipo mito, doko gikame Tipo mito likame riamo kede mit me kom; pien gin are nogi, ngat acelacel piemo kede ocelu, pi gengo wu timo gikame imitunu timo.

Jogalatia 5:24

Jo kame obedo me ka Kirisito Yesu otieko guro kuo me anywali karacel kede par mege kede mit mege i kom musalaba.

Joepeso 2:3

Wada i kare moro oudo ocalunu kede gin i mit me kom wa, di olubunu mit me kom wa kede tam wa. Pi mano, iekite me kuo me kom, wan oudo obedunu jo kame poore pi udo lilo ka Rubanga bala jo apat dedede.

Tito 2:12

Kisa nono pwonyo wa weko kuo me dagi Rubanga kede mit me piny, kede pi bedo jo kame dio mit me kom, jo kame tie kede ekite koriere kede kuo me woro Rubanga i piny kan,

Tito 3:3

Pien wan ikom wa bin omingunu, oudo likame owinyunu kop, oudo korwenyo wa. Oudo obedo ipasoi me mit kede yomcuny apapat, di odubo kare wa i tim me cuny arac kede nyeko, jo oudo dagi wa doko wada oudo odagere wan kenwa kenwa.

Yakobo 3:15

Epone me rieko noni likame wok ki malo do ebedo rieko me lobo kan, weko kame Tipo mio, do kame wok kibut Sitani.

Yakobo 4:16

Do bala kite kame etie timere kede, wun iwakerenu pi tingere wu, ewaka acal kamanono kom rac.

Yosua 7:21

kikom jamini kame wan oudo omao, ango ako neno ekanso acil me Babilon, kede siliba aromo bala kilo are, kede saabu aromo bala dul kilo; cunya oko wana i kom gi di ako tero gi. Nan gin kitie ayiko gi piny i eema na, di aketo siliba i dud gi piny.”

1 Petero 1:14

Bala idwe kame wor, kur imiunu kuo wu lub mit kame oudo kong igeunu bedo kede pi kwina piny.

1 Petero 2:11

Jo na kame amaro, abako doga butu bala kame nan itienu bedo i piny kan acalo wele me kumbor kame oringini kagwok, kur iyeunu donyo i mit me kom, kame nakanaka yi kede kuo me cunyu.

2 Petero 2:10

twatwal mere jo kame donyo i mit me emuna, kede jo kame cao akarunikin ka Rubanga. Jopwony me angalo nogi cuny gi nwang, doko kitie kede mit me yeyeto wegi deyo abongo bedo kede lworo.

2 Petero 2:18

Gin kiyamo kope me ewaka kame kony gi li, di kiko tic kede mit kalikame beco me kom pi yodao tam me jo kame pwodi obwot abwota kibut jo kame bedo iekite me kuo arac.