1 Yokana 2:14 - Baibuli I Leb Kumam 2013

¹⁴ Idwe na, atie wandiko manoni butu pien wun ingeunu Papa. Atie wandiko manoni butun joapapi, pien wun ingeunu en ngat kame ebedo tie cako i agege. Atie wandiko ne wun jo atino pien wun itekunu, doko kop ka Rubanga tie i cunyu, doko itiekunu lono Ngarac.

1 Yokana 2:14 Iomraidhean Croise

Sabuli 119:11

Ango akano kop nin i cunya tetekeny kur atim dub buti.

Yokana 15:7

Ka idongunu i ango, di kop na da oko dong i wun, ibinunu kwano gikame imitunu di ikounu udo.

Yokana 5:38

Doko likame kop mere odong i cunyu, pien likame iyeunu ngat kame en eoro.

Yokana 8:31

Yesu oko waco ne Iyudayan kame oyei en be, “Ka imeedenu kede lubo kop na, udo wun ibedunu jo kame luba me ateni,

Yokana 8:37

Ango angeo be wun ibedunu ikwae ka Aburaam, do di doko imounu neka, pien idagunu kop na.

Joepeso 6:10

Me ajikini, bedunu di itekunu i Rwot, doko di itienu i teko me twer mere.

Jopilipi 4:13

Ango akaruno timo gi dedede i Kirisito ngat kame mia adoko tek.

Jokolosai 1:11

Wek emi wu idokunu tek kede twer dedede, di lubere kede twer me deyo mere, tetekeny itwerunu kanyakino gi dedede di idiunu cunyu kede kilel,

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

2 Temeseo 2:1

Pi mano, in atin na, bed di itek pi kisa kame tie i Kirisito Yesu.

Iburanian 8:10

Rwot owaco be, isikan kame ango abino timo kede jo me Isirael i kare kame bino bino en ine: Ango abino keto iswilia na i tam gi kede ako wandiko gi i cuny gi, di ango ako bino bedo Rubanga gi, kede gida kiko bino bedo jo na.

1 Yokana 1:1

Wan otie tuco ne wu gikame oudo tie cako ki agege, gikame wan owinyo, gikame wan oneno kede wang wa; wan kom onene doko omule kede cing wa, en Kop me kuo.

1 Yokana 1:10

Ka wan owacunu be likame odubunu, udo omiunu Rubanga odoko ngaangalo, doko udo likame otienu kede kop mere.

1 Yokana 2:13

Atie wandiko manoni butun joapapi, pien wun ingeunu en ngat kame oudo etie cako ki agege. Atie wandiko man butu, wun jo atino pien itiekunu lono Ngarac.

2 Yokana 1:2

pien wan otie kede ateni i cuny wa, doko da ebino bedo kede wa nakanaka.

3 Yokana 1:3

Oudo abedo kede yomcuny adwong kakame imiegu mogo obino kede di kiko mino ijura i kom epone kame in igenere kede i kop me ateni, manono en epone kame in ilubo kede kop me ateni.

Gianyuta 2:3

Ango bobo angeo da be wun itienu dino cunyu, itienu kanyo can pi nyinga, doko likame pwodi iolunu.

Gianyuta 2:7

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame bino lono, abino mine ecamo anyakini me yat me kuo, kame tie i paradis ka Rubanga.