1 Yokana 2:13 - Baibuli I Leb Kumam 2013

¹³ Atie wandiko manoni butun joapapi, pien wun ingeunu en ngat kame oudo etie cako ki agege. Atie wandiko man butu, wun jo atino pien itiekunu lono Ngarac.

1 Yokana 2:13 Iomraidhean Croise

Sabuli 148:12

awobe kede anyira, jo oti kede joatino karacel!

Sabuli 90:2

Di pwodi likame kocweo mori, arabo di pwodi likame in icweo lobo kede piny, cako sek kede sek kiton tuno ikar kede ikar, in en kame ibedo Rubanga.

Sabuli 91:14

Rubanga owaco be, “Ango abino lako jo kame mara; abino gwoko jo kame ngea.

Agole 20:29

Gi me ewaka me dano apwodi titidi en teko mere, do cilo me dano oti en lwar.

Yoweri 2:28

“Di do icen mere ango ako bino mino tipo na but jo dedede; idwe wu awobe kede anyira bino murao kop na, jo wu oti bino lek, kede jo wu atino da bino neno gianyuta.

Sakaria 9:17

Gin kibino bedo ibus di kicil tin benyo! Engano bino mino ipongai kom gi bedo yot kede apongai da kom gi bino bedo yot pi bwini.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 13:19

Ka ngatamoro owinyo kop me Ajakanut ka Rubanga di likame en eko keto i kuo mere, Ngarac bino di eko waraso kop kame kocuo i cunye. Ngat nono cal bala kodi kopopoto i yongayo.

Matayo 13:38

poto en piny, kodi abeco en jo kame tie i Ajakanut ka Rubanga, doi en jo ka Ngarac.

Matayo 5:37

Wek kop kame in iwaco bed be, ‘Ee’ arabo be, ‘Li’; pien kop akalamo magi udo owok kibut Ngarac.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 14:7

Koto di ingeanu, oudo koto ingeunu kiton Papa da; cako nan itiekunu do ngene, doko itiekunu nene da.”

Yokana 14:9

Yesu oko dwoko ne be, “Pilipo, ango abedo kede wu kan pi kare go dedede, benyo, ida likame ingea? Ngat konenango udo eneno Papa; pinyo doko komio iwacunu be anyut ne wu Papa?

Yokana 16:3

Kibino timo man pien likame kingeo Papa arabo ango.

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

1 Temeseo 5:1

Kur iyamo kede dano adwong kede dwan me gero, do yam kede bala ebedo papa ni. Ter awobe atino bala imiegu ni,

Tito 2:6

Kamanono da, wac ne cuo atino pi bedo jo kame dio mit me kom gi.

1 Yokana 1:1

Wan otie tuco ne wu gikame oudo tie cako ki agege, gikame wan owinyo, gikame wan oneno kede wang wa; wan kom onene doko omule kede cing wa, en Kop me kuo.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

1 Yokana 2:12

Idwe na, ango atie wandiko manoni butu, pien kotieko sasiro dub wu pi Kirisito.

1 Yokana 2:14

Idwe na, atie wandiko manoni butu pien wun ingeunu Papa. Atie wandiko manoni butun joapapi, pien wun ingeunu en ngat kame ebedo tie cako i agege. Atie wandiko ne wun jo atino pien wun itekunu, doko kop ka Rubanga tie i cunyu, doko itiekunu lono Ngarac.

1 Yokana 3:12

Miero wan kur obedunu bala Kain ngat kame bin obedo atin me Ngarac, di en eko neko omin mere. Pinyo komio bin en eneko omin mere? Pien tice mege oudo reco do tice ka omin mere oudo opoore.

1 Yokana 4:4

Idwe na, wun ibedunu me ka Rubanga, doko itiekunu bwono inabin me angalo, pien ngat kame tie i kuo wu tie kede twer adwong kalamo ngat kame tie i piny.

1 Yokana 5:18

Wan ongeunu be jo kame obedo idwe ka Rubanga likame dubo, pien Wot ka Rubanga gwoko gi, di likame Ngarac ko karuno mulo gi.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Gianyuta 12:11

Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to.

Gianyuta 2:7

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame bino lono, abino mine ecamo anyakini me yat me kuo, kame tie i paradis ka Rubanga.