1 Yokana 2:11 - Baibuli I Leb Kumam 2013

¹¹ Do ngat kame dagi omin mere amoto amin mere udo etie i colo, en eoto i kakacol, doko likame engeo kakame etie lubo, pien udo colo oumo wange.

1 Yokana 2:11 Iomraidhean Croise

2 Samuel 13:22

Do Abisolom oudo likame oko waco kop moro i kom Aminon, arac amoto aber, pien cunye oudo oko dage pi kop kame emako kede amin mere Tamar tetek di eko buto kede.

Agole 4:19

Yongayo kame jo areco lubo cal bala piny acol cucucuc; likame gin kitwero ngeno gikame getaro gi.

Ngarab kop 2:14

Jo ariek neno kakame kitie ot iye, do jomingo kioto i colo.” Aso di ango ako neno be jo ariek kede jo aming, ajikini gi obedo acel.

Jolebi 19:17

“Kur idingerenu kede wade wu, do wacenu gi raco gi i nyim gi, ka li, wuda ibinunu bedo kede raco.

Yokana 12:35

Kikano Yesu oko waco negi be, “Lero pwodi tie kede wu pi kare moro acecek, miero iotunu di pwodi lero tie kede wu, tetekeny kur colo nguk wu; pien dano kame tie ot i colo likame ngeo kakame etie ot iye.

Yokana 12:40

“Rubanga otieko umo wang gi, doko etieko cego tam gi, ka koto oudo likame kamanono, koto wang gi okaruno neno, doko koto wi gi da oniang, di kiko lokere buta di ango ako cango gi.”

2 Jokorinti 3:14

Do oudo koumo tam gi. Ateteni tuno tin kame kitie somo itabun me isikan kacon, udo gikame umo tam gi nono pwodi tie, pien gikame umo tam gi nono twero kwanyere kenekene kame gin kitie i Kirisito.

2 Jokorinti 4:4

Gin jo kalikame kiyei Kirisito, pien rubanga me piny kan otieko umo tam gi tetekeny kur kinen lero kame wok kiye ejiri me deyo ka Kirisito, ngat kame cal acala kede Rubanga.

Tito 3:3

Pien wan ikom wa bin omingunu, oudo likame owinyunu kop, oudo korwenyo wa. Oudo obedo ipasoi me mit kede yomcuny apapat, di odubo kare wa i tim me cuny arac kede nyeko, jo oudo dagi wa doko wada oudo odagere wan kenwa kenwa.

2 Petero 1:9

Pien ngat kame li kede gi nogi wange neno kakacecek, doko udo wange oto, udo wie otieko wil be oudo kotieko lonye ki dub mege me kare kokato.

1 Yokana 1:6

Aso ka wan owacunu be wan onywakunu kede en, do di otienu i colo udo ongalunu, doko udo likame otienu timo gi me ateni.

1 Yokana 2:10

Ngat kame maro omin mere amoto amin mere udo etie i lero, doko likame udo etie kede gimoro kame mio jo poto i dub.

1 Yokana 2:9

Ngat kame waco be en etie i lero do di edagi omin mere amoto amin mere udo pwodi etie i colo.

1 Yokana 3:15

Jo dedede kame dagi imiegu kede amiegu gi obedo jonek, doko da wun ingeunu be jonek likame tie kede kuo kame bedo nakanaka i kuo gi.

1 Yokana 4:20

Ngat kame waco be, “Ango amaro Rubanga,” do di edagi omin mere amoto amin mere udo engalo; pien ngat kalikame maro omin mere amoto amin mere kame en eneno, likame ekaruno maro Rubanga ngat kalikame pwodi en eneno.

Gianyuta 3:17

Pien wun iyamunu be, ango abaro, atieko lony, doko likame tie gimoro kame ango pwodi amito. Do likame ingeunu be wun iliunu kede yomcuny. Itienu jo kame jo poore bedo kede kisa i kom gi, ibedunu jocan, itienu imuduka, doko itienu nono abongo giangapa.