1 Yokana 2:10 - Baibuli I Leb Kumam 2013

¹⁰ Ngat kame maro omin mere amoto amin mere udo etie i lero, doko likame udo etie kede gimoro kame mio jo poto i dub.

1 Yokana 2:10 Iomraidhean Croise

Sabuli 119:165

Jo kame maro iswil nin tie kede mulem adwong; likame tie gimoro kame karuno getaro gi.

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Matayo 13:21

do kop nono likame ko keto aliasin i kuo mere, mio en eko kanyakino pi kare acecek. Aso, ka peko arabo itidil moro oko bino pi kop nono, en epoto cucuto.

Matayo 18:7

Can kame lobo tie iye pi bedo tie kede atama kame mio jo dubo! Atama poore bedo tie, do etie i can ngat kame kelo atama!

Yokana 11:9

Yesu oko dwoko be, “Mam ceng acelacel tie kede isawan tomon kiwie are? Jo kame tie ot iceng likame buo tien gi, pien udo kineno lero me piny kan.

Yokana 12:35

Kikano Yesu oko waco negi be, “Lero pwodi tie kede wu pi kare moro acecek, miero iotunu di pwodi lero tie kede wu, tetekeny kur colo nguk wu; pien dano kame tie ot i colo likame ngeo kakame etie ot iye.

Yokana 8:31

Yesu oko waco ne Iyudayan kame oyei en be, “Ka imeedenu kede lubo kop na, udo wun ibedunu jo kame luba me ateni,

Joroma 14:13

Pi mano, owekunu ngolo ne jo icegun kop, do akaka manono, oyeunu pi weko keto ne ngat ocelu gikame getaro en amoto kame dwoke cen ki yei mere.

Jopilipi 1:10

tetekeny ikarununu ngeno yero gikaber. Manono bino mino ibedunu jo kame li kede raco moro, kede abongo gimoro kame koromo bunano wu iye i ceng me dwogo ka Kirisito,

2 Petero 1:10

Pi mano, imiegu kede amiegu na, meedenu bedo kede mit me moko lwongo kede ayera wu, pien ka itimunu kamanoni likame ibinunu agetar.

1 Yokana 2:11

Do ngat kame dagi omin mere amoto amin mere udo etie i colo, en eoto i kakacol, doko likame engeo kakame etie lubo, pien udo colo oumo wange.

1 Yokana 3:14

Wan ongeunu be wan otiekunu yai ki to di okounu dokaro i kuo, pien wan omarerenu wan kenwa kenwa. Ngat kalikame tie kede amara udo etie i twer me to.