1 Yokana 2:1 - Baibuli I Leb Kumam 2013

¹ Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

1 Yokana 2:1 Iomraidhean Croise

Sabuli 4:4

Ka gero omaki, kur idonyi i dub; par kop nono eliling i kabuto.

Esekeri 3:21

Aso ka in ikwenyaro ngat kopoore be kur etim dub, di en likame eko timo dub, en ateteni ebino bedo kuo, piento en ewinyo ikwenyar; doko ida udo itieko lako kuo ni.”

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 10:15

bala kite kame Papa ngea kede, doko ada angeo Papa. Ango ayei rwenyo kuo na pi romini.

Yokana 13:33

Idwe na, ango likame abino bedo kede wu pi kare alac. Ibinunu mona, do bala kite kame oudo awaco ne kede Iyudayan, iepone nono da, nan ango awaco ne wuda be, ‘Wun likame itwerunu bino kakame ango ayaro ot iye.’

Yokana 14:16

Ango abino kwano Papa, di en eko mino wu ngakony ace, kame bino bedo kede wu nakanaka.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 21:5

Yesu oko penyo gi be, “Idwe, iudunu deknam moro?” Gin kiko dwoko ne be, “Li.”

Yokana 5:14

I cen mere, Yesu oko ude i tempulo di oko waco ne be, “Neni, itieko do doko ber! Kur imed bobo dubo, tetekeny gimoro arac kalamo mano kur doko timere ni.”

Yokana 5:36

Do kop me ijura kame ango atie kede pire tek kalamo me ka Yokana; pien tice kame Papa omia pi timo, tice nogo en kame nataman atie timo, gin en kame kijurao ango be Papa en kame oora.

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 8:11

Dako nono oko dwoko be, “Rwot, likame tie.” Yesu oko waco ne be, “Akadi ada likame abino ngolo ni kop; oti, do kur bobo itim dub.”

Tice 7:52

Enabi mene kame bin joakwari wu likame otidilo? Gin kineko jo kame bin ogeo tuco sek bino me Ngat Kopoore, kame wun irupaunu di ikounu neko.

Joroma 5:10

Pien ka i kare kame wan oudo pwodi otienu kede jokwor ka Rubanga, en eko dwoko wa i nywak kede en pi to ka wode, do akalamo mano, bala kame nan do otiekunu dok i nywak kede en, Kirisito bino do lako wa kede kuo mere.

Joroma 6:15

Nan do benyo? Mam odonyunu dub be pien likame otienu i twer me iswil, do pien otienu i twer me kisa ka Rubanga? Likame kamano.

Joroma 8:34

Ngai kame bino ngolo kop i wi gi? Kirisito Yesu en kame bino timo, en bin eto, ebo, oko yaruno en kikom jo oto, nan etie i bad tetu cam ka Rubanga, ateteni en kame nan ebako doge pirwa.

1 Jokorinti 15:34

Miunu wi wu cei di ikounu jiko dubo, pien jo mogo kikom wu likame tie kede ngec i kom Rubanga. Lewic poore mako wu kame awaco kamanoni.

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Jogalatia 4:19

Idwe na, ango aramere bobo piru tuno kede kame idokunu cal kede Kirisito i kuo wu.

Joepeso 2:18

pien i Kirisito, wanunu dedede okarununu tuno but Papa i Tipo acel.

Joepeso 4:26

Ka ililo, kur lilo ni teri i dub, doko kur imako lilo i cunyi piny yuluyul.

1 Temeseo 2:5

Pien Rubanga tie acel, doko ngat kame rucakino Rubanga kede jo da tie acel, dano nono en Kirisito Yesu,

1 Temeseo 3:14

Ango atie kede gen me bino buti oyotoyot, do atie wandiko ni kope nogi tetekeny

Iburanian 9:24

Pien likame Kirisito otieko donyo i Kabedo Kacil kame cing dano en kotimo, kame obedo cal me maca me ateni, do en edonyo malo kikokome, kakame nataman etie iye i nyim Rubanga pirwa.

Yakobo 1:27

Edini kacil, kalikame opwokere i nyim Rubanga Papa en ine: konyo idwe kic kede apuserun ki can gi, kede gwokere keni weko mino piny dubi.

Yakobo 3:9

Wan otio kede leb wa pi pwono Rwot Papa wa, do doko otio kede da me lamo jo kame Rubanga ocweo i cal mere.

1 Petero 2:22

En bin likame etimo dub moro; kop moro me abe da likame owok ki doge.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 3:18

Idwe na, obedunu kede amara, likame i kop amoto i yamo kenekene, do i ateni kede i tic.

1 Yokana 3:5

Wun ingeunu be bin en eneeno pi kwanyo dub, do en eli kede dub moro i kome.

1 Yokana 3:7

Idwe na, kur iyeunu ne ngatamoro ngalo wu. Jo dedede kame timo gikame opoore obedo da jo kopoore bala kame en epoore kede.

1 Yokana 4:4

Idwe na, wun ibedunu me ka Rubanga, doko itiekunu bwono inabin me angalo, pien ngat kame tie i kuo wu tie kede twer adwong kalamo ngat kame tie i piny.

1 Yokana 5:17

Tim areco dedede obedo dub, do tie dub kalikame tero dano i to.

1 Yokana 5:21

Idwe na, gwokerenu kikom cal jwogi.

3 Yokana 1:4

Likame tie yomcuny moro kame ango akaruno bedo kede kame kalamo man, en yomcuny me winyo be idwe na tie lubo ateni.