1 Yokana 1:9 - Baibuli I Leb Kumam 2013

⁹ Do ka wan otucunu dub wa, Rubanga ngat kame genere kede kame timo gi dedede kakare bino sasiro wa ki dub wa, di eko lonyo wa ki gi dedede kalikame opoore.

1 Yokana 1:9 Iomraidhean Croise

1 Abakai 8:30

Winy ingangai na kede me jo ni me Isirael ka gin kiloko nyim gi tetu kabedo noni di kiko ilega. Okwe winy wa i malo kabedo ni; winy kwac wa di iko sasiro wa.

1 Abakai 8:47

ka i lobo kame kotero gi iye kunono bala mabus, di wi gi oko yabere di kiko swilaro, di kiko bako dog gi buti di kiwaco be, ‘Wan otieko dubo, doko otimo gi kalikame poore; wan otimo gikarac’, tim ber iwiny kwac gi.

Nekemia 1:6

Ngoloro ango di iko ciko yiti winyo kwac na kame ango akwao iceng kede iwor pi jotic ni, gin jo me Isirael. Ango atuco i nyimi be wan jo me Isirael odubo i nyimi. Ango kede jo me oda kede jo ace odubo i nyimi.

Sabuli 19:12

Do ngai kame karuno neno abucar mere en kene? Okwe Rwot sasiro ango ki raco na kame akwia.

Sabuli 32:5

Di do ango ako tuco dub na buti, doko likame ako kano tim na areco; ango oudo awaco be, “Ayaro tuco gikareco na but Rwot,” bin in iko sasiro ango ki raco na.

Yai 34:7

Ango anyuto amara na kalikame lokere but lwak me ikwae me tutumian kede tutumian, doko asasiro jo kame timo gikareco, jo kame turo iswil kede jo kame dubo; do likame aweko ngat arac aweka, ango amio alola but idwe kede but lwak me ikwae me adek tuno i me ongwon, pi dub me jonywal gi.”

Agole 28:13

Ngat kame kano dub mege likame bino udo bero moro, do dano kame tuco dub mege di eko swilaro, Rubanga bino time kisa.

Isaya 45:21

Bia iketunu pido wu i nyim ekiko; mito kong jo kame gango pido nono por kop gi me pido! Ngai kowaco kop noni riki sek? Ngai kotuco riki sek be gi noni bino timere? Benyo, likame ango Rwot en kame riki atuco? Likame tie rubanga moro ace kwanyo ango kenekene, Rubanga kame timo gi kopoore, kede kame lako jo.

Yeremia 3:13

Kenekene in yei raco ni, be in ijemo ne Rwot Rubanga ni, di iko ot gabo amara ni but rubangan me jokumbor i dud yen oduko, di iko dagi winyo dwana, ango Rwot en awaco.

Yeremia 33:8

Abino lwoko tenge dub gi kame oudo kitimo buta, di ako sasiro dub gi dedede kiton jemo gi.

Koko ka Yeremia 3:23

Gin kinyen buli odiko acelacel, genere mere dwong.

Esekeri 36:25

Abino kikiro pii acil i komu di ako bino lonyo wu ki pwokere wu kede ki caljwogi wu.

Esekeri 37:23

Likame doko kibino munaun kede tim me woro caljwogi, amoto kede jamini gi ace kame ango adagi, arabo kede dub gi. Ango abino lako gi ki yote dedede kame kitieko poto kede tenge kibuta, di ako bino lonyo gi. Di do gin kiko bino bedo jo na, di ango ako bedo Rubanga gi.

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Matayo 3:6

Gin kiko tuco dub gi, di Yokana oko batiso gi i ecilet me Yorodan.

Marako 1:5

Jo oko yai ki piny me Yudea bekebek kede ki bomba me Yerusalem, kiko ot but Yokana. Gin kiko tuco dub gi, di Yokana oko batiso gi i ecilet me Yorodan.

Luka 22:57

Do Petero oko dagi di ewaco be, “Dako ni, ango gira akwia lono.”

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Tice 19:18

Jo atot da kikom jo kame oudo oyei Kirisito oko bino di kituco tim gi kakaler.

Joroma 3:26

doko Rubanga otimo kaman da pi nyuto i kare kanataman be, en kikome epoore, kede be, en emio ngat kame yei Yesu Kirisito doko ngat kopoore.

1 Jokorinti 1:9

Rubanga genere, en kame elwongo wu pi bedo i nywak kede Wode Yesu Kirisito, en Rwot wa.

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

Joepeso 5:26

En etimo man tetekeny emie edok gikacil pi kop mere, ingei lwoke i pii kame lonye,

Iswilia 7:9

Pi mano, poore wun ingeunu be Rwot Rubanga wu en kene kame ebedo Rubanga doko egenere. En ecobo isikan mere doko enyuto amara mere kalikame lokere but lwak me ikwae me tutumian me jo kame mare di kilubo cik mere,

1 Temeseo 1:15

Man kop me ateni, kame poore agama di iko yei, be Kirisito Yesu obino i piny pi lako jodubo. Ango en kame abedo ngadubo kalamo gin dedede,

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

Iburanian 10:23

Poore olidunu kitek gen kame otucunu abongo riarianga; pien Rubanga ngat kame ocikere genere.

Iburanian 11:11

Pi yei, Sara oudo twer me yac, bed bala kare mere me nywal oudo okato. Man otimere piento en oudo etero ngat kame bin omio cikere be genere.

Iburanian 6:10

Pien Rubanga timo gi dedede i yore me ateni; man bino mino likame wie wil kede tic kede amara kame wun inyutunu pire, i tic me konyo jo mege, bala kame pwodi itienu timo.

1 Yokana 1:7

Do ka wan otienu i lero bala kame en kikome etie kede i lero, udo otienu kede nywak wan kenwa kenwa, doko remo ka Yesu Wode lonyo wa ki dub wa dedede.

Gianyuta 15:3

Oudo gin kitie wero wer ka Musa ngatic ka Rubanga, kede wer me Katin Romo be, “In Rwot Rubanga Won Twer, tice ni dongodongo doko kibedo me aura. In Abaka me atekerin dedede, in itimo gi dedede i yore kopoore kede me ateni.