1 Yokana 1:7 - Baibuli I Leb Kumam 2013

⁷ Do ka wan otienu i lero bala kame en kikome etie kede i lero, udo otienu kede nywak wan kenwa kenwa, doko remo ka Yesu Wode lonyo wa ki dub wa dedede.

1 Yokana 1:7 Iomraidhean Croise

Sabuli 104:2

in iboore kede lero bala egoe. In iyararo malo bala eema,

Sabuli 51:2

Lwoka kiber ki gikareco na, iko lonya ki dub na.

Sabuli 56:13

Pien in ilako kuo na ki to, kede igwoko tiena likame apoto, tetekeny aoti ki nyimi in Rubanga, ki lero kame mio kuo.

Sabuli 89:15

Kitie kede yomcuny gin jo kame kingeo paki kede dwan amalo, jo kame bedo i lero me tie nin, Okwe Rwot.

Sabuli 97:11

Lero yabere ne jo kopoore, kilel da ne jo kame cuny gi ber.

Isaya 2:5

Okwe, wun ikwae ka Yakobo, nan do bia ootunu ki lero ka Rwot!

Isaya 33:24

Likame tie ngatamoro kame bedo kunono kame bino doko waco be etuwo, Rwot bino sasiro dub dedede kame jo otimo.

Isaya 6:7

Di eko mino itonge me mac omulo doga, eko waco be, “Bala kame nan mac noni otieko mulo kede dogi, raco ni otieko kwanyere, doko da kotieko weno tenge dub ni.”

Amosi 3:3

Benyo, jo are twero upere karacel abongo gin cikere pi riamo?

Sakaria 13:1

“I kare nono kobino yabo atan me lonyo ikwae ka Daudi kede jo me Yerusalem ki dub kede ki pwokere.

Matayo 6:12

Sasiro wa ki dub wa, bala kite kame wada osasiro kede jo kame timo ne wa kirac.

Yokana 1:29

Oru mere, Yokana oko neno Yesu di tie bino tetu bute, di eko waco be, “Nenunu Katin Romo ka Rubanga kame kwanyo dub me piny!

Yokana 12:35

Kikano Yesu oko waco negi be, “Lero pwodi tie kede wu pi kare moro acecek, miero iotunu di pwodi lero tie kede wu, tetekeny kur colo nguk wu; pien dano kame tie ot i colo likame ngeo kakame etie ot iye.

Yokana 5:4

pien malaika ka Rwot oudo bino kuno i kare mogo di eko rubo pii. Ngat kame oudo geo donyo i yi pii ingei rubere mere, oudo cango ki tuwo kame etie kede.

Joroma 13:12

iwor otieko kato sek, iceng otieko tuno. Wek do oucunu tenge tice me colo, di okounu ngapo jame me yi i lero.

1 Jokorinti 6:11

Jo mogo kikom wu oudo cal kamagonogo. Do wun kotieko lwoko dub wu, kotieko lonyo wu, kotieko mino wu idokunu jo kopoore pi nying Rwot Yesu Kirisito kede pi Tipo ka Rubanga wa.

Joepeso 1:7

I remo mere, wan oudunu alako kede isasir ki dub, di lubere kede abar me kisa mere

Joepeso 5:8

Pien i kare moro bin wun itienu i colo, do nataman itienu i lero i Rwot. Pi mano, bedunu bala jo kame tie i lero.

1 Temeseo 6:16

En kene kalikame eto, doko ebedo i lero kalikame ngatamoro twero noko. Likame tie ngatamoro kotieko nene arabo kame twero nene. Wor kede twer kame bedo nakanaka bed bute. Amen.

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

Iburanian 9:14

remo ka Kirisito do bino lonyo cunyu ki tice kame kony gi li kalamo mano tien adi, tetekeny itimunu tic ne Rubanga kakuo, en ngat kame etieko mino kuo mere but Rubanga abongo pwokere moro pi Tipo kame bedo nakanaka!

Yakobo 1:17

Gi dedede abeco kame komio wa, kede giamia dedede kopoore, wok ki malo kibut Papa won lero, ngat kalikame tie kede alokaloka arabo colo moro kame timere pi lokere mere.

1 Petero 1:19

do kotime kede remo ka Kirisito, remo kame wel mere dwong, kame cal bala me katin romo kalikame tie kede gimoro arac arabo pwokere moro i kome.

1 Yokana 1:3

Gikame wan oneno kede kame owinyo wada otuco ne wu tetekeny ibedunu i nywak kede wa; doko i nywak noni, wan onywako karacel kede Papa kede Wode Yesu Kirisito.

1 Yokana 1:5

Kop kame wan owinyo kibute doko kame wan opwonyo wu iye en ine be, Rubanga en lero doko eli kede colo moro atwal.

1 Yokana 5:6

Yesu Kirisito en ngat kame obino kede pii kede remo. Likame ebino kede pii kenekene, do ebino kede pii kede remo. Tipo en kame mio ijura i kom kop noni, pien Tipo en ateni.

1 Yokana 5:8

Tipo, pii kede remo; ijurak adek nogi kope gi riamo.

2 Yokana 1:4

Ango ako bedo kede kilel kame kalamo pi udo be idwe nin mogo tie lubo kuo me ateni, bala kame Papa otieko ciko ne wa kede.

3 Yokana 1:4

Likame tie yomcuny moro kame ango akaruno bedo kede kame kalamo man, en yomcuny me winyo be idwe na tie lubo ateni.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 12:11

Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.