1 Yokana 1:5 - Baibuli I Leb Kumam 2013

⁵ Kop kame wan owinyo kibute doko kame wan opwonyo wu iye en ine be, Rubanga en lero doko eli kede colo moro atwal.

1 Yokana 1:5 Iomraidhean Croise

Sabuli 139:12

akadi colpiny da likame col kibuti; iwor ler alera bala iceng, pien colpiny cal acala kede lero kibuti.

Sabuli 27:1

Rwot en lero kede ngat kame laka; abino do lworo ngai? Rwot en kateko kame gwoko kuo na; abino lworo do ngai?

Sabuli 36:9

Pien kuo wok kibuti; lero kame wok kibuti en kame mio wan lero.

Sabuli 84:11

Pien Rwot Rubanga tie bala ceng kede ebuku wa; en etimo ne wa bero doko emio wa deyo. Likame tie gimoro aber kame Rwot twono jo kame timo gi kopoore.

Isaya 2:5

Okwe, wun ikwae ka Yakobo, nan do bia ootunu ki lero ka Rwot!

Isaya 60:19

“Ceng en kalikame bobo bino mini lero i esawa me iceng, akadi duwe da likame en kame bino mini lero iwor; ango Rwot, en kame abino bedo lero ni nakanaka, di ako kelo ni deyo.

Danieri 2:22

En enyuto gikame tut di omungere, en engeo gikame tie kakacol, piento en ebedo lero.

Yokana 1:19

Man en kop me ijura kame Yokana bin omio i kare kame Iyudayan ocwao kede josaseredoti kede Jolebi ki Yerusalem pi penye be, “In en ngai?”

Yokana 1:4

Kuo oudo tie i en, doko kuo nono en kame oudo obedo lero me jo.

Yokana 1:9

Lero me ateni kame caro jo dedede oudo tie bino i piny.

Yokana 8:12

Yesu bobo oko waco ne gi be, “Ango en lero me piny; ngat kame luba likame bino ot di etie i colo, do ebino bedo kede lero me kuo.”

Yokana 9:5

Kame ango pwodi atie i piny, udo ango abedo lero me piny.”

1 Jokorinti 11:23

Pien ango agamo kibut Rwot pwony kame ango da ako mino wu, be iwor kame bin korupao iye Rwot, en bin ekwanyo mugati,

1 Temeseo 6:16

En kene kalikame eto, doko ebedo i lero kalikame ngatamoro twero noko. Likame tie ngatamoro kotieko nene arabo kame twero nene. Wor kede twer kame bedo nakanaka bed bute. Amen.

Yakobo 1:17

Gi dedede abeco kame komio wa, kede giamia dedede kopoore, wok ki malo kibut Papa won lero, ngat kalikame tie kede alokaloka arabo colo moro kame timere pi lokere mere.

1 Yokana 3:11

Pien kop kame wun iwinyunu cako ki agege en ine be, opoorenu marere wan kenwa kenwa.

Gianyuta 21:23

Doko rieny me ceng amoto duwe likame mitere i bomba nono, pien deyo ka Rubanga en obedo lero mere, kede etala mere en Katin Romo.

Gianyuta 22:5

Iwor likame bobo bino bedo tie, doko likame kibino mito lero me etala amoto ceng, pien Rwot Rubanga bino bedo lero gi, di gin kiko bino pug ikar kede ikar.