1 Yokana 1:4 - Baibuli I Leb Kumam 2013

⁴ Wan otie wandiko gi nogi tetekeny obedunu kede kilel kopong.

1 Yokana 1:4 Iomraidhean Croise

Isaya 61:10

Ango abino ilel pi gikame Rwot otieko timo. Cunya bino bedo yom i kom Rubanga na; piento en etieko ngapo na alako bala egoe, etieko ngapo na tim kopoore bala ekanso, bala kame eteran ngapo kede ocoro aber pi tubuso kome, kede bala kame ateran tubuso kede kome kede mwolere.

Yokana 15:11

“Ango awaco ne wu gi nogi tetekeny kilel na bed i wun, kede tetekeny ibedunu kede kilel kame romo.

Yokana 16:24

Tuno nan pwodi likame ikwaunu gimoro i nyinga; kwaunu, ibinunu udo, me wek ibedunu kede kilel kame romo.

Yokana 3:29

Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.

2 Jokorinti 1:24

Likame pien wan otie dino wu i gikame poore iyeunu; do wan otio karacel kede wu pi yomo cunyu, pien wun icungunu itek i yei wu.

Joepeso 3:19

kede da ingeunu amara ka Kirisito kame kalamo ngec, tetekeny ipongunu kede gi dedede me ekite me kuo ka Rubanga.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.

2 Yokana 1:12

Bed bala ango atie kede kope atot kame apoore wandiko ne wu, do aparo be miero kur doko awandiko gi awandik, do ango atie kede gen me bino neno wu wang i wang di ako yamo kede wu, tetekeny opongunu kede kilel.