1 Yokana 1:3 - Baibuli I Leb Kumam 2013

³ Gikame wan oneno kede kame owinyo wada otuco ne wu tetekeny ibedunu i nywak kede wa; doko i nywak noni, wan onywako karacel kede Papa kede Wode Yesu Kirisito.

1 Yokana 1:3 Iomraidhean Croise

Yobu 13:1

“Neningo, wanga otieko neno mago dedede, yita otieko winyo mago dedede di ako niang iye da.

Sabuli 2:7

Abaka waco be, “Abino waco kop kame Rwot omio. En ewaco na be, ‘In en woda; tin ango adoko papa ni.

Sabuli 22:22

Ango abino sarakino nyingi but imiegu kede amiegu na; abino paki i diere me jo kocokere wori.

Isaya 66:19

doko ango abino cibo gianena i diere gi. Jo mogo kikom gi kame bino dong kuo, ango abino oro gi but atekerin kede i lobere kame tie kakame bocoboco, lobere kalikame pwodi owinyo kop i koma, doko pwodi likame kineno deyo na. Ango abino oro gi i piny me Sipein, Libiya kede Lidia, gin pinye me jogwei emal, kede i piny me Tubal kede Guris, di gin kiko tuco kop me deyo na kunono.

Wel 10:32

Doko medo i wi manono da, ka in iupere kede wa, gi dedede aber kame Rwot bino timo ne wa wada obino timo nin.”

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 19:35

(Ngat koneno gi kotimere en komio ijura, doko ijura mere tie me ateni, doko eda engeo be ewaco kop me ateni, me wek wuda iyeunu.)

Tice 13:32

Wan nan okelo ne wu Kop Aber be, gikame Rubanga bin ocikere pi timo ne joakwari wa,

Tice 13:41

“‘Nenunu ber, wun jo kame cao kop ka Rubanga! Urunu ikounu to! Pien gikame ango atie timo i kare wu, obedo gi kalikame ibinunu yei, akadi di ngatamoro oniango wu iye.’ ”

Tice 2:42

Gin kiko keto cuny gi winyo pwony me joor, bedo i nywak kede gi, camo mugati karacel kede lego kede gi.

Tice 20:27

pien ango likame bin alworo tuco ne wu gi dedede kame Rubanga oudo oiko pi timo.

Tice 4:20

pien wan likame otwero weko yamo kop i kom gikame oneno, kede kame owinyo.”

Joroma 15:27

Cuny gi oudo yom pi timo kamanono, doko i ateteni etie banya but gi. Pien ka Iyudayan onywako winyo gin me cuny kede jo kalikame Iyudayan, jo kalikame Iyudayan da poore mino Iyudayan kony me jame.

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

1 Jokorinti 1:9

Rubanga genere, en kame elwongo wu pi bedo i nywak kede Wode Yesu Kirisito, en Rwot wa.

1 Jokorinti 15:1

Imiegu kede amiegu na, nan ango amito yutuno ne wu ejiri kame ngoce atuco ne wu, kame ikounu gamo, doko en kame yei wu cungo iye.

2 Jokorinti 13:14

Kisa ka Rwot Yesu Kirisito, amara ka Rubanga kede nywak me Tipo Kacil bed kede wu dedede.

Joepeso 3:6

Mung noni en ine be, pi kop me ejiri, jo kalikame Iyudayan otieko doko jo kame nywako winyo ka Rubanga karacel kede Iyudayan, jo me kom acel, doko kinywako cikere acel i Kirisito Yesu.

Jopilipi 1:7

Etie gi opoore pi ango paro piru iepone noni, pien wun itienu i cunya, bala kame wun dedede inywakunu karacel keda kisa kame komia di nan ango atie mabus, kede i kare me jurao kede mino ejiri cungo di etek.

Jopilipi 2:1

Aso, ka tie supo cuny moro i Kirisito, ka tie kweno cuny moro kame yai ki amara, ka tie nywak moro i Tipo, ka tie cuny me isasir kede me kisa,

Jopilipi 3:10

Ango amito ngeno Kirisito kede twer me iyarun mere, di ako nywako kede en can mere, ako doko cal kede en i to mere,

Jokolosai 1:13

En etieko lako wa ki twer me colo di eko kobo wa i ajakanut ka Wode kame emaro,

1 Jotesalonika 1:10

kede pi daro bino ka Wode ki malo, kame bin en eyaruno kikom jo oto, en Yesu, ngat kame lako wa ki lilo kame tie bino.

1 Temeseo 6:2

Kur ipasoi kame jodongo gi oyei Kirisito dagi woro gi be pien gin kibedo imiegu i Kirisito; do akaka manono, gin miero kitim ne gi tic kame ber kato, pien jo kame gin kitie konyo obedo jo kame oyei Kirisito, jo kame gin kimaro. Pwony kope nogi, doko kwai cuny jo pi lubo gi.

Iburanian 2:12

Pien ewaco ne Rubanga be, “Ango abino tuco nyingi but imiegu kede amiegu na; abino paki i dier ekodet me jo kocokere.”

Iburanian 3:1

Pi mano, imiegu kede amiegu na, wun jokacil kame nywako lwongo ka Rubanga, tamunu ber kong i kom Yesu, ngaor kede Ngatel Josaseredoti me yei kame wan otuco.

Iburanian 3:14

Pien wan dedede onywakunu kede Kirisito ka omokunu kitek tuno i ajikini i kom gen atek kame bin otienu kede i agege.

1 Petero 5:1

Ango abako doga but joadongo kame tie i diere wu, bala adwong wad gi kame obedo mujura me can kame Kirisito oneno, doko da bala ngat kame nywako deyo kame kobino nyuto.

2 Petero 1:16

Bin wan likame otio kede itatam kame dano oteto kede rieko me wie pi mino wu ngeno dwogo ka Rwot Yesu Kirisito kede twer, do wan oneno dwongo mere kede wang wa.

1 Yokana 1:1

Wan otie tuco ne wu gikame oudo tie cako ki agege, gikame wan owinyo, gikame wan oneno kede wang wa; wan kom onene doko omule kede cing wa, en Kop me kuo.

1 Yokana 1:5

Kop kame wan owinyo kibute doko kame wan opwonyo wu iye en ine be, Rubanga en lero doko eli kede colo moro atwal.

1 Yokana 1:7

Do ka wan otienu i lero bala kame en kikome etie kede i lero, udo otienu kede nywak wan kenwa kenwa, doko remo ka Yesu Wode lonyo wa ki dub wa dedede.