1 Yokana 1:1 - Baibuli I Leb Kumam 2013

¹ Wan otie tuco ne wu gikame oudo tie cako ki agege, gikame wan owinyo, gikame wan oneno kede wang wa; wan kom onene doko omule kede cing wa, en Kop me kuo.

1 Yokana 1:1 Iomraidhean Croise

Isaya 41:4

Ngai inonono kame bin otimo manoni? Ngai en komio lwak me kare lung obedo tie cako i ageini? Ango Rwot, riki atie i ageini, doko abino bedo tie i ajikini.

Mika 5:2

Rwot waco be, “In Betelem Epurata, in en bomba acel kikom bomban atitino twatwal me Yuda, do ango abino yero ngapug me Isirael kibuti, ngapug kame diakal kame kobino nywale iye wapere paka tuno i kare kasek.”

Luka 1:2

di kilubo kop kame jo mogo bin otatamo ne wa, gin jo kame bin kineno kede wang gi cako ki agege, doko di gin nogo jotic me kop nono.

Luka 24:39

Nenunu cinga kede tiena, ango inononi; mulanu ikounu bino ngeno; pien tipo likame tie kede ringokome kede cogo bala kite kame nan wun inenunu ango atie kede.”

Yokana 19:35

(Ngat koneno gi kotimere en komio ijura, doko ijura mere tie me ateni, doko eda engeo be ewaco kop me ateni, me wek wuda iyeunu.)

Yokana 20:27

En eko waco ne Tomasi be, “Ket lweti kan, doko iko neno cinga; riei cingi iko keto i ngeta, kur ibed abongo yei, do bed ngat kame tie kede yei.”

Yokana 5:26

Pien bala kite kame Papa kikome en kame kuo wok kibute, kamanono da etieko mino Wod bedo ngat kame kuo wok kibute.

Yokana 8:58

Yesu oko waco ne gi be, “Ateteni, ateteni awaco ne wu be, di pwodi Aburaam oudo li, ango oudo atie.”

Tice 1:3

Ingei can kede to mere, en eko nyutere but gi i yote apapat kame moko be, en oudo ekuo ateteni, di epwonyo kop kame mako Ajakanut ka Rubanga.

Tice 4:20

pien wan likame otwero weko yamo kop i kom gikame oneno, kede kame owinyo.”

Iburanian 2:3

wan do obinunu bwot benyo benyo ka odagunu twon alako kame cal kamano? Rwot en kame bin ogeo tuco kop me alako noni, di jo kame bin owinyo kibute oko moko ne wa be en gi me ateni.

1 Yokana 4:14

Wan otiekunu neno, doko omiunu ijura be Papa otieko cwano Wode bala Ngalak me piny.

1 Yokana 5:7

Ijurak tie adek kame mio ijura:

Gianyuta 1:11

En ewaco be, “Wandiko i itabu gikame ineno di iko cwano ne ikodeta kanyaare me jokirisito kame tie Epeso, Simuna, Peregamu, Tuatira, Saradisi, Piladelpia kede Laodikia.”

Gianyuta 1:8

Rwot Rubanga owaco be, “Ango en Alpa kede Omega,” ngat kame tie nan, kame oudo tie sek kede kame bino bino, en Won Twer.

Gianyuta 19:13

Oudo engapo ekanso kame korwako i remo, kede nying kame kolwonge kede en “Kop ka Rubanga”.

Gianyuta 2:8

“Wandiko but malaika me ekodet me jokirisito kame tie Simuna be: “Magi en kop me ngat kobedo me agege kede me ajikini, ngat kame oudo oto di eko kuo bobo.