Biblia Todo Logo
Bìoball air-loidhne

- Sanasan -




1 Samuel 7:3 - Baibuli I Leb Kumam 2013

3 Samuel oko waco ne jo me Isirael be, “Ka imitunu dok but Rwot kede cunyu dedede, poore iwekunu rubangan mogo me kumbor, kede cal me rubanga adako anyinge Asitate. Ketunu cunyu i kom Rwot, di ikounu tic nen kenekene, di en eko bino lako wu ki cing jo me Pilistia.”

Faic an caibideil Dèan lethbhreac




1 Samuel 7:3
40 Iomraidhean Croise  

Yakobo oko waco ne jo me ode karacel kede jo dedede kame oudo tie kede be, “Ucunu tenge rubangan mogo me kumbor kame nan tie i diere wu, ikounu lonyere di ikounu loko igoen wu.


Ango abino timo manoni piento Sulumani otieko daga di eko lunyo woro Asitate rubanga adako me jo Sidon, Kemos rubanga me Moab, kede Milikom rubanga me jo Amon. En likame ebedo lubo yote na, doko likame ebedo timo gikame poore i wanga, kede da en likame egwoko pwony na kede iswilia na, bala kame bin papa mere Daudi obedo timo.


Ka gin kiko swilaro kede cuny gi dedede kede kuo gi lung i lobo me jokwor gi kunono, jo koudo otero gi bala mabus, di gin kiko lego buti di kiloko nyim gi tetu lobo noni kame bin in imio but joakwari gi, kede bomba noni kame in itieko yero, kede ot noni kame ango atieko gero nin,


do ibinunu wora, ango Rwot Rubanga wu, di ango ako bino lako wu ki cing jokwor wu.”


Medo i wi manono, Yosia bin oko reto piny da alutari kede kabedo me woro caljwogi kame Abaka Yeroboam wot ka Nebat oudo ogero Betel, en ngat kame bin emio jo me Isirael opoto i dub. En eko wango kabedo me woro caljwogi nono, di eko ngingido en edoko purupuru; en eko wango da cal me rubanga Asera.


Aso, nataman ketunu tam wu kede cunyu i timo tic ka Rwot Rubanga wu. Cakunu gero kabedo mere kacil tetekeny kel iye Sanduku me Isikan mere kede jamini mege kacil kame kotio kede me wore.”


“Aso in woda Sulumani, poore in ingei Rubanga ka papa ni, di iko timo ne tic kede cunyi lung kede tam aber. Pien Rwot ngeo tam me jo dedede doko engeo iik gi kede par gi dedede. Ka in imoe, ibino ude; do ka in ilokere tenge ki bute, en ebino jali atwal.


Do akadi bed bala kamanono da, in itie kede bero moro. In idudubo ipirin kame oudo cungo pi rubanga adako anyinge Asera i lobo noni, doko da itamo cibo cunyi timo gikame Rubanga mito.”


Do abilan me woro rubangan likame oudo kotuturo; jo oudo pwodi likame osipakino cuny gi i kom Rubanga ka joakwari gi.


kame keto cuny gi moni, in Rwot Rubanga ka joakwari wa, bed bala gin likame kilubo cik me kabedo kacil, cik amako lonyere.”


Dano bedo kede iik mege i cunye, do Rubanga en kame mio gi kicobere.


Jo kame timo gikareco miero wek yongayo me kuo gi nono, doko jo kalikame opoore miero wek gikame tie i tam gi; miero gin kidwog but Rwot, tetekeny en kisa make kede gi. Miero kidwog but Rubanga wa, piento en ebino sasiro gi adikinicel.


Ango abino mino gi cuny me mito ngeno be ango en Rwot; gin kiko bino bedo jo na di ango ako bedo Rubanga gi, pien gin kibino dwogo buta kede cuny gi dedede.


Cengemogo ka jo me Yuda owinyo kop i kom can kame ango atie mito timo negi, gin dedede kibino lokere di kiko weko yote areco me kuo gi, tetekeny ango asasiro gi ki gikareco gi kede ki dub gi.”


Rwot waco be, “Wun jo me Isirael, ka ateteni imitunu dwogo buta, kwanyunu tenge caljwogi gikame neno rac ki nyima, di likame ikounu parao weka.


“Aso, nataman in wac ne jo me Isirael be ango Rwot Rubanga atie waco negi kaman: swilarunu di ikounu weko woro caljwogi; doko poore ilokerenu tenge ki tim wu areco dedede.


Ucunu tenge gikareco dedede kame wun ibedunu timo buta, di ikounu udo tam anyen kede cuny anyen. Okwe wun jo Isirael pinyo kamio imitunu to?


Okwe wun jo me Isirael dokunu but Rwot Rubanga wu. Dub wu omio igetenu.


“‘Jogi wora kede dog gi, do cuny gi bor kibuta.


Yesu oko waco ne be, “Orwa tenge, in Sitani! Pien iwandik kacil waco be, ‘Wor Rwot Rubanga ni di itio ne en kene.’ ”


“Likame tie ngatamoro kame twero timo tic ne jodongo are, pien ebino maro ngat acel di eko dagi ngat ocelu; aso ka li, ebino moko i kom ngat acel di eko weko ocelu. In likame ikaruno tic ne Rubanga kede bobo ne abar da.


Yesu oko dwoko ne be, “Iwandik kacil waco be, ‘Wor Rwot Rubanga ni di itio nen kene.’ ”


Rubanga en Tipo, doko jo kame wore miero wore i twer me Tipo kede ateni.”


Poore ibedunu kede lworo but Rwot Rubanga wu di iworenu en kene; mokunu i kome doko kwongerenu kede nyinge kenekene.


Poore ilubunu Rwot Rubanga wu doko bedunu kede lworo bute en kene. Lubunu cik mere kede gikame en ewaco; worenu doko mokunu i kome.


Wun ibinunu mono Rwot Rubanga wu ki kuno di ikounu ude ka imoenu kede cunyu dedede kede kuo wu dedede.


Poore ibedunu kede lworo but Rwot Rubanga wu; timunu tic ne en kene, doko kwongerenu kede nyinge kenekene.


Oudo eribo kiton dul me Gilead, kiton Asitarot kede Ederei, gin bomban adongo i lobo kame Og oudo pugo, gin oudo kitie Basan. Manoni dedede oudo komio dul me diakale me jo kobedo ikwae ka Makir wot ka Manase.


“Pi mano, poore iworunu Rwot di ikounu timo ne tic kede ateni kede genere. Ucunu tenge rubangan kame bin joakwari wu woro ki loka tetuca me ecilet kede i Misiri, di ikounu timo tic ne Rwot en kene.


Di Yosua oko waco negi be, “Aso ucunu tenge rubangan me kumbor kame itienu kede, di ikounu loko cuny wu but Rwot, Rubanga me Isirael.”


Aso, gin kiko weko rubangan me kumbor di kiko donyo woro Rwot; di Rwot likame oko yei kanyakino neno di jo me Isirael neno can.


Jo me Isirael oko bobo timo gikarac i nyim Rwot; gin kidonyo woro Baal kede Asitate, karacel kede rubangan me Siria, me Sidon, me Moab, me Amon kede me Pilistia. Gin kiweko Rwot di kiko jiko wore.


Di do jo me Isirael bin oko timo gikarac i nyim Rwot; gin bin kidonyo woro Baal,


Gin kiweko Rwot di kiko donyo woro Baal kede Asitate.


Gin bin kiko keto jamini ka Saulo me yi i tempulo ka Asitate, rubanga adako, do kome gin kiko guro i apama me bomba me Bet San.


Lean sinn:

Sanasan


Sanasan