1 Samuel 4:5 - Baibuli I Leb Kumam 2013

⁵ Kakame Sanduku me Isikan ka Rwot otuno kede kakame kimere gi oudo tie iye, jo me Isirael oko woo kitek paka piny yangere.

1 Samuel 4:5 Iomraidhean Croise

2 Samuel 15:24

Abiata kede Sadoki oudo tie kuno, karacel kede Jolebi, di kiyeo Sanduku me Isikan ka Rubanga. Gin kiko cibo Sanduku me isikan ka Rwot piny paka tuno di jo dedede otieko wok ki bomba.

1 Abakai 1:40

Di jo dedede oko dok di kilube, di kikuto bilo atot di kidwong kede kilel. Woo me dwan gi oko mino piny oyangere.

Yobu 20:5

be yomcuny me jo areco tie pi kare acecek, doko da kilel me jo kalikame paro pi Rubanga likame tero kare?

Yeremia 7:4

Wekunu ngalere kenu kenu di iwacunu be, ‘Man en tempulo ka Rwot, man en tempulo ka Rwot, man en tempulo ka Rwot, likame tie gimoro kame bino timere ne wa.’

Amosi 6:3

Okwe wun idagunu yei be ceng me can tie bino, do gikame itimunu tie mino ceng me apugan me gero tie doko iyapiyapi.

Mika 2:11

“Wun cunyu mito enabi kame bino di eko donyo waco ne wu kope me angalo be, ‘Ango amurao ne wu be, bwini kede kongo akec bino mol ne wu bala pii.’

Yosua 6:20

Aso, josaseredoti oko kuto agwara. Cucuto di jo owinyo koko me agwara, jo oko woo kitek di apama koluko bomba oko poto ritirit, di do isirikalen oko pikere i bomba di kiko mane.

Yosua 6:5

Gin di kiko bino kuto agwara dwan acel awao koko cutucutu, di do jo dedede ko bino woo kitek, di apama koluko bomba ko bino rwacere piny. Di do isirikalen dedede ko bino donyo i bomba.”

Jongolkop 15:14

Kakame etuno kede Leki, jo me Pilistia oko ringo bute di kiwoo kitek. Twer ka Rwot oko donyo i kome, di aunoi kame oudo tie i ngut cinge oko doko cal bala ausi kowang, di kiko cocotun.

1 Samuel 4:6

Kakame jo me Pilistia owinyo kede woo atek, gin kiko penyere be, “Woo adwong atie i kimere me Iburanian no obedo menyo?” Kakame kiko niang kede be Sanduku me Isikan ka Rwot oudo otuno i kimere me Iburanian,