1 Samuel 4:4 - Baibuli I Leb Kumam 2013

⁴ Aso, gin kiko cwano jo Silo, di gin kiko kelo ki kuno Sanduku me Isikan ka Rwot me jo yi, ngat kame kocibo kom mere me ajakanut i wi cerubim. Awobe ka Eli are, Kopuni kede Pinekasi, oko bino karacel kede Sanduku me Isikan ka Rwot.

1 Samuel 4:4 Iomraidhean Croise

2 Samuel 15:24

Abiata kede Sadoki oudo tie kuno, karacel kede Jolebi, di kiyeo Sanduku me Isikan ka Rubanga. Gin kiko cibo Sanduku me isikan ka Rwot piny paka tuno di jo dedede otieko wok ki bomba.

2 Samuel 6:2

Daudi kede isirikalen dedede kame oudo en etie kede oko yai di kiko ot Baale kame oudo tie Yuda, pi omo Sanduku me Isikan ka Rubanga, sanduku kame kolwongo kede nying Rwot me jo yi, ngat kame bedo i ngei cerubim.

2 Abakai 19:15

Esekia oko lego but Rwot di ewaco be, “Okwe Rubanga me jo me Isirael, in ngat kame ibedo i kom ni me ajakanut i wi cerubim, in keni en Rubanga, kame pugo ajakanuto dedede me wi lobo. In icweo lobo kede malo.

Sabuli 80:1

Winy koko wa, Okwe ngakwat me Isirael, in ngat kame itelo ikwae ka Yakobo bala romini. In ngat kame ibedo i kom ni me ajakanut i ngei cerubim,

Sabuli 80:2

poore inyutere but atekerin ka Epuraimu, ka Benjamin kede me ka Manase. Nyut twer nin, di iko bino ilak wa!

Sabuli 99:1

Rwot en abaka; jo dedede poore bed kede mielkom! En ebedo i kom mere me ajakanut i ngei cerubim; miero lobo yangere.

Isaya 37:16

“Okwe Rwot me jo yi, Rubanga me jo me Isirael, in ngat kame ibedo i kom ni me ajakanut i wi cerubim, in keni en Rubanga, kame pugo ajakanuto dedede me wi lobo. In icweo lobo kede malo.

Malaki 1:9

Aso nataman wun josaseredoti, kong tamunu kwano Rubanga pi timo ne wa bero. En likame ebino gamo ilega ka ngatamoro kikom wu. Manono obedo raco wun.

Wel 4:15

Kame kare me dako kimere otuno, jo me ekeko ka Kokat bino yeno jamini kame kotio kede gi me wora ingei Aaron kede awobe mege tieko bono gi kiber. Jo ka Kokat nogo likame poore mulo jamini kame kotio kede gi me wora, aso ka li kibino to. “Magonogi en obedo tice me jo me ekeko ka Kokat i kabedere dedede kame kobino kobo iye Eema.

Wel 4:5

“Kame kare otuno me dako kimere, Aaron kede awobe mege bino gonyo esuka kame galao kakame Sanduku me Isikan tie iye, di gin kiko umo Sanduku kede egoe nono.

Wel 7:89

Tek kame Musa oudo ooto i Eema ka Rwot pi yamo kede, en oudo ewinyo dwan Rwot di tie yamo kede ki wi kom me kisa kame oudo tie i wi Sanduku me Isikan, i dierediere me cerubim are.

1 Samuel 1:24

Kakame etieko twono kede atin dot, en eko tere Silo; etere karacel kede twon me mwakini adek, kilo tomon me alos, kede bwini atie i isau kame kotimo kede lau. En etere Silo i ot ka Rubanga kede titidi mere nono.

1 Samuel 14:3

karacel kede Akija wot ka Akitub, omin me Ikabod, wot ka Pinekasi, wot ka Eli, ngat koudo obedo ngasaseredoti ka Rwot i Silo. Akija oudo mako epod. Jo oudo likame ngeo be Jonasan oyai ooto.

1 Samuel 2:22

I kare nono, Eli oudo otieko ti twatwal. En oudo ebedo winyo gi dedede kame awobe mege oudo tie timo ne jo me Isirael, kede epone kame oudo kidonyo buto kede mon kame oudo tio i ekeko me eema kame Rwot tie iye.