1 Samuel 4:3 - Baibuli I Leb Kumam 2013

³ Kakame isirikalen kobwot mege odwogo kede kabedo kame kigero iye kimere, joadongo me Isirael oko waco be, “Pinyo komio tin Rwot ojalo jo me Pilistia obwono wa? Ootunu okelunu kan Sanduku me Isikan ka Rwot ki Silo, tetekeny Rwot bed tie i diere wa di eko lako wa ki cing jokwor wa.”

1 Samuel 4:3 Iomraidhean Croise

2 Samuel 15:25

Di abaka oko waco ne Sadoki be, “Dwok Sanduku me Isikan i bomba. Ka Rwot cunye mita, cengemoro ebino mina adwogo di ako neno Sanduku me Isikan noni kede kakame etie iye.

1 Iyutun 17:1

Di bin Abaka Daudi odonyo bedo i paco mere me abaka, en eko waco ne enabi Natan be, “Neningo, nataman ango atie bedo i ot kame kogero kede yen seda, do Sanduku me Isikan ka Rwot tie bedo i eema!”

Sabuli 74:1

Okwe Rubanga, pinyo komio iuco wa atwal atwala? Pinyo komio itie kede gero i kom romini kame itie kwano?

Sabuli 74:11

Pinyo komio itie giri neno anena abongo timo gimoro; pinyo komio idolo giri badi adola?

Isaya 50:1

Rwot penyere be, “Ani bo baluwa kame ango ariamo kede toto wu? Arabo won banya mene kame ango acato wu bute? Nenunu, kocato wun pi dub wu, doko wun iturunu iswil en komio koriamo toto wu.

Isaya 58:3

Jo penyere be, “Ka Rwot likame neno kanyo kec wa, pinyo kame mio wan okanyo kec? Pinyo kame mio wan omio kom wa neno can ka en likame eparo gimoro iye?” Rwot waco negi be, “Nenunu, ceng kame wun ikanyunu kede kec nogo en bobo kame wun iparunu kede piru kenekene, di ikounu tero jotic wu kirac.

Isaya 59:1

Nenunu, likame be pi Rwot odoko goro en komio likame emito lako wu arabo be yite oding en komio likame ewinyo kwac wu.

Isaya 59:2

Do dub wu en komio en likame ewinyo kwac wu. Dub wu en kotieko poko wu kede Rubanga wu. Dub wu en komio en ekano wange kibut wu, tetekeny kur ewiny kwac wu.

Yeremia 3:16

Kame itiekunu nywal di ikounu nyai i lobo nono, likame bobo ebino mitere ne wu pi yamo kop i kom Sanduku me Isikan. Manono likame doko bino bedo i tamu amoto wun yutuno en; likame ebino bedo bala gikame li ne wu, doko da likame ibinunu paro pi timo ace.

Yeremia 7:4

Wekunu ngalere kenu kenu di iwacunu be, ‘Man en tempulo ka Rwot, man en tempulo ka Rwot, man en tempulo ka Rwot, likame tie gimoro kame bino timere ne wa.’

Wel 10:33

Aso, jo me Isirael oko yai ki moru ka Rwot. Gin kiko ot sapali me ceng adek, di Jolebi kame oudo yeo Sanduku me Isikan ka Rwot en oudo telo negi yongayo, pi mono kakame kipoore wei iye.

Wel 10:35

Tek kame oudo kocako yeno Sanduku me Isikan pi kobo, Musa oudo waco be, “Rwot, yai iko bwono jokwor ni di iko mino gi kiringi kisasarun.”

Wel 31:6

Musa di oko cwano gi ot yi di Pinekasi wot ka Eleasar ngasaseredoti en koudo telo gi. En oudo emako jamini me kabedo kacil kede agwara kame kokuto pi kwenyaro jo.

Iswilia 29:24

Di do wi lobo lung ko bino penyere be, ‘Pinyo komio Rwot otimo ne lobo no gikame cal kamano? Nyo komio enyuto twon gero kacal kamano?’

Iswilia 31:26

“Terunu itabu me Iswil noni di ikounu kete i nget Sanduku me Isikan ka Rwot Rubanga wu; poore edong kunono bala ijura kame pido wun jo mege.

2 Temeseo 3:5

jo kame nyutere bala kiworo Rubanga, do di i ateni kidagi twer mere. Kur ibedo kede akodi jo nogo.

Iburanian 9:4

Kanono oudo tie iye alutari kame kotimo kede saabu, me wango bubani kede da oudo tie iye Sanduku me Isikan, kame kome dedede oudo obedo saabu. I sanduku noni oudo tie iye jagi kame koketo iye emanu, ebela ka Aroni kame oudo olot, kede kide me isikan kame oudo kowandiko iye cik.

Yosua 4:7

wun ibinunu waco negi be, ‘Bin pii ojiko mol kakame oudo kotie riongo kede Sanduku me Isikan ka Rwot ngolo kede ecilet me Yorodan. Aso, kide nogi tie pi yutuno ne jo me Isirael i kare dedede i kom gikame otimere.’ ”

Yosua 6:6

Aso, Yosua wot ka Nun oko lwongo josaseredoti di eko waco negi be, “Tingunu Sanduku me Isikan di jo kanyaare kibutu ko ot i anyim mere, di ngat acelacel mako agwara me tung emerekek.”

Yosua 7:7

Yosua oko waco be, “Okwe Rwot pinyo komio ikelo wa ngolo ecilet me Yorodan tuno kan? Mam ikelo wa pi mino wa i cing jo Amor tetekeny kinek wa? Pinyo komio wan likame koto odong girwa loka tetuca me Yorodan?

Yosua 7:8

Okwe Rwot nan do awac benyo, bala kame nan jo me Isirael otieko ringino dwogo kede kibut jokwor?

1 Petero 3:21

Manoni cimo batisimu, gikame nan lako wu, likame pien elwoko tenge cilokom, do ebedo bala kwac but Rubanga pi ngec aber me cuny. En ebedo gikame lako wu pi iyarun ka Yesu Kirisito,

Yuda 1:5

Nan amito medo niango wu, bed bala oudo kotieko niango wu iye kiber, be, Rwot ngat kame bin olako jo ki piny me Misiri tien acel atwal, bin i cen mere eko neko jo kalikame oyei.

1 Samuel 1:24

Kakame etieko twono kede atin dot, en eko tere Silo; etere karacel kede twon me mwakini adek, kilo tomon me alos, kede bwini atie i isau kame kotimo kede lau. En etere Silo i ot ka Rubanga kede titidi mere nono.

1 Samuel 14:18

Saulo oko waco ne Akija be, “Kel Sanduku me Isikan ka Rubanga kan.” Pien i kare nono jo me Isirael oudo upere kede Sanduku me Isikan ka Rubanga.

1 Samuel 4:2

Jo me Pilistia oko teere cako yi kede jo me Isirael; kakame yi do oko dop kede, jo me Pilistia oko bwono jo me Isirael, di kiko neko cuo aromo bala tutumia ongwon (4,000) i ebar me yi.