1 Samuel 4:12 - Baibuli I Leb Kumam 2013

¹² Icuo moro me ekeko ka Benjamin oko ringo ki kakame yi oudo tie iye paka tuno Silo i ceng nono. En oudo enyinyilo igoen mege di lobo me ejuk kede tie i wie, pi nyuto cwercuny.

1 Samuel 4:12 Iomraidhean Croise

2 Samuel 1:2

I ceng me adek mere, icuo moro kowok kibut isirikalen ka Saulo oko bino di enyinyilo igoen me kome doko di emio apua omako wie pi nyuto cwercunye. Kakame eko tuno kede but Daudi, en eko riebere piny i nyime pi mine wor.

2 Samuel 13:19

Tamar bin oko suto buru i wie, di eko nyinyilo egoe abor kame oudo etie ngapo; en eko yeno cinge i wie, eko ot tenge di ekok kitek.

2 Samuel 15:32

Kakame Daudi otuno kede i wi moru kabedo kame oudo jo woro kiye Rubanga, Kusai Ngaraki, oko bino pi riamo kede Daudi, di enyinyilo ekoti mere kede di ejuk kede lobo i wie.

Nekemia 9:1

I buto duwe ot are kiwie ongwon me duwe nono, jo Isirael bin oko cokere pi bedo i kanyo kec. Gin oudo kingapo igoen me iturur, di kijuko wi gi kede apua pi nyuto cwercuny gi pi dub gi.

Yobu 2:12

Di bin gin kinene ki kakabobor, gin likame kiko karuno ngene; do kakame kingee kede, gin kiko donyo koko kitek. Gin kiko nyinyilo igoen gi di kikiro apua i yamo i wi gi malo.

Yeremia 26:6

manono bino mino atimo ne tempulo noni gikame atimo Silo, di ako bino mino atekerin dedede me wi lobo tio kede nying bomba noni me timo ilam.”

Esekeri 24:26

I ceng kame ango abino timo kede gi noni, ngat kobwot kiye bino kelo ni rwonge mere.

Esekeri 27:30

di kikoki kitek kede dwan amalo. Kikikiro apua i wi gi di kibebelo i buru.

Yosua 7:6

Yosua kede jotel me Isirael oko nyinyilo igoen gi pi cwercuny, di kiko roburobun piny i nyim Sanduku me Isikan ka Rwot, di kiko donyo buto kanono tuno otieno, di oudo kijuk kede apua tie i wi gi pi cwercuny.