1 Samuel 4:10 - Baibuli I Leb Kumam 2013

¹⁰ Aso, jo me Pilistia oko yi kitek di kiko bwono jo me Isirael, di ngat acelacel oko ringo odok ture. Bin oko neko jo atot twatwal i yi nono, pien koneko isirikalen me Isirael aoto kede tien gi tutumia ot adek (30,000).

1 Samuel 4:10 Iomraidhean Croise

2 Samuel 18:17

Gin kiko kwanyo Abisolom kiko ot uce i bur atut kame oudo tie i abum, di kiko kumemo atukit adwong me engaro i kome. Do jo me Isirael dedede oko ringo odok i miere gi.

2 Samuel 18:7

Jotic ka Daudi oko bwono isirikalen me Isirael ki kanono; kibwono gi atwal atwala di kiko neko jo tutumia ot are (20,000) ceng nono.

2 Samuel 19:8

Abaka oko yai di eko ot bedo i nget erute me bomba. Isirikalen oko winyo be abaka oudo tie bedo kuno di gin dedede kiko ot cokere bute. Jo me Isirael oudo oringo ngat acelacel odok ture.

2 Samuel 20:1

I kanono oudo tie iye icuo moro kame ekite mege reco, kame nyinge Seba, wot ka Bikiri, en dano me ekeko ka Benjamin. En eko kuto agwara di ewaco be, “Wan oliunu kede iner moro i kom Daudi, oliunu kede gimoro amako wa kibut wot ka Yese, ngat acelacel doki i eema mere, wun jo me Isirael!”

1 Abakai 12:16

Kakame jo dedede me Isirael oneno kede be abaka odagi winyo kwac gi, gin kiko dwoko ne abaka be, “Wan oli kede iner moro i ot ka Daudi; likame tie gimoro kame wan otwero lunyo amakere kede wot ka Yese. Jo me Isirael, odokunu i miere wa! Rekoboam do pug jo mege me ot ka Daudi.” Aso, jo me Isirael oko dok i iemai gi.

1 Abakai 22:36

Tetu esawa kame ceng donyo kede, ngatamoro oko lelemo kikom isirikalen me Isirael be, “Ngat acelacel poore dok i bomba me turgi; ngat acelacel dok i piny gi!”

2 Abakai 14:12

Jo me Isirael bin oko bwono jo Yuda, di ngat acelacel oko ringo ture.

2 Iyutun 13:17

Abija kede isirikalen mege oko bwono gi bwon arac; oko neko kikom gi isirikalen tutumia tol kany (500,000) atek yi.

2 Iyutun 25:22

Isirael oko bwono Yuda di isirikalen mege dedede oko ringo kidok i miere gi.

Sabuli 78:9

jo Epuraimu oudo omako imalia gi, gin kiko wilun ringo cen i ceng me yi.

Yeremia 7:12

Kong nan otunu Silo, en kakame bin ango acako yero pi gero iye abila na, di ikounu bino neno gikame atimo iye pi dub me jo me Isirael.

Jolebi 26:17

Ango abino lokere dagi wu, di jokwor wu ko bwono wu; jokwor wu bino pugo wu, doko ibinunu bedo kede lworo atek kame bino mino iringunu tenge abongo ngatamoro kame tie riamo wu.

Iswilia 28:15

“Do ka likame ilubunu kope ka Rwot Rubanga wu, i yore me wun dagi lubo cik kede iswilia mege kame tin ango atie mino wu, can kame bino poto i komu bino bedo kaman:

Iswilia 28:25

“Rwot bino mino jokwor wu bwono wu; ibinunu beo ki tucel me ot suro gi, do ibinunu ringo tenge kibut gi i bad dedede. Di jo me atekerin dedede me wi lobo ko bino bedo kede lworo ka kineno gikame otimere ne wu.

1 Samuel 3:11

Di Rwot oko waco ne Samuel be, “Neningo, ango ayapuno timo gimoro ne jo me Isirael, kame bino mino jo dedede kame bino winyo kom gi to.

1 Samuel 4:2

Jo me Pilistia oko teere cako yi kede jo me Isirael; kakame yi do oko dop kede, jo me Pilistia oko bwono jo me Isirael, di kiko neko cuo aromo bala tutumia ongwon (4,000) i ebar me yi.