1 Samuel 2:3 - Baibuli I Leb Kumam 2013

³ Jikunu yamo me ewaka, kur doko kope me ewaka wok ki dogu; pien Rwot obedo Rubanga atie kede ngec, doko en engolo kop i kom tice dedede kame jo timo.

1 Samuel 2:3 Iomraidhean Croise

1 Abakai 8:39

tim ber iwiny kwac gi i malo kabedo ni. Sasiro gi di iko konyo gi. Tim negi gikame poore kede yote me kuo gi, gikame in ingeo kame tie i cuny gi, pien in keni en kame ingeo gikame tie i cuny dano acelacel.

Yobu 31:6

wek Rubanga pima i misani atie kakare, di eko bino ngeno bero na.

Sabuli 147:5

Rwot wa dwong, doko etie kede twon twer; niang mere tut tut kalikame wacere.

Sabuli 17:10

Gin kili kede cuny me isasir; dog gi yamo kope me ewaka.

Sabuli 31:18

Mi dog joangalo lingi, dog kame yamo kop arac i kom jo kopoore kede ewaka kede acae.

Sabuli 44:21

mam koto Rubanga ongeo? Piento en engeo mung me cuny jo.

Sabuli 75:5

Kur isukunu, arabo yamo di ngutu opong.”

Sabuli 94:4

Gin kiyamo kope me ewaka; jo dedede kame timo gikareco wakere.

Agole 16:2

Dano twero neno be tice mege dedede beco i wange, do Rwot ngingico gikame tie i cuny dano.

Agole 24:12

Cengemogo in itwero waco be, “Neningo, wan oudo likame ongeo gimoro iye”; benyo, in iparo be Rubanga ngat kame pimo cuny jo likame romo ngeno? Mam Rubanga ngat kame gwoki ngeo gikame in iparo i cunyi? Iparo be en likame ebino culo dano acelacel di lubere kede gikame en etimo?

Agole 8:13

Bedo kede wor but Rwot en dagi gikarac; ango cunya dagi ewaka, kede tingere, kede tim areco, kede yamo kope me abe.

Isaya 26:7

Yongayo me jo kopoore pioropior. Rwot, in itimo gi dedede i yore me ateni, in imio yongayo kame jo kopoore lubo bedo di pwot.

Isaya 37:23

Benyo, iparo be ngai en kame in oudo itie yeyeto di icao? Ngai en kame in oudo ilelemo i wie? Ngai en kame in oudo ineno kede ewaka kame cal kamano? Magonogo in oudo itimo i kom ango Rubanga kacil me Isirael!

Yeremia 17:10

Ango Rwot angingico tam me dano, doko atamo cuny dano; ako mino ngat acelacel gikame poore ne di lubere kede ekite me kuo mere, kede di lubere kede gikame etimo.”

Esekeri 35:13

Doko da wun ibedunu tingere na di iwacunu kope areco atot i koma; ango atieko winyo gi.

Danieri 4:37

Nan ango Nebukadunesa apako, amio wor, kede amio dwongo but Abaka me malo. Gi dedede kame en etimo tie kakare doko kipoore. En etwero dwoko piny jo kame wakere.

Danieri 5:27

TEKEL, in kotieko pimi i misani di oko udi iwekeweke twatwal;

Malaki 3:13

Rwot waco be, “Wun itiekunu yamo kirac i koma. Do di pwodi ipenyerenu be, ‘Kop nyo kame wan oyamo i komi?’

Iburanian 4:12

Ateteni kop ka Rubanga kuo doko etio kitek, en ebit kalamo epima kame bit tuni tuni. En ecobo paka tuno i apokini me cuny kede tipo, kede me kariamo me cogere kede isum, doko epoko par kede mit abeco kede areco me cuny jo.

Yosua 22:22

“Won Twer en Rubanga! En ebedo Rwot! Won Twer en Rubanga! En ebedo Rwot! En engeo kop komio wan otimo gi noni, doko wan omito jo me Isirael da ngei! Ka wan oudo otimo kamanono pi jemo arabo pi turo isikan wa but Rwot, kur iwekunu wa omeede bedo kuo.

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.

Jongolkop 9:38

Di do Sebul oko waco ne be, “Nan do yamo ni me ewaka nono ojik tuai? In en kame oudo iyamo di ipenyere be, ‘Kara Abimelek en ngai kame mio wan poore timo nen tic?’ Mam isirikalen kame in oudo iyamo i kom gi anywar anywar igonogo? Aso, ot nan do yi kede gi.”

1 Samuel 16:7

Do Rwot oko waco ne Samuel be, “Kur inen kite kame ecil kede arabo boro mere, pien ango atieko dage; pien likame ango aneno bala kame jo neno kede, gin kineno kom dano ooko, do ango aneno cunye.”