1 Samuel 13:3 - Baibuli I Leb Kumam 2013

³ Jonasan oko neko ngadwong me isirikalen me Pilistia i Geba di jo me Pilistia oko winyo kop nono. Saulo oko cwano jo pi kuto agwara i lobo me Isirael dedede pi lwongo Iburanian ot yi.

1 Samuel 13:3 Iomraidhean Croise

2 Samuel 2:28

Joab oko kuto agwara di jo mege dedede oko cungo; gin likame bobo kiko meede wapo jo me Isirael arabo yi kede gi.

2 Samuel 20:1

I kanono oudo tie iye icuo moro kame ekite mege reco, kame nyinge Seba, wot ka Bikiri, en dano me ekeko ka Benjamin. En eko kuto agwara di ewaco be, “Wan oliunu kede iner moro i kom Daudi, oliunu kede gimoro amako wa kibut wot ka Yese, ngat acelacel doki i eema mere, wun jo me Isirael!”

2 Samuel 23:14

Daudi oudo tie kagwokere mere atek, do isirikalen me Pilistia oudo tie Betelem.

Isaya 10:29

Kingolo loka di kiko ot buto Geba. Lworo omako jo me bomba me Rama; jo me Gibea da otieko ringo, en bomba ka Abaka Saulo.

Sakaria 14:10

Lobo nono dedede, cako ki Geba i bad tetu malo tuno Rimon i bad tetu piny me Yerusalem bino doko lobo kame wie oporere abongo imukuran. Yerusalem bino bedo idelelei malo kalamo kabedere icegun koluke; bomba nono bino cakere ki Erute ka Benjamin tuno i Erute me Kona, kakame oudo bin erute me agege tie iye; kede da cako ki Gedo Abor me Kananel tuno i kabedo me biino bwini ka abaka.

Yosua 18:24

Keparamoni, Opuni, kede Geba: gin bomban tomon kiwie are kede calere gi.

Yosua 21:17

Kibut jo me ekeko ka Benjamin bin komio gi bomban ongwon gi: Gibeon, Geba,

Jongolkop 3:27

Kakame bin en eko tuno kede i piny kobedo mori mori me Epuraimu, eko kuto agwara me lwongo jo me Isirael ot i yi; di en eko telo gi yai ki piny kobedo mori mori nono.

Jongolkop 6:34

Tipo ka Rwot bin oko bino i kom Egidioni, di en eko kuto agwara pi lwongo jo me ot Abieser pi lube.

1 Samuel 10:5

Ingei manono in iko bino ot i Moru ka Rubanga kame tie Gibea, kakame isirikalen me Pilistia ogero iye kimere gi. Di do ka itie donyo i bomba, ibino riamo kede ekodet me inabin di kitie lor wok ki abila kame tie i wi moru, di kotie gono adungu, ayekeyeke, arigirigi kede di kokuto bilo i nyim gi; ibino riamo kede gi di kitapaun yamo kop ka Rubanga kede twon yomcuny.

1 Samuel 13:16

Saulo, wode Jonasan, kede jo kame oudo tie kede gi oko bedo Geba kakobedo adul ka Benjamin; do isirikalen me Pilistia oko gero kimere gi Mikimas.