1 Petero 5:9 - Baibuli I Leb Kumam 2013

⁹ Wun cerededunu ne, di icungunu kitek i yei wu, doko di ingeunu be imiegu kede amiegu wu i piny lung tie beo iepone me can nogo.

1 Petero 5:9 Iomraidhean Croise

Luka 22:32

Do ango atieko lego nin be kur yei ni poti; doko kame ilokere idwogo buta, poore inen be isupo cuny imiegu ni.”

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Tice 14:22

Gin oudo kimio tekcuny but jo koyei Kirisito di kikwao gi pi dong di kitek i yei. Doko di kiwaco ne gi be, “Wan miero obeunu i peko atot pi donyo i Ajakanut ka Rubanga.”

1 Jokorinti 10:13

Likame tie atama moro kame in ibeo iye kame jo apat likame pwodi obeo iye. Rubanga genere, doko likame ebino jali i atama kame bwono teko ni. Do i kare me atama en ebino mini teko me kanyakino di iko udo yongayo me bwot.

Joepeso 4:27

Kur imi Sitani kare.

Joepeso 6:16

Medo i wi magi dedede, bedunu kede yei bala ebuku kame mio wu itwerunu kweno emal kame Ngarac gweo.

Jokolosai 2:5

Pien akadi bed bala koma likame tie kede wu, do cunya tie kede wu, di alelo pi neno kite kame gi dedede tie kede i yore aber kibutu, kede kite kame yei wu ocungo kede di tek i Kirisito.

1 Jotesalonika 3:3

tetekeny ngatamoro kur yei mere dok cen pi itidil nogi. Wuda kikomu ingeunu be wan miero obeunu iye itidil nogi.

1 Temeseo 6:12

Yi kiber i yi me yei, di iko bino udo kuo kame bedo nakanaka, kame riki kolwongi iye i kare kame ituco kede yei ni i nyim ijurak atot.

2 Temeseo 3:12

Ateteni, kobino tidilo jo dedede kame mito bedo kede kuo me woro Rubanga i Kirisito Yesu.

2 Temeseo 4:7

Ango atieko yi kiber, atieko ringo paka i tol, atieko gwoko yei.

Iburanian 11:33

Gin jo kame bin pi yei, kiko yi kede pinye apapat di kiko lono gi, kitimo gikame opoore di kiko udo gikame oudo Rubanga ocikere pi mino. Gin kiumo dog inguon,

Iburanian 12:8

Ka eweko wu abongo bitaro wu, bala kame ebitaro kede idwe mege apat dedede, dwong mere be wun likame idwe mege kikokome, do ibedunu nywal me epae.

Yakobo 4:7

Pi mano, jalerenu but Rubanga. Dagunu tam ka Sitani di en eko bino ringo tenge kibutu.

1 Petero 1:6

Lelunu pi manoni, akadi bed bala nan itienu neno can me atama apapat pi kare moro acecek.

1 Petero 2:21

Kolwongo wu pi kop noni, pien Kirisito da oneno can piru, di eko weko ne wu anyut me aluba, me wek ilubunu tiene.

1 Petero 3:14

Do akadi bed bala itienu neno can pi timo gikame opoore, kobino mino wu winyo. Kur ilworunu gi, doko da kur cunyu poti.

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

Gianyuta 1:9

Ango Yokana omin wu, kame pi yei Yesu, anywako kede wu itidil, Ajakanut kede ikanyakin di otienu kede dire. Ango oudo atie i cula kame kolwongo be Patimos, pi kop ka Rubanga kede pi ijura kame Yesu omio.

Gianyuta 6:11

Di do oko mino ngat acelacel kikom gi ekanso atar, di oko yamo ne gi pi wei pi kare moro acecek, tuno di wel oromo, wel me jotic jowot gi, kede me imiegu kede amiegu gi kame kobino neko bala gin.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.