1 Petero 5:8 - Baibuli I Leb Kumam 2013

⁸ Bedunu di wi wu riek kede di ikiunu piny. Ngakwor wu Sitani tie wire bala engu kame dorano, di emo ngatamoro ecamaro.

1 Petero 5:8 Iomraidhean Croise

Esita 7:6

Esita oko gamo be, “Ngakwor wa, nganek wa, obedo Kaman icuo arac noni!” Lworo atek oko mako Kaman i nyim abaka kede dako mere.

Yobu 2:2

Rwot oko penyo Sitani be, “In iwok ki tuai?” Sitani oko dwoko be, “Ango oudo abedo wire i wi lobo, di aririmo piny tuni tuni.”

Sabuli 104:21

Idwe me inguon dwaro leini me acama di kidorano, di kimoo cam gi kibut Rubanga.

Sabuli 109:6

Gin kiwaco be, “Yer ngat arac en kame pid kede, poore ngat kame pide cungi i bade tetu cam.”

Agole 19:12

Ka abaka odoko ger, edorano bala engu, do ka cunye yom, eber bala toyo kame bido lum.

Agole 20:2

Gero me abaka mio jo lworo bala dorano me engu; ngat kame wango cuny abaka udo likame en eparo pi kuo mere.

Agole 28:15

Ngapug arac kame tero jocan kirac, rac bala engu kame tie idoran arabo edubu kame tie diebo kede le me acama.

Isaya 50:8

pien ngat kame bino nyuto ateni na tie iyapiyapi. Ngai kame bino pido keda? Mito ecung keda i nyim ekiko. Alu kara en kobedo jokwor na? Mito gin kipida.

Yeremia 2:15

Gin kidorano ne bala inguon, gin kidorano kitek twatwal. Gin kidudubo lobo mere odoko gikame kony mere li; kituturo bomban mege odoko amejeko abongo jo iye.

Yeremia 51:38

Jo me Babilon dedede bino dorano bala inguon, di kingururo bala idwe me inguon.

Esekeri 19:7

En eko tuturo apama atek me cel gi, di eko dudubo bomban gi; ka en edorano, lworo atek oudo mako jo kede gi dedede kame bin tie i lobo nono.

Esekeri 22:25

Jopug mege cal bala engu kame dorano di etie nyinyilo le kame emako. Gin kineko jo di kiko tero sente gi kede jamini gi kabeco. Gin kitieko mino mon atot odoko apuserun.

Danieri 6:24

Abaka oko mino cik di oko mamako jo dedede koudo orupao Danieri, di koko lwolwomo gi i bur me inguon nono, gin karacel kede mon gi kede idwe gi. Di pwodi likame kipopoto kituno i dud bur nono, inguon oko bwono gi di oko ngingido cogere gi.

Kosea 11:10

“Ango Rwot abino dorano bala engu i kom jokwor gi, di jo na ko bino dwogo ki bad tetu tim di kom gi miel amiela.

Kosea 13:8

Abino somo i komu bala edubu kokei idwe mege, di ako nyinyilo itaun wu. Abino camo wu ki kanono bala engu, di ako bino nyinyilo wu bala le moro ager me obar.

Yoweri 3:16

Rwot dorano bala engu ki Sion; en ewoto dwane ki Yerusalem, di lobo kede malo ko yayangun. Do Rwot en ngat kame jo mege ringo gwokere bute; en ecal bala kakatek me gwokere but jo me Isirael.

Amosi 1:2

Amosi owaco be, “Dwan Rwot dorano ki moru me Sion; dwane dorano ki Yerusalem. Di elet me jokwai romini ko ner, di lum me wi moru me Kamel ko tuo.”

Amosi 3:4

Benyo, engu dorano i abum di eli kede le kame emako? Benyo, atin engu ngururo i ode abongo le moro kame en emako me amwoda?

Amosi 3:8

Engu otieko dorano, ngai kalikame bino bedo lwor? Rwot Rubanga otieko waco kop mere, ngai kame twero dagi rabo kop mere?

Sakaria 11:3

Winy koko me jokwat; pien deyo gi otiek! Winy dorano me inguon; pien kotieko dudubo abumiok me Yorodan, en paco gi.

Sakaria 3:1

I gianyuta ace Rwot oko nyuto na Ngatel me Josaseredoti Yosua, di etie cungo i nyim malaika ka Rwot; Sitani oudo tie cungo i nget Yosua i bade tetu cam pi pide.

Matayo 13:39

Ngakwor kame ocuo doi en Sitani, kac en ajikini me piny, kede jokac en imalaikan.

Matayo 24:42

“Pi mano, gwokerenu, pien likame ingeunu ceng kame Rwot wu oyaro bino kede.

Matayo 25:41

“Di do en eko bino waco ne jo kame tie i bade tetu ngodal be, ‘Irwaunu tenge kibuta, wun jo kame kolamo. Otunu i mac kalikame to, kame Rubanga oiko pi Sitani kede imalaikan mege.

Matayo 4:1

Di do Tipo Kacil oko telo Yesu ot i tim pi Sitani tame.

Matayo 4:11

Di Sitani oko weko Yesu, di do imalaikan oko bino konye.

Marako 4:15

Kodi kopopoto i dier yongayo cungo pi jo kame ka kocuo kop ka Rubanga di kiko winyo, Sitani bino awakawaka di eko kwanyo kop nono tenge ki cuny gi.

Luka 21:34

“Do poore igwokerenu, me wek kur doko idonyunu keto cunyu itek i kom cam kede amera kede par pi kuo me i kare ni, di ceng no ko bino ngoole mako wu

Luka 21:36

Do bedunu di ikiunu piny i kare dedede, di ilegunu, me wek iudunu teko me bwot ki gikame oyaro timere nogi dedede, kede me cungo i nyim Wot ka dano.”

Luka 22:31

Di Yesu oko waco be, “Simoni, Simoni, neningo, Sitani otieko udo twer kibut Rubanga me tamo wun dedede, me wek eyek wu bala kame koyeko kede kal ki kom cucung.

Yokana 8:44

Papa wu en Sitani, doko cunyu mito timo gikame papa wu mito. Cako i kare me agege en ebedo nganek, doko likame ecungo i ateni, piento en eli kede ateni. Kame etie ngalo, udo etie waco gikame enao timo, piento en ebedo ngat kame ngaangalo, doko en won angalo.

2 Jokorinti 2:11

Wan otimo kaman tetekeny kur Sitani ud yongayo me ngalo wa; pien likame wan okwianu iik mege.

Joepeso 4:27

Kur imi Sitani kare.

Joepeso 6:11

Ngapunu angapito ka Rubanga me yi, tetekeny itwerunu cungo di itekunu pi yi kede Sitani i angalo mere me rieko.

1 Temeseo 2:15

Do dako bino udo alako pi nywalo idwe, ka di emeede kede yei kede amara kede kuo kacil, doko di ebedo mot.

1 Temeseo 2:9

Doko mon da poore ngapere iepone kame ber, kibus, kede engape kopoore. Likame kipoore kedo yer wi gi arabo ngapo mwola me saabu, arabo bira amoto engape me wel,

1 Temeseo 3:11

Kamanono da, mon gi miero bed jo kame ekite gi beco, jo kalikame dubo nying jo, do miero kibed kede ayapakin, di kigenere i gi dedede.

1 Temeseo 3:2

Bisop miero bed abongo gimoro kame kokaruno bunano en iye; icuo kame tie kede dako acel, dano kame mwolere, kame gwokere, ngat kame jo woro, kame gamo jo, ngat kame twero pwonyo jo,

2 Temeseo 4:17

Do Rwot oko bedo tie keda, di eko mina teko me pwonyo kop mere odocon, tetekeny jo kalikame Iyudayan winyi. Manoni oko mino kolaka ki lak engu.

Tito 1:8

do en miero ebed ngat kame gamo jo, kame maro gikaber, ngat kame wie tamo, kame ekite mege beco, ngat kame mire i yei kede kame dio mit mege.

Tito 2:12

Kisa nono pwonyo wa weko kuo me dagi Rubanga kede mit me piny, kede pi bedo jo kame dio mit me kom, jo kame tie kede ekite koriere kede kuo me woro Rubanga i piny kan,

Tito 2:2

Wac ne cuo adongo pi bedo jo kame dio mit me kom gi, jo kame keto cuny gi, jo kame wi gi tamo, kede kame tie kede yei me ateni, amara, kede ikanyakin.

Tito 2:4

tetekeny kikaruno pwonyo mon kame pwodi tino pi maro cuog gi kede idwe gi,

Tito 2:6

Kamanono da, wac ne cuo atino pi bedo jo kame dio mit me kom gi.

Yakobo 4:7

Pi mano, jalerenu but Rubanga. Dagunu tam ka Sitani di en eko bino ringo tenge kibutu.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 4:7

Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.

Gianyuta 12:10

Di ango ako winyo dwan amalo di yamo i malo be, “Nan do alako, twer kede Ajakanut ka Rubanga wa, kede akarunikin ka Kirisito mere otieko bino. Pien kotieko uco ngat kame pido imiegu kede amiegu wa piny, ngat kame pido gi i nyim Rubanga wa iwor kede iceng.

Gianyuta 12:12

Pi mano, lel do, in malo kede wun dedede kame ibedunu iye! Do itienu i can, wun lobo kede nam, pien Sitani otieko bino butu kede twon lilo, piento en engeo be kare mere cecek!”

Gianyuta 12:9

Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.

Gianyuta 20:10

Di oko uco Sitani kame oudo ongalo gi i nam me mac kede me salupa, kakame le kede enabi me angalo oudo tie iye. Gin kibino neno can iwor kede iceng ikar kede ikar.

Gianyuta 20:2

En eko mako twol kiyiliyili, twol me anakacia, en Sitani, di eko twene pi mwakini tutumia acel.

Jongolkop 14:5

Di do Samuson oko upere kede papa mere kede toto mere kilor Timina. Kakame kituno kede i poti me olok kame oudo tie kunono, en eko winyo di engu dorano.