1 Petero 5:3 - Baibuli I Leb Kumam 2013

³ Kur ipugunu kirac jo kame koketo i cingu, do bedunu anyut aber me aluba but romini,

1 Petero 5:3 Iomraidhean Croise

Sabuli 33:12

Etie kede yomcuny ateker kame Rubanga mere en Rwot, jo kame en etieko yero pi bedo mege.

Sabuli 74:2

Yutuno jo ni kame oudo iyero riki sek, jo kame oudo in ilako pi bedo jo ni obe. Yutuno moru me Sion, kakame in bin ibino bedo iye.

Esekeri 34:4

Likame igwokunu agoro mege, likame imuketunu atuwo mege, koudo awanon mege iwekunu likame itwetweunu aporeso gi, koparao likame ilekunu gi pi dwoko gi, kede da likame imounu korwenyo mege. Do akaka manono wun ibedunu kede gero but gi.

Mika 7:14

Okwe Rwot, kwai jo ni bala romini kede ebela ni me kwat, jo kobedo megi kame iyero. Bed bala gin kitie bedo ken gi i abum, do lobo amio orimaro gi. Mito gin kiot cam Basan kede Gilead bala i kare kasek.

Wel 18:7

Do in kede awobe ni kenekene en kame ibinunu timo tic wu me josaseredoti kame mako alutari kede Kabedo Kacil Kalamo. Tic wu bala josaseredoti obedo giamia na butu; dano moro apat kame bino noko jamini kacil, kobino neke.”

Yokana 13:15

Pien ango atieko mino wu anyut, tetekeny wuda itimunu ne jo apat bala kite kame ango atimo ne wu kede.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

1 Jokorinti 11:11

Akadi bed kamanono da, i Rwot dako likame cungo kene abongo icuo, doko icuo da likame cungo kene abongo dako.

1 Jokorinti 3:5

Kara Apolo do en ngai? Paulo en ngai? Wan obedo jotic ka Rubanga, jo kame otelo wu yei Yesu Kirisito iekite kame Rwot opoko ne kede ngat acelacel.

1 Jokorinti 3:9

Pien wan obedo jotic karacel kede Rubanga; wun ibedunu poto ka Rubanga, doko da ibedunu gedo mere.

2 Jokorinti 1:24

Likame pien wan otie dino wu i gikame poore iyeunu; do wan otio karacel kede wu pi yomo cunyu, pien wun icungunu itek i yei wu.

2 Jokorinti 4:5

Pien likame wan otatamo kop kame mako wan, do wan opwonyo be, Yesu Kirisito en Rwot; wan obedo jotic wun pire.

Iswilia 32:9

do eko yero ikwae ka Yakobo pi bedo jo mege.

Jopilipi 3:17

Imiegu kede amiegu na, lubunu ekite me kuo na. Cikunu wangu i kom jo kame lubo kuo kame wan onyuto ne wu.

Jopilipi 4:9

Timunu gikame isiaonu, kede kame igamunu, kede kame iwinyunu, kede kame inenunu kibuta, di Rubanga won mulem ko bino bedo kede wu.

1 Jotesalonika 1:7

Man omio ikounu doko anyut aber ne jo dedede kame tie Makedonia kede Akaya, jo kame oyei Kirisito.

2 Jotesalonika 3:9

Likame man otimere be pien wan oli kede twero no, do pi mino wu anyut i kuo wan kame ipoorenu lubo.

1 Temeseo 4:12

Kur ngatamoro bed kede acae buti be pien in pwodi ititidi, do bed anyut me aluba but jo koyei Kirisito; i yamo kede i ikiteso, i amara, i yei kede pi bedo abongo raco moro.

Tito 2:7

I gi dedede bed anyut me tice kame beco, kede i pwony ni nyut ateni ni kede keto cuny.

1 Petero 2:9

Do wun ibedunu ateker kame koyero, josaseredoti me Abaka, ateker kacil, jokacil kikome, me wek itucunu tice me aura me ngat kolwongo wu ki colo pi bino i lero mere me aura.