1 Petero 5:2 - Baibuli I Leb Kumam 2013

² Kwaunu romini ka Rubanga kame tie i cingu abongo adiadia moro, do kede mit wu kenu; likame pi mito ud moro, do pi mit me cunyu.

1 Petero 5:2 Iomraidhean Croise

2 Abakai 12:6

Do paka tuno i mwaka me ot are kiwie adek me apugan ka Yowasi, josaseredoti oudo pwodi likame oiko tempulo.

Wer amit 1:8

Benyo, likame ingeo kanono, in dako me amara i diere me mon? Lub amarin me romini di iko ot kwano diegi ni i nget iemai me jokwai romini.

Isaya 40:11

En ebino gwoko romini mege bala ngakwat; en ebino coko idwe me romini karacel di eko tingo gi i kore; en ebino telo toti gi kede mwolo.

Isaya 56:11

Gin kical bala igwogin kame tie kede kiru atek; likame tie gikame romo gi. Jokwat nogi likame tie kede niang; gin dedede kitieko lokere lubo yote kame mako gin. Ngat acelacel timo bala kame cunye mito pi bero kame make.

Isaya 6:8

Di ako winyo di Rwot penyere be, “Abino cwano ngai? Ngai kame bino bedo aor wa?” Ango ako dwoko be, “Ango ine; cwaa!”

Isaya 63:11

Di do gin kiko yutuno gikame bin otimere i kare kasek, i kare ka Musa, ngatic ka Rwot, di kiko penyere be, “Kara Rwot ngat kame bin olako jo kede jotel gi di kibeo i dier nam, nataman do tie tuai? Rwot kara tie tuai, en ngat kame bin emio Musa tipo kacil mere?

Yeremia 13:17

Do ka wun idagunu winyo kop, ango abino koko i mung pi ewaka wu; ango abino koko kitek di pigewanga ko mol, pien jokwor otieko tero jo ka Rwot bala mabus.

Yeremia 13:20

Yerusalem, kong ting wangi di iko neno jo atie bino ki tetu malo. Ani bo romini kame oudo kogeni kede gwoko, gin en jo kame oudo in iwakere pirgi?

Yeremia 6:13

Jo dedede, cako kibut jo me ruom apiny tuno but jo me ruom amalo tie kede eranga me mito ud i yore arac; akadi kiton inabin kede josaseredoti da tie kwalo jo.

Yeremia 8:10

Pi manono, ango abino mino jo apat mon gi, doko da abino mino poti gi but jo anyen. Pien jo dedede, cako kibut jo me ruom apiny tuno kede but jo me ruom amalo, owor mono lim i yore arac. Akadi inabin kiton josaseredoti da tie kede tim me kuwo.

Esekeri 34:23

Ango abino mino gi abaka acal bala ngatic na Daudi, di en eko bino donyo gwoko gi; en ebino donyo gwoko gi di eko bedo ngakwat gi.

Esekeri 34:31

“Wun ibedunu romini na, romini kame ango akwao, doko ango abedo Rubanga wu,” Rwot Rubanga en owaco.

Esekeri 46:24

En eko waco na be, “Mago en pimbiron kakame jotic me tempulo tedo kiye giayala me jo.”

Mika 3:11

Jotel me bomba ngolo kop pi cemusana, josaseredoti mio koculo gi pi pwonyo jo Iswil, inabino likame murao kwanyo di koculo gi. Aso di gin dedede kigengere but Rwot di kiwaco be, “Ateteni Rwot tie kede wa, likame tie gimoro arac kame bino timere ne wa.”

Mika 5:4

Ka ngapug nono obino, en ebino gwoko jo mege bala kame ngakwat gwoko kede romini. En ebino pugo gi kede teko kame Rwot mie, kede angosibib ka Rwot Rubanga mere. Jo mege bino bedo kede anapakin, piento en ebino bedo dano adwong i wi lobo lung.

Mika 7:14

Okwe Rwot, kwai jo ni bala romini kede ebela ni me kwat, jo kobedo megi kame iyero. Bed bala gin kitie bedo ken gi i abum, do lobo amio orimaro gi. Mito gin kiot cam Basan kede Gilead bala i kare kasek.

Sakaria 11:17

Okwe ngakwat akony mere li, kame weko romini! Poore epima cob bade kede wange tetu cam! Poore bade twili di wange tetu cam ko to atwal atwala.”

Malaki 1:10

Rwot Rubanga waco be, “Ango oudo amito be koto ngatamoro kikom wu ocego ikekon me tempulo, tetekeny geng wu cwinyo mace kame kony gi li i alutari na. Ango cunya likame yom kede wu, doko likame abino gamo giayala moro kame wun ikelunu buta.

Wel 18:7

Do in kede awobe ni kenekene en kame ibinunu timo tic wu me josaseredoti kame mako alutari kede Kabedo Kacil Kalamo. Tic wu bala josaseredoti obedo giamia na butu; dano moro apat kame bino noko jamini kacil, kobino neke.”

Luka 12:32

“Kur ibedunu kede lworo, in ekodet atitidi, pien Papa wu tie kede yomcuny pi mino wu Ajakanut.

Tice 20:29

Ango angeo be ingei ango yai, ipeon ager oyaro bino i diere wu, gin likame kibino weko aweka romini ka Rubanga.

Tice 21:13

Paulo oko dwoko be, “Nyo kame wun itienu timo, mam itienu koko kede dubo cunya? Ango kom atieko iikere me bedo i otkol, akadi kiton to i Yerusalem pi nying Rwot Yesu.”

Joroma 1:15

Pi mano, cunya mito tuco ne wuda ejiri, wun jo kame ibedunu Roma.

1 Jokorinti 9:7

Ngai kame timo tic me sirikale di eculere kene? Ngai kame puro olok di likame eko camo anyakini mere? Arabo ngai kame kwao dok di likame emato cak gi?

1 Temeseo 3:3

ngat kalikame ngamera, ngat kalikame ger do emwol, ngat kalikame ngalok, doko di likame cunye maro sente.

1 Temeseo 3:8

Kamanono da, dikonin miero bed jo kame ekite gi beco, jo kalikame lokoloko dud gi, jo kalikame mato bwini atot, doko di likame kitie kede eranga me mito ud;

Tito 1:11

miero geng yamo gi nogo, pien kitie kelo atotolun i miere atot pi pwonyo gi kalikame poore apwonya, kame gin kipwonyo pi mono ud kalikame ber.

Tito 1:7

Pien bisop, bala ngagwok ka Rubanga, miero bed abongo raco moro, kur ebed ngaewaka, arabo ngangoi, arabo ngamera, arabo ngagero, amoto bedo kede eranga me mito ud,

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

Tito 3:1

Poore ipoi wi jo pi bedo jo kame jalere i loc me jopug kede wegi akarunikin, pi bedo jo kame wor, kede jo kame oikere pi timo bero i yore dedede.

Epirimoni 1:14

Do ako paro be miero kur atim gimoro abongo in yei, tetekeny tic ni aber kur bed pi adiadia, do wek ebed mit nin.

Iburanian 12:15

Poore inenunu be likame tie ngatamoro kame okei udo kisa ka Rubanga, doko kur ngatamoro bed bala yat kame alias mere kec, kame ka edongo ekelo peko di eko munao jo atot.

2 Petero 2:3

Pi eranga gi, gin kiyaro kwalo tam wu kede kope me angalo. Kop kame kongolo ne gi cako sek likame omungere, doko gikame bino dudubo gi da tie cuto.