1 Petero 5:12 - Baibuli I Leb Kumam 2013

¹² Ango awandiko ne wu baluwa acecek noni kede kony kame Sila omia, en ngat kame ango atero be omin wa kame genere i Kirisito. Ango adio cunyu doko di amio wu ijura be, man en kisa ka Rubanga me ateni; cungunu iye kitek.

1 Petero 5:12 Iomraidhean Croise

Yokana 21:21

Kakame Petero onene kede, en eko penyo Yesu be, “Rwot, do en kono?”

Tice 11:23

Kakame bin Baranaba otuno kede kuno di eko neno epone kame Rubanga onyuto kede kisa mere but jo, cunye oko bedo yom di eko kwano cuny gi pi gin dong jo kame genere i Rwot kede tam kosipakin.

Tice 15:22

Di do joor kede joadongo karacel kede ekodet lung me jokirisito oko yei yero jo mogo kikom gi, di kiko cwano gi Antiokia karacel kede Paulo kede Baranaba. Gin kiko oro Yuda kame bin kolwongo be Barasaba kede Sila, kame oudo obedo jotel i dier jo koyei Kirisito,

Tice 20:24

Do ango likame atero kuo na bala gikame tie kede kony, arabo gikame pire dwong kibuta, kwanyo kenekene ka koto ango angetakino tic kame Rwot Yesu bin omia, me tuco ejiri me kisa ka Rubanga.

Joroma 5:2

En etieko mino wa oudo epone me tuno i kisa ka Rubanga kame nan wan otienu iye, di olelunu pi gen wa kame otienu kede me nywako deyo ka Rubanga.

1 Jokorinti 15:1

Imiegu kede amiegu na, nan ango amito yutuno ne wu ejiri kame ngoce atuco ne wu, kame ikounu gamo, doko en kame yei wu cungo iye.

2 Jokorinti 1:19

Pien Yesu Kirisito, Wot ka Rubanga kame ango kede Sila kede Temeseo opwonyo kop mere butu, likame obedo ngat kame kong yei gimoro di doko eko lokere dagi; do en eyei gimoro kicel atwal.

2 Jokorinti 1:24

Likame pien wan otie dino wu i gikame poore iyeunu; do wan otio karacel kede wu pi yomo cunyu, pien wun icungunu itek i yei wu.

Joepeso 3:3

kede da epone kame konyuto na kede gikame omungere, bala kame atieko wandiko kede malo kano kede kope anonok go.

Joepeso 6:21

Tukiko, kame obedo omin wa me amara kame genere i tic ka Rwot, bino waco ne wu gi dedede tetekeny wuda ingeunu kop i koma kede i kom gikame atie timo.

Jokolosai 1:7

Itiekunu ngeno kop noni kibut Epapura, ngat kame obedo ngatic wad wa kame omaro. En etie ngatic agenere ka Kirisito. En etie pi konyo wa.

Jokolosai 4:7

Tukiko bino waco ne wu kope dedede i koma. En ebedo omin wa kame amaro, egenere i tic, doko en ngatic wad wa.

Jokolosai 4:9

Ango acwae kede Onesimo, omin wa me amara kame genere, kame obedo dano acel kikom wu. Gin kibino waco ne wu gi dedede kame otimere kan.

1 Jotesalonika 1:1

Baluwa kowok kibut Paulo, Sila kede Temeseo. But jokirisito kame tie Tesalonika, jo kame tie i Rubanga Papa kede i Rwot Yesu Kirisito. Kisa kede mulem ka Rubanga bed butu.

2 Jotesalonika 1:1

Baluwa kowok kibut Paulo, Sila kede Temeseo. But ekodet me jokirisito i Tesalonika, jo kame tie i Rubanga Papa wa kede i Rwot Yesu Kirisito.

Iburanian 13:22

Imiegu kede amiegu na, ango akwao wu pi kanyakino winyo kope na kame supo cunyu, pien ango awandiko ne wu baluwa acecek.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 4:10

Bala kame ngat acelacel otieko udo kede giamia ka Rubanga, tiunu kede gi pi bero me jo dedede, bala jo kame tie gwoko kiber giamia apapat kame Rubanga mio.

2 Petero 1:12

Pi mano, ango amito bedo di apoo wi wu nakanaka i kom gi nogi, akadi bed bala ingeunu gi, doko di itiekunu asipakin kitek i kop me ateni kame kokelo ne wu.

2 Petero 2:15

Gin kitieko weko yongayo kopoore di kiko rwenyo; kitie lubo yongayo ka Balaam wot ka Beor, kame riki cunye omaro lim kame eudo pi tim areco,

3 Yokana 1:12

Jo dedede waco kop aber i kom Demeterio, akadi gi me ateni kame en etimo da mio ijura i kome. Wada ojurao en, doko wun ingeunu be ijura kame wan omio tie me ateni.

Yuda 1:3

Jo na kame amaro, bala kame atie kede mit adwong me wandiko ne wu kop i kom alako kame wan onywakunu, omio aneno be emitere pi ango wandiko ne wu baluwa kame supo cunyu pi yi pi yei kame Rubanga omio jo mege tien acel atwal.