1 Petero 5:10 - Baibuli I Leb Kumam 2013

¹⁰ Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

1 Petero 5:10 Iomraidhean Croise

Sabuli 119:28

Iturur obwono kuo na; mia adok tek bala kame in iwaco.

Sabuli 138:7

Akadi di ango abei i diere me peko, in igwoka ki gero me jokwor na; in irieo badi, di cingi me twer ko laka.

Sabuli 86:15

Do in, Okwe Rwot, ibedo Rubanga kame timo jo kisa doko itimo mwolo; in cunyi likame susunyo wang, doko amara nin kalikame lokere kede genere nin dwong twatwal.

Sabuli 86:5

Pien in, Okwe Rwot, iber doko isasiro jo, amara ni kalikame lokere dwong but jo dedede kame kok buti.

Sakaria 10:12

Ango abino mino jo na bedo tek, di gin kiko bino donyo lubo kop na. Ango Rwot en awaco!”

Sakaria 10:6

“Ango abino mino jo me Yuda bedo tek di ako bino lako jo me Isirael. Ango kisa bino maka kede gi di ako bino dwoko gi paco. Gin kibino bedo bala jo kalikame ango oudo adagi, pien ango en Rwot Rubanga gi; abino gamo ilega gi.

Luka 22:32

Do ango atieko lego nin be kur yei ni poti; doko kame ilokere idwogo buta, poore inen be isupo cuny imiegu ni.”

Joroma 15:13

Wek Rubanga ngat kame mio gen, pong kuo wu kede yomcuny kede mulem pi yei wu i kome, tetekeny ibedunu kede gen adwong pi twer me Tipo Kacil.

Joroma 15:5

Ango akwao Rubanga ngat kame mio jo ikanyakin kede nwangcuny pi mino wu bedo kede tam acel, wun kenu kenu, di lubere kede anyut kame Kirisito Yesu omio,

Joroma 16:25

Omiunu Rubanga deyo, en ngat kame karuno mino wu icungunu di itekunu i yei, di upere kede ejiri kame ango atuco kede kop kame apwonyo i kom Yesu Kirisito, di lubere kede nyutere me gikame omungere, kame oudo kokano pi kare alac.

Joroma 9:11

Akadi di oudo pwodi likame konywalo gi, arabo di pwodi likame kitimo gimoro aber amoto arac, do pi mino iik me yer ka Rubanga meede,

Joroma 9:24

akadi kiton wada jo kame elwongo wa, likame kibut Iyudayan kenekene, do kibut jo kalikame Iyudayan da.

1 Jokorinti 1:10

Imiegu kede amiegu na, ango abako doga butu i nying Rwot wa Yesu Kirisito be, wun dedede bedunu kede winyere i kope wu, kede kur apokapoka bed i diere wu. Do riberenu i cuny acel kede i tam acel.

1 Jokorinti 1:9

Rubanga genere, en kame elwongo wu pi bedo i nywak kede Wode Yesu Kirisito, en Rwot wa.

2 Jokorinti 13:11

Di do ajiko, imiegu kede amiegu na, asounu do; iikunu ekite wu, lubunu gikame akwao wu pi timo, winyerenu, bedunu kede mulem, di Rubanga me amara kede me mulem ko bino bedo kede wu.

2 Jokorinti 4:17

Pien can kame nataman wan otie neno tunutunu noni, tie iiko ne wa deyo adwong kalikame wacere, kame bedo nakanaka.

Jopilipi 4:13

Ango akaruno timo gi dedede i Kirisito ngat kame mia adoko tek.

Jokolosai 2:7

Miunu aliasin me kuo wu donyi i en di ikounu gero kuo wu i kome, di icungunu di itekunu i yei wu bala kame oudo kopwonyo wu kede, di ipongunu kede pwoc.

1 Jotesalonika 2:12

Wan oudo obako dog wa ne ngat acelacel kibutu, omio wu nwangcuny kede owaco ne wu lubo epone me kuo kame poore i nyim Rubanga, ngat kame lwongo wu i Ajakanut kede i deyo mere.

2 Jotesalonika 2:14

En elwongo wu i ejiri kame wan otuco pi kop noni, tetekeny iudunu deyo ka Rwot wa Yesu Kirisito.

2 Jotesalonika 2:17

ekwei cunyu di eko mino wu idokunu tek i tice kede i kope dedede kame beco.

2 Jotesalonika 3:3

Do Rwot genere, en ebino mino cunyu teko di eko gwoko wu kibut Ngarac.

1 Temeseo 6:12

Yi kiber i yi me yei, di iko bino udo kuo kame bedo nakanaka, kame riki kolwongi iye i kare kame ituco kede yei ni i nyim ijurak atot.

2 Temeseo 1:9

En elako wa di eko lwongo wa pi bedo jo mege kacil, likame pi tice wa, do pi iik kede kisa mere. En emio wa kisa noni i Kirisito Yesu di likame pwodi ikar ogere,

2 Temeseo 2:10

Pi mano, ango akanyakino gi dedede pi jo kame Rubanga oyero, tetekeny gida kiud alako kame tie i Kirisito Yesu, kede deyo mere kame bedo nakanaka.

Iburanian 9:15

Pi mano, en ebedo ngat kame rucakino Rubanga kede jo i isikan kanyen, tetekeny jo kame Rubanga olwongo ud winyo kame bedo nakanaka kame en ecikere pi mino. Man twerere pien to otieko timere kame lako jo ki turo iswil kame oudo kitimo i kare me isikan kacon.

1 Petero 1:15

Do bala kame ngat kolwongo wu tie ngat kacil, wuda kikomu bedunu jokacil iekite wu lung.

1 Petero 4:10

Bala kame ngat acelacel otieko udo kede giamia ka Rubanga, tiunu kede gi pi bero me jo dedede, bala jo kame tie gwoko kiber giamia apapat kame Rubanga mio.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

2 Petero 1:3

Rubanga i twer mere otieko mino wa gi dedede kame wan omito pi bedo kede kuo, kede pi bedo jo kame wore, pien wan otie kede ngec i kome, en ngat kame elwongo wa i deyo kede i bero mere.

1 Yokana 2:25

Gikame en ecikere pi mino wa en kuo kame bedo nakanaka.

Yuda 1:24

But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,