1 Petero 5:1 - Baibuli I Leb Kumam 2013

¹ Ango abako doga but joadongo kame tie i diere wu, bala adwong wad gi kame obedo mujura me can kame Kirisito oneno, doko da bala ngat kame nywako deyo kame kobino nyuto.

1 Petero 5:1 Iomraidhean Croise

Luka 24:48

Wun en ibedunu ijurak me kope nogi.

Tice 1:22

cako i kare me batisimu ka Yokana, tuno kede ceng kame kotere kede i malo kibut wa, miero do bed mujura karacel kede wa i kom yaruno ka Yesu.”

Tice 1:8

Do kame Tipo Kacil obino i komu, ibinunu udo twer di ikounu bino bedo ijurak na i Yerusalem kede i Yudea dedede, kede i Samaria da, tuno kede i ajikini me lobo.”

Tice 11:30

Gin bin kiko timo kamanono, kiko cwano kony but joadongo di beo i cing Baranaba kede Saulo.

Tice 14:23

Kakame kitieko yero ne gi kede joadongo ki ikodeta dedede me jokirisito, di kilego kede kanyo kec, kiko mino gi i cing Rwot kame gin oudo kiyei.

Tice 15:4

Kakame kituno kede Yerusalem, ekodet me jokirisito dedede, karacel kede joor kede joadongo, oko gamo gi. Gin kiko waco ne jo nogo gi dedede kame Rubanga otio kede gin pi timo.

Tice 15:6

Joor karacel kede joadongo oko cokere karacel pi nyamo kop noni.

Tice 2:32

“Yesu noni en kame Rubanga oyaruno, doko kop noni en kame wan dedede obedunu ijura mere.

Tice 20:17

I kare kame Paulo oudo pwodi tie kede Miletu, en eko cwano kop Epeso, di elwongo joadongo me ekodet me jokirisito pi bino bute.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Tice 21:18

Oru mere Paulo oko upere kede wa oko ot but Yakobo; joadongo dedede oudo tie kuno.

Tice 3:15

ikounu mino koneko ngat kame mio kuo, kame Rubanga oko yaruno kikom jo oto. Wan en ijurak me kop noni.

2 Jokorinti 5:1

Pien wan ongeo be, kame kima kame wan obedo iye i lobo kan odubere, otie kede ot kame Rubanga ogero, ot kalikame kogero kede cing, en ot kame bedo nakanaka i malo.

2 Jokorinti 5:8

Wan odio cuny wa kitek di otamo be, tikatika oyai owek kom wa noni di oko ot bedo i paco wa kede Rwot.

Jopilipi 1:19

pien ango angeo be, pi ilega wu kede pi kony me Tipo ka Yesu Kirisito, man bino doko alako nango.

1 Temeseo 5:1

Kur iyamo kede dano adwong kede dwan me gero, do yam kede bala ebedo papa ni. Ter awobe atino bala imiegu ni,

1 Temeseo 5:19

Kur i yei gamo kop me pido moro kame kokelo i kom ngat adwong, kwanyo ka jo are amoto adek ojurao kop nono.

2 Temeseo 4:8

Cako nataman, kotieko iiko na giamia me loc pi bedo ngat kopoore, kame Rwot ngangolkop kopoore bino mina i Ceng nono, doko likame ebino mino ango kenekene, do ebino da mino jo dedede kame daro dwogo mere kede imue.

Tito 1:5

Ango oudo aweki i cula me Kurete tetekeny itemuno gikame pwodi mito aika, di iko yero joadongo i bomba acelacel bala kame oudo atieko waco ni.

Epirimoni 1:9

do pi amara na piri, ango akwai akwa, ango Paulo ngat kame acungo ne Kirisito Yesu doko nan atie da i otkol pire.

Iburanian 12:1

Pi mano, bala kame otienu kede ijurak atot rom kano kame oluko wa, poore wada owekunu gi dedede kame dio wa, kede dub kame omakakin i kom wa, di okounu kanyakino piem me ringo kame kocibo i nyim wa.

1 Petero 1:12

Oudo konyuto ne gi be likame oudo kitie timo tic pirgi ken gi do piru, di lubere kede gikame nataman jo kame tuco Kop Aber owaco ne wu pi twer me Tipo Kacil kame kocwao ki malo. Gi nogi en gikame imalaikan paro pi neno.

1 Petero 1:7

Magonogi tie timere pi nyuto ateni me yei wu. Akadi saabu da gikame karuno dubere kotame kede mac; pi mano, akadi yei wu da, gikame pire tek kalamo saabu, miero kotame kede mac, tetekeny ekaruno kanyakino. Di do ikounu bino udo pwoc, kede deyo, kede wor i Ceng kame kobino nyuto kede Yesu Kirisito.

1 Petero 4:13

Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

1 Petero 5:4

mio kame Ngakwat Adwong obino, ibinunu udo ocoro kalikame dubere me deyo.

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

2 Yokana 1:1

Baluwa kowok kibut Adwong. But dako kame koyero, kede idwe mege, jo kame amaro ateteni, do likame ango kenekene do paka jo dedede kame ngeo ateni,

3 Yokana 1:1

Baluwa kowok kibut Adwong. But ngawota Gayo kame amaro i ateni.

Gianyuta 1:9

Ango Yokana omin wu, kame pi yei Yesu, anywako kede wu itidil, Ajakanut kede ikanyakin di otienu kede dire. Ango oudo atie i cula kame kolwongo be Patimos, pi kop ka Rubanga kede pi ijura kame Yesu omio.