1 Petero 4:9 - Baibuli I Leb Kumam 2013

⁹ Bedunu jo kame gamo jo icegun i miere wu abongo ingungur.

1 Petero 4:9 Iomraidhean Croise

Ageini 24:19

Kakame Rebeka otieko mine emato kede pii, eko waco ne be, “Ango ayaro twomo ne aguraguran ni da pii, tuno gin dedede tieko mato.”

Joroma 12:13

Miunu jokacil gikame mitere ne gi, bedunu jo kame gamo jo.

Joroma 16:23

Gayo ngat kame tie gwoka i ture, karacel kede jo me kan dedede koyei Kirisito moto wu. Erasito, ngakan lim me bomba, kede omin wa Kuato moto wu.

2 Jokorinti 9:7

Ngat acelacel miero kwany mic bala kame cunye mito, abongo gung arabo adiadia, pien Rubanga maro ngat kame mio kede yomcuny.

Jopilipi 2:14

Timunu gi dedede abongo ingungur arabo piem,

1 Temeseo 3:2

Bisop miero bed abongo gimoro kame kokaruno bunano en iye; icuo kame tie kede dako acel, dano kame mwolere, kame gwokere, ngat kame jo woro, kame gamo jo, ngat kame twero pwonyo jo,

Tito 1:8

do en miero ebed ngat kame gamo jo, kame maro gikaber, ngat kame wie tamo, kame ekite mege beco, ngat kame mire i yei kede kame dio mit mege.

Epirimoni 1:14

Do ako paro be miero kur atim gimoro abongo in yei, tetekeny tic ni aber kur bed pi adiadia, do wek ebed mit nin.

Iburanian 13:16

Kur wi wu wil kede timo bero, kede nywako jame kame itienu kede; pien giayala kame cal kamagonogi yomo cuny Rubanga.

Iburanian 13:2

Kur iwekunu gamo jokumbor i miere wu, pien pi timo kamanono omio jo mogo bin ogamo imalaikan i miere gi abongo ngeno.

Yakobo 5:9

Jo na kame amaro, kur ibedunu kede ingungur i kom jowot wu, tetekeny kur ngol ne wu kop. Nenunu ngangolkop do tie cungo i dog ekeko!