1 Petero 4:7 - Baibuli I Leb Kumam 2013

⁷ Ajikini me gi dedede do iyapiyapi; pi mano, bedunu di igwokunu tam wu kede di wi wu tio, tetekeny ikarununu lego.

1 Petero 4:7 Iomraidhean Croise

Ageini 19:35

Aso, di gin kiko mino papa gi omato bwini bobo iwor nono, di nyako atidi da oko buto kede papa mere. Papa mere bin likame oko ngeno gikame oudo otimere.

Ageini 6:13

Rubanga oko waco ne Nua be, “Ango atieko moko tam na pi muducaro jo dedede, pien gin kimio lobo opong kede tim me gero; nan do ango ayaro muducaro gi karacel kede lobo.

Ngarab kop 7:2

Ot kabedo kame jo tie koko iye dano oto ber elo ot kabedo kame kotie camo iye ebaga; pien to en ajikini me jo dedede, jo akuo miero kur wi gi wil kede.

Yeremia 5:31

Inabin murao kope me abe; josaseredoti pugo bala kame inabin ciko negi; jo na da mito be ebed timere kamanono. Do ibinunu timo benyo ka magonogo ojik?”

Esekeri 7:6

Ajikini otieko bino, etieko tuno. Neni, etie bino nin!

Matayo 24:42

“Pi mano, gwokerenu, pien likame ingeunu ceng kame Rwot wu oyaro bino kede.

Matayo 25:13

“Pi mano, bedunu di igwokerenu, pien likame ingeunu ceng amotoko esawa kame Wot ka dano bino dwogo kede.

Luka 21:34

“Do poore igwokerenu, me wek kur doko idonyunu keto cunyu itek i kom cam kede amera kede par pi kuo me i kare ni, di ceng no ko bino ngoole mako wu

Luka 21:36

Do bedunu di ikiunu piny i kare dedede, di ilegunu, me wek iudunu teko me bwot ki gikame oyaro timere nogi dedede, kede me cungo i nyim Wot ka dano.”

Luka 22:46

En eko waco ne gi be, “Pinyo komio itienu nino? Yaunu ilegunu, me wek kur ipotunu i atama.”

Joroma 12:12

Lelunu pi gen wu, diunu cunyu i can kame itienu iye, bedunu di ilegunu nakanaka.

1 Jokorinti 15:24

Di do ajikini ko bino tuno, kame Kirisito bino mino kede Ajakanut i cing Rubanga Papa, ingei en bwono apugan kede akarunikin kede twer dedede.

1 Jokorinti 7:29

Imiegu kede amiegu na, gikame ango atie waco en ine be, kare kame koiko otieko doko iyapiyapi; cako nan, wek jo kame tie kede mon kibed bala kili kede.

Joepeso 6:18

Legunu i kare dedede bala kame Tipo telo wu kede i ilega kede kwac acelacel but Rubanga. Pi mano, bedunu di wangu bit di ikanyakinunu i ilega pi jokacil dedede.

Jopilipi 4:5

Wek jo dedede ngei mwolo wu. Rwot otieko doko iyapiyapi.

Jokolosai 4:2

Meedenu ilega nakanaka, di iketunu tam wu iye kede di imiunu pwoc.

2 Temeseo 4:5

Do in bed di wi tamo, kanyakino can, tim tic me tuco ejiri, cob tic nin.

Tito 2:12

Kisa nono pwonyo wa weko kuo me dagi Rubanga kede mit me piny, kede pi bedo jo kame dio mit me kom, jo kame tie kede ekite koriere kede kuo me woro Rubanga i piny kan,

Iburanian 10:25

di likame owekunu ariamakin karacel, bala kame jo mogo onao timo. Do poore idiunu cuny ngat acelacel, twatwal mere pi kite kame nan inenunu kede Ceng nono tie do noko.

Iburanian 9:26

pien ka koto oudo tie kamanono, koto oudo ebedo neno can kare i kare cako ki agege me piny. Do bala kite kame etie kede, en etieko nyutere kicel atwal i kare noni me ajikini, pi yalere tetekeny ekwany dub.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 3:7

Kamanono da, wun cuo, bedunu karacel kede mon wu di iparunu pirgi, di imiunu gi wor bala jo agoro, pien gin kinywako kede wu kuo kobedo giamia ka Rubanga. Manoni bino mino likame gimoro totolo ilega wu.

1 Petero 5:8

Bedunu di wi wu riek kede di ikiunu piny. Ngakwor wu Sitani tie wire bala engu kame dorano, di emo ngatamoro ecamaro.

Gianyuta 16:15

“Nenunu, ango atie bino bala ngakuwo! Etie kede winyo ngat kame bedo di eneeno, ngat kame ongapo igoen mege tetekeny kur eot nono di lewic ko make.”