1 Petero 4:4 - Baibuli I Leb Kumam 2013

⁴ Gin kitie kede ur pi neno be likame nan bobo wun iriberenu kede gi i tim otany me ekite me kuo arac, omio gin kiyeyeto wu.

1 Petero 4:4 Iomraidhean Croise

Matayo 23:25

“Ibinunu neno can wun jopwony me Iswil kede Iparisayon, wun joecuke! Wun ilwokunu ngei ikopo kede ngei suani, do di gikame ipongunu i yi gi iudunu i yore me eranga kede mit kalikame dire.

Luka 15:13

Ingei ceng anonok, awobi atidi oko coko jame mege dedede, di eko yai ot i piny abor kakame en eko dudubo kiye jame mege dedede i kuo me atatai.

Tice 13:45

Do kakame Iyudayan oneno kede twon ekodet me jo, nyeko oko mako gi kitek, omio kiko donyo piem kede Paulo di kiyeyeto en.

Tice 18:6

Do kakame gin kijemo ne kede di kiyeyeto en, Paulo oko tetengo igoen mege di ewaco ne gi be, “Remo wu dong i wi wu! Ango ali kede raco moro. Doko cako nan ango abino do ot but jo kalikame Iyudayan.”

Joroma 13:13

Obedunu kede tim kame kelo wor bala otienu i dier iceng, likame bedo kede yomcuny arac kede amera, likame timo caro arabo mit me lewic, likame lok arabo timo nyeko.

Joepeso 5:18

Kur idonyunu mer kede bwini, pien mano bino dubo kuo wu; do akaka manono, miunu Tipo pong i cunyu,

1 Petero 2:12

Bedunu kede iponeso abeco i dier jo kalikame Iyudayan, tetekeny bed bala gin kiwaco kop moro i komu be wun jo kame timo tim areco, wek kikaruno neno tice wu kabeco di kiko mino Rubanga deyo i Ceng me bino mere pi ngolo kop.

1 Petero 3:16

do di itimunu kamanono kede mwolo kede wor. Bedunu kede ngec aber me cuny, tetekeny kame koyeyeto wu, lewic bin mak jo kame yeto tice wu kabeco i Kirisito.

2 Petero 2:12

Do jogi cal kede leini kalikame tamo, kame lubo ekite me cwec gi, kame konywalo pi mako me aneka; gin kitie kede yamo areco i kom kope kame kikwia. Kobino neko gi bala leini nogo.

2 Petero 2:22

Man otimere ne gi bala kame agole me ateni waco kede be, “Ogwok dok nango ngok mere,” kede doko be, “Epege kame kolwoko dok bobo bam i cwoto.”

Yuda 1:10

Do jogi tie kede anywar i gi dedede kalikame gin kiniang, di gikame gin kitimo pi ekite me cwec gi, bala leini gi kalikame tamo, ko kelo ne gi to.