1 Petero 4:16 - Baibuli I Leb Kumam 2013

¹⁶ Do ka ngatamoro neno can pien ebedo ngakirisito, kur lewic make, do poore emi Rubanga deyo pi jo cako ne nying nono.

1 Petero 4:16 Iomraidhean Croise

Isaya 24:15

Jo me bad tetu kide bino pako Rwot di kimie dwongo; jo kame bedo i dog nam adwong da bino pako Rwot, en Rubanga me Isirael.

Isaya 50:7

Rwot Rubanga en kame konya; pi mano, lewic likame bino maka. Ango abino mino wanga bedo tek twatwal. Ango angeo be likame kobino mina lewic,

Isaya 54:4

Kur ibed kede lworo, pien likame bobo lewic bino maki; kur imi cunyi dwono, pien likame kobino mini lewic. Wi bino wil kede lewic me kare me aponga ni, doko lewic kame oudo itie kede me bedo apuserut likame ibino yutuno bobo.

Tice 11:26

kakame eude kede, en eko kele Antiokia. Saulo kede Baranaba oko bedo kuno pi mwaka acel lung, di kiriamakin kede ekodet me jokirisito, kiko pwonyo ekodet me jo atot. Antiokia kanono en kame oko cako lwongo kiye josiao be jokirisito.

Tice 26:28

Aguripa oko waco ne Paulo be, “In kom iparo be itwero lokango adoko ngakirisito i kare acecek ni!”

Tice 28:22

Do wan omito winyo tam nin, pien i kom kop kame mako ajange noni, wan ongeo be jo yamo kop arac i kome i kabedo dedede.”

Tice 5:41

Kikano di do joor oko yai ki nyim kansulo di kilelo pien kotero gin bala jo kame poore neno can pi nying Yesu.

Jopilipi 1:20

Ki mit kede gen na, likame lewic bino maka atwal, do nataman kede tekcuny adwong koma bino mino Kirisito wor bala lem nakanaka, akadi bed bala akuo amoto ato.

Jopilipi 1:29

Piento en etieko mino wu winyo pi kisa mere, likame winyo me yei Kirisito kenekene, do da me neno can pire,

2 Temeseo 1:12

doko kop noni en komio ango atie neno can kaman. Do ango lewic likame maka, pien ango angeo ngat kame atieko keto gen na i kome, doko ango angeo kiber be en ekaruno gwoko gikame etieko gena kede paka tuno i Ceng nono.

Yakobo 2:7

Mam gin en kame kicao nying me awora kame oudo komio wu?

1 Petero 2:12

Bedunu kede iponeso abeco i dier jo kalikame Iyudayan, tetekeny bed bala gin kiwaco kop moro i komu be wun jo kame timo tim areco, wek kikaruno neno tice wu kabeco di kiko mino Rubanga deyo i Ceng me bino mere pi ngolo kop.

1 Petero 4:11

Ngat kame yamo, eyam bala dano kame yamo kop ka Rubanga; ngat kame mio kony, emi bala ngat kame konyo kede teko kame Rubanga mio, tetekeny mi Rubanga deyo i gi dedede pi Yesu Kirisito. Deyo kede twer bed but Yesu Kirisito ikar kede ikar. Amen.

1 Petero 4:14

Ka koronkino wu pi nying Kirisito, udo itienu kede winyo, pien udo Tipo me deyo, kame obedo Tipo ka Rubanga tie kede wu.

1 Petero 4:19

Pi mano, jo kame neno can di lubere kede mit ka Rubanga poore meede timo gikaber di kimio kuo gi i cing Ngacwec, ngat kame genere.