1 Petero 4:13 - Baibuli I Leb Kumam 2013

¹³ Do lelunu kame itienu nywako can ka Kirisito, me wek bobo ibin ilelunu di itienu kede yomcuny i kare kame kobino nyuto kede deyo mere.

1 Petero 4:13 Iomraidhean Croise

Isaya 25:9

I kare nono, jo dedede bino waco be, “En ebedo Rubanga wa! Wan oudo obedo kure kede gen pi lako wa. Manoni en Rwot kame wan oudo obedo geno, nan obedunu kede yomcuny kede kilel pien elako wa.”

Isaya 35:10

Jo kame Rwot olako bino dwogo, gin kibino donyo Sion di kiwero. Gin kibino bedo kede yomcuny kalikame tiek; kuo gi bino pong kede kilel kede yomcuny, cwercuny kede cur bino yai tenge ki kuo gi.

Isaya 51:11

Jo kame Rwot olako bino dwogo, gin kibino donyo Sion di kiwero. Gin kibino bedo kede yomcuny kalikame tiek. Kuo gi bino pong kede kilel kede yomcuny, cwercuny kede cur bino yai tenge ki kuo gi.

Matayo 16:27

Pien Wot ka dano oyaro bino kede imalaikan mege di etie i deyo ka Papa mere, di en eko bino culo ngat acelacel pi gikame etimo.

Matayo 25:21

Ngadwong mere oko waco ne be, ‘Itimo kiber, in ngatic aber, doko igenere. Itieko bedo ngat kame genere kede gi atitidi, abino do keto gi atot i cingi, pi mano dony do i kilel na.’

Matayo 25:23

Ngadwong mere oko waco ne be, ‘Itimo kiber, in ngatic aber, doko igenere. Itieko bedo ngat kame genere kede gi atitidi, abino do keto atot i cingi, pi mano dony do i kilel na.’

Matayo 25:31

“I kare kame Wot ka dano bino dwogo kede di etie i deyo mere karacel kede imalaikan dedede, en ebino bedo i kom mere me deyo.

Matayo 25:34

Di do Abaka ko bino waco ne jo kame tie i bade tetu cam be, ‘Bianu wun jo kame Papa na omio wu winyo, bia igamunu winyo me ajakanut kame Rubanga oiko ne wu cako ki agege me cweno piny;

Matayo 5:12

Lelunu di ikounu bedo kede yomcuny, pien giamia wu me pwoc tie dwong i malo. Epone nono da en kame bin jo otidilo kede inabin kame ogeo bino ne wu.

Marako 8:38

Ngat kame nan lewic make i koma kede pi kop na i kare kanataman me kwina Rubanga kede me dub, Wot ka dano da lewic bino make i kome i kare kame ebino dwogo kede di etie i deyo ka Papa mere, karacel kede imalaikan kacil.”

Luka 17:30

Ebino bedo kamanono da i ceng kame Wot ka dano da bino nyutere kede.

Tice 16:25

Do i dier iwor me ceng nono, Paulo kede Sila oudo tie ilega kede wero were me pako Rubanga, di mabus icegun winyo.

Tice 5:41

Kikano di do joor oko yai ki nyim kansulo di kilelo pien kotero gin bala jo kame poore neno can pi nying Yesu.

Joroma 5:3

Do akalamo mere, obedunu kede kilel pi neno can, di ongeunu be neno can kelo ikanyakin,

Joroma 8:17

Aso ka wan idwe ka Rubanga, udo otienu jo kame bino udo winyo mere, di onywakunu udo winyo nono karacel kede Kirisito, ka di ateteni wan otienu neno can kede en me wek mi wa deyo karacel kede en.

Joroma 8:18

Ango angeo be can kame nataman wan otienu neno i kare ni likame romo porere kede deyo kame kobino nyuto ne wa.

2 Jokorinti 1:5

Pien bala kame can ka Kirisito kame wan onywakunu dwong ne wa kede, kamanono da wan onywakunu kweno cuny adwong kame Rubanga mio pi Kirisito.

2 Jokorinti 1:7

Wan otie kede gen atek butu; pien wan ongeo be, bala kame inywakunu kede wa can, kamanono da inywakunu kede wa kweicuny.

2 Jokorinti 4:10

wan nakanaka ooto kede to ka Yesu i kom wa, tetekeny kuo ka Yesu nyutere ki kom wa.

2 Jokorinti 4:17

Pien can kame nataman wan otie neno tunutunu noni, tie iiko ne wa deyo adwong kalikame wacere, kame bedo nakanaka.

Jopilipi 3:10

Ango amito ngeno Kirisito kede twer me iyarun mere, di ako nywako kede en can mere, ako doko cal kede en i to mere,

Jokolosai 1:24

Ango nan alelo pi can kame atie neno piru, doko can kame ango atie beo iye i koma pongo kakorem i can kame Kirisito oneno pi kome, kame obedo ekodet me jokirisito.

2 Temeseo 2:12

Ka wan okanyakinunu, obinunu da pug karacel kede en. Ka wan odagenu, eda ebino dagi wa.

1 Petero 1:13

Pi mano, bedunu di tam wu otieko iikere cuto, kede di wi wu tio. Ketunu gen wu atwal i kom winyo kame Yesu Kirisito bino kelo ne wu i kare kame kobino nyute iye.

1 Petero 2:21

Kolwongo wu pi kop noni, pien Kirisito da oneno can piru, di eko weko ne wu anyut me aluba, me wek ilubunu tiene.

1 Petero 5:1

Ango abako doga but joadongo kame tie i diere wu, bala adwong wad gi kame obedo mujura me can kame Kirisito oneno, doko da bala ngat kame nywako deyo kame kobino nyuto.

1 Petero 5:10

Do ingei wun neno can pi kare moro acecek, Rubanga won kisa lung, ngat kolwongo wu i deyo mere kame bedo nakanaka i Kirisito, en kikome ebino dwoko kuo wu kakare, ebino konyo wu, ebino mino wu teko di eko sipakino wu.

Yuda 1:24

But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,

Gianyuta 1:7

Nenunu, en etie bino kede idoun! Wang jo dedede bino nene, kiton jo kame bin ocobe; jo dedede me wi lobo bino koko pire. Ebino bedo kamanoni! Amen.

Gianyuta 1:9

Ango Yokana omin wu, kame pi yei Yesu, anywako kede wu itidil, Ajakanut kede ikanyakin di otienu kede dire. Ango oudo atie i cula kame kolwongo be Patimos, pi kop ka Rubanga kede pi ijura kame Yesu omio.